مه‌سرور بارزانی به‌رێ بنیاتێ پرۆژێ كڕینا گه‌نمێ جۆتیاران ل دهۆكێ دانا
ئه‌ڤرۆ:
ب به‌رهه‌ڤبوونا مه‌سرور بارزانی، سه‌رۆكێ حوكمه‌تا هه‌رێما كوردستانێ و د رێوره‌سمه‌كێ تایبه‌ت دا دوهی 20/9/2021 به‌رێ بنیاتی بۆ پرۆژێ كڕینا گه‌نمێ جۆتیاران ل پارێزگه‌ها دهۆكێ هاته دانان، سه‌رۆكێ حوكمه‌تێ گرنگیا ڤان جۆره پرۆژان بۆ دابینكرنا ئاسایشا خوارنێ دیار كر و گۆت: ئه‌ڤ جۆره پرۆژه بۆ مه دگرنگن، چونكی دبنه ئه‌گه‌ر ئابوورێ كوردستانێ به‌ر ب قووناغه‌كا پێشكه‌فتیتر بچیت، ژ لایه‌كێ دی ژی ڤه ئاسایشا خوارنێ دێ دابین كه‌ت و مه پێدڤی نابیت وان جۆره به‌رهه‌مان ژ ده‌رڤه بینین، دیسا جۆتیاران ژی پشتڕاست دكه‌ین كو به‌رهه‌مێ وان دێ هێته وه‌رگرتن.
مه‌سرور بارزانی، سه‌رۆكێ حوكمه‌تا هه‌رێما كوردستانێ دیار كر، دانانا به‌رێ بنیاتێ پرۆژێ كڕینا گه‌نمێ جۆتیارێن پارێزگه‌ها دهۆكێ، وه‌كو پرۆژه‌كێ ستراتیژی، د كارناما حوكمه‌تا هه‌رێما كوردستانێ، گرنگه‌یه‌كا زۆر ب ڤان جۆره پرۆژان هاتیه‌دان و گۆت: “ئه‌ڤه پرۆژێ سێیێ یه ژ ڤی جۆری، پشتی یێن هه‌ولێر و سلێمانیێ، هیڤیدارم كاریگه‌ری ل سه‌ر ژێرخانه‌كا بهێز یا ئابووری یا كوردستانێ هه‌بیت و خزمه‌تا خه‌لكێ مه بكه‌ن”.
سه‌رۆكێ حوكمه‌تێ گۆتژی: “ده‌ستخوشیێ ل هه‌ردو كۆمپانیێن خۆشناو و قه‌یوان دكه‌م بۆ بجهئینانا ڤی پرۆژێ ستراتیژی و هه‌ردو پرۆژێن سلێمانی و هه‌ولێرێ ژی، وان بجهئیناینه و ده‌ستخوشیێ لێ دكه‌م و هیڤیا سه‌ركه‌فتنێ بۆ دخوازم”.
مه‌سرور بارزانی، ئاماژه ب گرنگیا پرۆژه‌ی كر و گۆت: “ئه‌ڤ جۆره پرۆژه بۆ مه دگرنگن، چونكی دبنه ئه‌گه‌ر ئابوورێ كوردستانێ به‌ر ب قووناغه‌كا پێشكه‌فتیتر بچیت، ژ لایه‌كێ دی ژی ڤه ئاسایشا خوارنێ دێ دابین كه‌ت و مه پێدڤی نابیت وان جۆره به‌رهه‌مان ژ ده‌رڤه بینین، ژلایه‌كێ دیڤه جۆتیاران پشتڕاست دكه‌ین كو به‌رهه‌مێن وان دێ هێنه وه‌رگرتن و خه‌ما هندێ نابیت چ ل به‌رهه‌مێن خوه بكه‌ن”.
سه‌رۆكێ حوكمه‌تا هه‌رێما كوردستانێ گۆتژی: “ئه‌ڤ جۆره كارگه‌هه، ژ سایلۆ و عمباران و ئاشان پێك دهێن، بۆ دروستكرنا وان خوارنێن ژ گه‌نمی دروست دبن، ئه‌ڤ پرۆژه‌یه ده‌لیڤێن كاری دێ دابین كه‌ن و بیته ئه‌گه‌ر ده‌رچویی ژی بسپۆری و شاره‌زاییا خوه بۆ زێده‌كرنا به‌رهه‌مێ ناڤخوه بكار بینن، ل سه‌ر حوكمه‌تێ یه، كو پشته‌ڤانیا ڤان جۆره پێنگاڤان بین و پشته‌ڤانیا كه‌رتێ تایبه‌ت ژی بین، وه‌كو كه‌رتێ گشتی ژی درێژیێ ب ڤی كارێ هه‌ڤپشك بده‌ین و پاشه‌رۆژه‌كا گه‌له‌ك باشتر یا ئابووری مسۆگه‌ر بكه‌ین”.
مه‌سرور بارزانی به‌حسێ گرنگیا كه‌رتێ چاندنێ كر و راگه‌هاند: چاندن، ئێكه ژ بنه‌مایێن سه‌ره‌كی ییچن ئابوورێ هه‌ر وه‌لاته‌كی،جوداهیا چاندنێ ل گه‌ل ژێده‌رێن دی یێن داهاتی، ئه‌وه كو چو ده‌مه‌كی تمام نابیت و هه‌موو ساله‌كێ به‌رهه‌م دهێت و دوباره دبیت.
مه‌سرور بارزانی گۆتژی: “داخوازێ ژ وه هه‌موویان دكه‌م پشته‌ڤانیا ڤان جۆره پرۆژان بن و سه‌رمایه‌دار هزر ل هندێ بكه‌ن سه‌رمایێ خوه ل كوردستانێ بێخنه كاری و هزر ل پێشئێخستنا ژێرخانا ئابووری یا كوردستانێ بكه‌ن”.
