ده‌زگه‌هێ ره‌وشه‌نبیری و راگه‌هاندنا پارتی سه‌ره‌خوشیێ ل مالباتا كاوه ئالیخان دكه‌ت
ئه‌ڤرۆ:
ده‌زگه‌هێ ره‌وشه‌نبیری و راگه‌هاندنا پارتی دیموكراتی كوردستان ب هه‌لكه‌فتا وه‌غه‌ركرنا دووماهیێ یا رۆژنامه‌ڤانێ به‌رنیاسێ پارێزگه‌ها دهۆكێ (كاوه ئالیخان) په‌یامه‌كا سه‌ره‌خوشیێ به‌لاڤ كر و تێدا سه‌ره‌خوه‌شی ل مالبات و هه‌ڤال و كه‌سوكارێن كاوه ئالیخانی كر.
ده‌زگه‌هێ ره‌وشه‌نبیری و راگه‌هاندنا پارتی د وێ په‌یاما سه‌ره‌خوشیێ دا دیار كریه، ب خه‌م و كۆڤانڤه نووچه‌یێ وه‌غه‌ركرنا روژنامه‌ڤان و میدیاكارێ دیارێ ده‌ڤه‌را دهۆكێ و كادرێ دلسۆزێ راگه‌هاندنا پارتی (كاوه ئالیخان)ی گه‌هشته مه، سه‌ره‌خوه‌شیێن خوه دگه‌هینینه مالبات، هه‌ڤال و كه‌سوكارێن خودێ ژێ رازی و هه‌ڤپشكێن خه‌ما وه‌ینه.
دیسا د په‌یاما سه‌ره‌خوشیێ یا ده‌زگه‌هێ ره‌وشه‌نبیری و راگه‌هاندنا پارتی دا هاتیه: داخوازێ ژ خودایێ مه‌زن دكه‌ین سه‌بر و دلئارامیێ بده‌ته هه‌موو لایه‌كی و گیانێ هه‌ڤالێ مه یێ وه‌غه‌ركری ژی ل بهه‌شتا به‌رین شاد بكه‌ت.
ناڤێ وی (كاوه محه‌مه‌د عه‌بدوللا ئالیخان)ه، ل سالا 1982 ل تاخێ به‌رۆشكێ یێ باژێرێ دهۆكێ ژ دایك بوویه، ده‌رچوویێ كۆلیژا كارگێرێ و ئابووری بوو ل زانكۆیا دهۆك، ل سالا 2002 ل رادیۆیا دهۆك وه‌كو بێژه‌ر و به‌رهه‌ڤكه‌ر كاركریه، ل رۆژا 9/10/2021 تووشی جه‌لتا مێشكی بوو، پشتی 21 رۆژان مایه د بن چاڤدێریا چڕ دا، ل شه‌ڤا 29 ل سه‌ر 30/10/2021 د ژییێ 39 سالیێ دا وه‌غه‌ر كر.
