مه‌سرور بارزانی سه‌ره‌خۆشی ل بنه‌مالا تێكۆشه‌رێ ناسیارێ زاخۆ عه‌ریف ده‌روێشی كر
ئه‌ڤرۆ:
مه‌سرور بارزانی، سه‌رۆكێ حوكمه‌تا هه‌رێما كوردستانێ سه‌ره‌خۆشی ل بنه‌مالا پێشمه‌رگێ تێكۆشه‌ڕ و كه‌سایه‌تیێ ناسیارێ باژێرێ زاخۆ عه‌ریف ده‌روێش سندی كر.
مه‌سرور بارزانی، سه‌رۆكێ حوكمه‌تا هه‌رێما كوردستانێ دوهی 30/10/2021 د په‌یوه‌ندیه‌كا ته‌له‌فۆنی دا، سه‌ره‌خۆشی ل بنه‌مالا پێشمه‌رگه‌یێ هه‌ردو شۆره‌شێن ئیلۆن و گولانێ و هه‌لگرێ مه‌دالیا بارزانیێ نه‌مر و كه‌سایه‌تیێ ناسیارێ زاخۆ، عه‌ریف ده‌روێش سندی كر.
سه‌رۆكێ حوكمه‌تێ، هه‌ڤخه‌میا خوه گه‌هانده بنه‌مالا پێشمه‌رگێ خه‌باتكار و نیشتمانپه‌روه‌ر و هیڤی خواست، خودایێ مه‌زن، گیانێ خودێ ژێرازی، ب بهه‌شتێ شاد بكه‌ت و ئارامیێ بده‌ته كه‌سوكار و بنه‌مال و هه‌ڤالێن وی.
د به‌رامبه‌ر دا، بنه‌مالا عه‌ریف ده‌روێش سندی، سوپاسی و پێزانینێن خوه بۆ په‌یوه‌ندی و هه‌ڤخه‌میا سه‌رۆكێ حوكمه‌تێ ده‌ربڕی.
عه‌ریف ده‌روێش سندی، كه‌سایه‌تیێ ناسیارێ زاخۆ و پێشمه‌رگێ هه‌ردو شۆڕه‌شێن ئیلۆن و گولانێ و هه‌لگرێ مه‌دالیا بارزانی، ل سپێده‌هیا دوهی د رێوره‌سمه‌كێ دا ل زاخۆ هاته ڤه‌شارتن.
