ئەحمەد سەفار : 500 ملیار دۆلارێن عیراقێ ل بانكێن دەرڤە دنڤاندینە
ئەڤرۆ نیوز:
بڕیاردەرێ لژنا دارایی ل جڤاتا نوونه‌رێن عیراقێ راگه‌هاند، نێزیكی 500 ملیار دۆلارێن ئیراقێ ل بانكێن دەرڤە دنڤاندینە و هه‌تا نوكه چ بزاڤ ژ ئالییێ حكومه‌تێ بۆ ڤه‌گه‌راندنا وان نه‌هاتینه كرن.
ئەحمەد سەفار ئاشكرا كر، دهێته پیشبینى كرن ئەو 500 ملیار دۆلاره ل بانكێن دەرڤە هاتبنە هەلگرتن، هه‌ر چه‌نده دبیت ئه‌و رێژه‌یه پتر ژى بیت، یاكو د هنده‌ك راپۆرتان دا هاتیه به‌حس كرن.
سه‌فارى گۆت ژى: دڤێت بزاڤ بۆ ڤه‌گاراندنا وی پارەی بهێنە كرن و هەكە پێنگاڤەكا وەسا بهێتە هاڤێتن، دێ ئابوورێ عیراقێ ڤەژاندنه‌كا باش بخوه‌ڤه بینیت و دێ گه‌له‌ك كێشێن ئابوورى چاره‌سه‌ر بن.