كۆنفرانسه‌ك ل دۆر فولكلۆرێ كوردی ل زانكۆیا زاخۆ هاته ئه‌نجامدان
زاخۆ، دلۆڤان هالۆ:
عه‌بدولسه‌لام نه‌جمه‌دین، به‌رپڕسێ سه‌نته‌رێ زاخۆ بۆ ڤه‌كۆلینێن كوردی ل زانكۆیا زاخۆ بۆ ڕۆژناما ئه‌ڤرۆ دیار كر كو ب ئاماده‌بوونا سه‌رۆكێ زانكۆیا زاخۆ دكتۆر نازم سلێمان و نوونه‌را وه‌زاره‌تا خواندنا بلند و ڤه‌كۆلینێن زانستی دكتۆر ژاله سه‌عید، كۆنفڕانسێ نێڤده‌وله‌تی یێ زانكۆیا زاخۆ ئه‌وێ ل ژێر ناڤونیشانێ (فولكلۆرێ كوردی، ئه‌ده‌ب، زمان، مێژوو، جڤاك و كه‌له‌پوور) هاته ئه‌نجامدان.
به‌رپڕسێ سه‌نته‌رێ زاخۆ بۆ ڤه‌كۆلینێن كوردی ل زانكۆیا زاخۆ گۆت: “د ڤی كۆنفڕانسی دا نێزیكی 90 ڤه‌كۆلین ل سه‌ر ئاستێ كوردستانا مه‌زن ژ لایێ ڤه‌كۆله‌رێن كوردستانێ د بیاڤێ فولكلۆرێ كوردی دا هاتنه پێشكێشكرن”.
