بەرھەڤی بۆ دانانا پرۆژە یاسایا وەرزشا کوردستانێ دھێنەکرن
ئەڤرۆ،
رێڤەبەرێ گشتی یێ وەرزشی ل ھەرێما کوردستانێ دیارکر کو بەرھەڤی بۆ دانانا پرۆژە یاسایا نوو یا تایبەت ب وەرزشێ کو گرێدایی لژنا ئۆلۆمپیا کوردستانێ یە ئەوا دێ ل سەر داخوازا وان ھێتە دروستکرن ژبەرکو ھەتا نوکە چو یاسا نین.
زێدەتر شاکر ئەحمەد سمۆ گوت: بۆ بابەتێ ڤێ یاسایێ ل گەل لژنا وەرزشی یا وەزارەتا رەوشەنبیری ولاوان ل پەرلەمانێ کوردستانێ و لژنا وەرزش و لاوان یا حکومەتا عیراقێ کۆمبین کو دەستپێکێ ھەکەر رێک بھێتەدان دو لژنێن ئۆلۆمپی ل وەلاتەکێ ھەبن دێ پشتەڤانیا یاسایەکا نوو بۆ یا ھەرێمێ کەین، لێ ھەکە حوکمەتا عیراقێ رازینەبوو لسەر دو لژنێن ئۆلۆمپی ئەم نەچارین و لدیڤ راسپاردێن حوکمەتا ھەرێمێ و داخواز ژ مە بکەت دێ دەزگەھەکێ گشتی یێ وەرزشی دروستکەین کو پێدڤی ب یا عیراقێ نەبین.
ژلایەکێ دیڤە ناڤھاتی گوت: ئەم ل گەل وێ چەندێ نە دەزگەھێ بلند یێ وەرزشی ھەبیت دا ئەڤ بەرەلایە نەمیت، ژبەرکو ھندەک ژ وەرزشا تایبەت ب لژنا ئۆلۆمپی ڤە گرێداینە و ھندەک ب رێڤەبەریا گشتی یا وەرزشی نە و ھندەک لسەر لایەنێ تیمێن مللی نە، لەورا ئەگەر دەزگەھەکێ بلند ھەبیت و لدیڤ یاسایێ دێ کارەکێ دروست برێڤەچیت و دێ شێن وەرزشێ پێشێخن و گوت ژی: ئەڤ پرۆژە یاسا بۆ جیھەتێن تایبەتمەند ھاتینە رەوانەکرن و ھەر دەمێ حوکمەت رازی بوو دێ بۆ پەرلەمانی ھێتە ھنارتن کو دەستپێکێ کار لسەر یا ئۆلۆمپی ھێتەکرن و ھەردەمێ رازی بوون ھاتەکرن دێ پێنگاڤەکا باش بیت بۆ وەرزشا کوردستانێ.
شاکر ئەحمەد سمو دیارکر کو چاڤەرێ پەسەندکرنا بووچەیێ عیراقێ نە کو ئێک ژوان بابەتان بووچەیێ وەرزش و لاوانە دیسان خالێن باش بۆ وەرزشا کوردستانێ گەل دانە کو ئەو خالە ژلایێ نوونەرێن مە ل پەرلەمانێ عیراقێ کار لسەر کریە و ھەر پێنگاڤەک ب ئاگەھداریا مەبوویە، ھەروەسا ھەر موولەتەکا ئەم بۆ یانەکا وەرزشی ل کوردستانێ بدەینە ل ھەموو عیراقێ یا باوەرپێکری بیت، دیسا نابیت دو خولێن سەروک و ئەندامێن کارگێریێ د یانێ دا بەردەوامبن و ھەر یاسایەکا ل عیراقێ دەربچیت و ل کوردستانێ نە ھاتبیتە دەرکرن ئەم دێ پێگیربین.
