وەزیرێ ده‌رڤه یێ ئه‌مریكا یێ نوو بنیاسه
ئەڤرۆ نیوز:
ئەنتۆنی بلینکن، ژ ئالیێ جۆ بایدنى و هاریسا جێگرا وى، هاتیه کاندید کرن بۆ وەرگرتنا پۆستێ وەزیرێ دەرڤه یێ ئەمریکا، پشتى ب دوماهى هاتنا ئیدارا دۆنالد ترامپى.
ل سەردەمێ سەرۆکاتیا باراک ئۆباماى، بلینكن جێگرێ وەزیرێ دەرڤە بوویە و پلەكا بلند ل رێزا دبلۆماتکارێن ئەمریکا دا هەیە.
هەروەسا پێشتر، ل کۆچكا سپی و ل وەزارەتا دەرڤه دا، بەرپرسێ پشكا سیاسەتا دەرڤە بوویە و شارەزایی و ئەزموونه‌كا زۆر د پەیوەندی و سیاسەتا دەرڤه یا ئه‌مریكا دا هەیە، دیسان ده‌مێ جۆ بایدن بوویە جێگرێ باراک ئۆباماى، بلینکن وەکو شیره‌تكارێ ئاساییشا نشتیمانی یا خوه هەلبژارت.
ل هه‌یڤا 12 یا سالا 2016، بلینکن، جێگرێ وەزیرێ دەرڤه یی وى ده‌مى یێ ئەمریکا بوو، ل گەل مەسرور بارزانی ل ئەمریکا کۆم بوویه، ل وى ده‌مى سۆز دابوو پترهاریکاریا هەرێما کوردستانی بكه‌ت، هەردو ئالیان ل سەر ب هێزکرنا پەیوەندیێن دناڤبه‌را گەلێ كورد و ئەمریکا دا گۆتوبیژ كربوون.
بلینکن ل سالا 1962 ل ویلایەتا نیویۆرک ل ئەمریکا ژ دایک بوویە و پشكا قانوونێ ل زانکۆیا کۆلۆمبیا خواندیه.
هەروەسا ل رۆژا 16/10/2014 ل باژێرێ دهۆكێ سەرۆک مەسعود بارزانی پێشوازی ل بلینكنى، جێگرێ شیره‌تكارێ وى ده‌مى یێ ئاساییشا نه‌ته‌وه‌یا ئه‌مریكا كریه، دیسان برێت مه‌كگۆرك هاریكارێ وه‌زیرێ ده‌رڤه یێ ئه‌مریكا بۆ كاروبارێن ئیراقێ و ستیوارت جۆنز بالیۆزێ ئه‌مریكا له ئیراقێ و هژماره‌كا دبلۆمات و شیره‌تكاران ل گه‌ل بوون.
