جێگرێ راگرێ كولیژا په‌روه‌ردا بنیات:راگرتنا ده‌واما ئێڤاریان جڤاتا زانكۆیێ بریار ل سه‌ر دایه نه‌كو بریاره‌كا كه‌سوكی بوو
ئه‌ڤرۆ، سالار محه‌مه‌د دۆسكی:
جێگرێ راگری َكولیژا په‌روه‌رده و بنیات ل زانكۆیا دهۆك ئاشكه‌راكر كو پلان دایه ده‌واما زانكۆیێ بهێته درێژكرن نه ل ده‌مژمێر ئێك و دو ب دووماهی بێت وه‌كو قوتابخانه و هزره‌ك هه‌یه ده‌وام بهێته درێژكرن هه‌تا ده‌مژمێر چار هه‌تا پێنچێ ئێڤاری، له‌ورا ژی هه‌كه ئه‌ڤ ده‌مه درێژ بیت خاندنا ئێڤاریان ب راوه‌ستیت و پرۆسه‌یا خاندنێ ل دانێ ئێڤاریان ئه‌ڤ ساله دپلان بتنێ دو به‌ش به‌رده‌وامیێ ده‌نه خاندنا خوه ل قوناغا ئێكێ وه كو به‌شێ زمانێ كوردی و ئینگلیزی.
پرۆفیسورێ هاریكار د. موئه‌یه‌د به‌ره‌كات، جێگری راگرێ كولیژا په‌روه‌رده‌و بنیات دیداره‌كی َدا بۆ به‌رپه‌رێ په‌روه‌رده‌و زانكۆ یێ رۆژناما ئه‌ڤرۆ گۆت: كو لیژا په‌روه‌رده‌و بنیات مه‌زنتریت كولیژه‌یه ل زانكۆیا دهۆكێ و دشێم بێژم چارێكه‌كا زانكویێ كولیژا په‌روه‌رده‌و بنیاته و ئه‌ڤ ساله قوتابێن قوناغا ئێكێ هزارو سه‌د چل و دو قوتابی مه وه‌رگرتینه و ره‌وشامه گه‌له‌ك یا ئالوزه هولێن خاندنێ مه نینن و مه كێماسی تێدا هه‌یه و هه‌كه سه‌د و پێنجی قوتابی ته‌مام بوون نزانین دابه‌شكه‌ینه سه‌رچه‌ند به‌شان و ئه‌ڤ ئامیرێن نوی یێن خاندنێ ب كاربینین و ل سه‌ر ماموستایێن خوه فه‌رز كه‌ین وه‌كو زانكۆ وه‌زاره‌ت ل سه‌ر مه فه‌رزكه‌ت سیسته‌مێ خاندنێ یێ نوی ب كار بینین وه‌كو سیسته‌مێ گرۆپان و ب كارئینانا داتا شویێ و باوه‌ردكه‌م گه‌له‌ك یا ب زه‌حمه‌ت ب ڤی سیسته‌می كاربكه‌ین و نه‌شێن ل سه‌ر ماموستایێ خوه فه‌رز كه‌ین كو ماموستا ب ئه‌ركێ خوه یێ گشتی رابیت و گه‌له‌ك یا ب ب زه‌حمه‌ته ب تایبه‌تی قوتابێن سپێده‌هیا پروسه‌یا ئێڤاریا ل دهۆكێ هه‌موویێ باوه‌ردكه‌م زانكویا دهۆكێ ئه‌ڤ پرۆسه راوه‌ستاندیه و كو ئه‌ڤ ساله بتنێ یه و دپلان دایه بده‌تێ مه دو به‌ش هه‌نه دێ به‌رده‌وامیێ ده‌نه خاندنا خوه ل قوناغا ئێكێ وه كو به‌شێ زمانێ كوردی و ئینگلیزی وان ژی رێژه مه‌زن نه‌سه‌ركه‌فتیان هه‌بووو گه‌له‌ك قوتابی مابوون و گه‌له‌كان ژی خاندنا خوه پاش ئێخست بوو و ده‌رفه‌ت هه‌بوو ئه‌و ڤه‌گوهاستنه‌كێ چێكه‌ن به‌شێن خوه یێن هاتینه وه‌رگرتن، له‌ورا ئه‌ڤ هه‌ردو به‌شه دێ به‌رده‌وامیێ ده‌نه خاندنا خوه ل دانێ ئێڤاریا، به‌لێ وه‌كو خاندنا ئێڤاریا ئه‌ڤ ساله هاته راوه‌ستاندن كو دو لایه‌نا بخوه ڤه دگریت خاندنا ئێڤاریان و هه‌كه ژلایه‌نێن ئابوری سه‌حكه‌ینێ گه‌له‌ك كارتێكرن هه‌بوویه گه‌له‌ك قوتابیان قه‌ستا زانكۆ كولیژێن تایبه‌ت كرن و رێژه‌یا پارێ وان بلند تره ژ كولیژێن ب سه‌ر وه‌زاره‌تێ ڤه زانكو یا دهۆك زانكویه‌كا حكومیه و ده‌مێ قوتابیا وه‌ردگریت ژی ل دانێ ئێڤاریان وه‌كو پشته‌ڤانیه‌كا حكومی پارێ وان گه‌له‌ك یێ كێم بووو ل زانكۆیا مه ل هنده‌ك به‌شان پارێ چار سالان هندی پارێ ساله‌كێ یه ب ده‌ته كولیژێن تایبه‌ت و ژلایه‌كێ دی ڤه سه‌رۆكێ زانكویێ و ستافێ زانكۆیێ یێ نوی هزر و پلانێن نوی هه‌نه ژ بۆ پێشكه‌فتنه‌كا باش بۆ زانكۆیێ و ده‌واما زانكۆیێ بهێته ڤه‌كێشان نه ل ده‌مژمێر ئێك و دو ب دووماهی بێت وه‌كو قوتابخانه و هزره‌ك هه‌یه ده‌وام بهێته درێژكرن هه‌تا ده‌مژمێر چار هه‌تا پێنچێ ئێڤاری، له‌ورا ژی هه‌كه ئه‌ڤ ده‌مه درێژ بیت خاندنا ئێڤاریان ب راوه‌ستیت و سه‌رۆكێ زانكۆیێ ئه‌ڤ پلانه هه‌یه و وه‌كو بۆ مه روهن بووی، له‌ورا پێدڤی نین خاندنا ئێڤاریان ڤه‌كه‌ین و ئه‌و قوتابێن دپلانا ئێڤاریا دا بهێن وه‌رگرتن رێژه‌یا پلانێ هاته بلندكرن بۆ ئه‌ف ساله.
ناڤهاتی ئه‌و چه‌نده‌ژی گۆت: راگرتنا ده‌واما ئێڤاریان جڤاتا زانكۆیێ بریار ل سه‌ر دایه نه‌كو بریاره‌كا كه‌سی بووپشتی جڤینا جڤاتا زانكۆیێ ئه‌نجامێن وێ جڤینێ ژی كو خاندن بهێته راوه‌ستاندن بۆ ئه‌ڤ ساله ل دوڤ سیسته‌مێ نوی نابیت ماموستا بیته سه‌نته‌ر و دینه‌مویێ هولێ ڤه و ل سه‌ر سیسته‌مێ پرسیاران و قوتابی پرسیاران بكه‌ت و بیته ده‌گه‌هه‌ك بۆ قوتابی و ده‌مێ قوابی ده‌رگه‌هێ وێ ژورێ ڤه‌ككه‌ت و ئه‌و بزانیت چ دوێ ژورێ ڤه‌یه، له‌ورا یا پێدڤیه ماموستا داتاشویێ ب كاربینت و دهولێ ڤه سیسته‌مێ پرسیارا و گرۆپان ب كار بینت و ئه‌ڤ رێژا زورا قوتابیان هاتیه وه‌رگرتن و نه‌بوونا هه‌لێن خاندنێ ژی كارتێكرن ل مه‌كریو نه شێن هه‌موو سیسته‌مان ب كاربینین و ئه‌ڤ سیسته‌مه ژی نه‌یێ نویه یێ كه‌ڤنه و مه‌نه‌شیایه سه‌ركه‌فتنێ بینین، چونكو رێژه‌كا مه‌زن یا قوتابیان بۆ مه دهێت ب تایبه‌ت كولیژامه و هه‌ربه‌شه‌كی َمه شه‌ش هول هه‌نه و هه‌ربه‌شه‌كه چار قوناغن و ئه‌م پێدڤی هه‌شت هولێن خاندنێ ینه.
