نێچیرڤان بارزانی و بالیۆزێ بریتانیا ل ئیراقێ كۆمبوون
سه‌رۆكێ هه‌رێما كوردستانێ، نێچیرڤان بارزانی، پێشوازی ل مارك برایسۆن بالیۆزێ بریتانیا ل ئیراقێ و شاندێ سیاسی و له‌شكری یێ دگه‌لدا كر. د كۆمبوونه‌كێ دا پێشڤه‌برنا په‌یوه‌ندیێن بریتانیا ل گه‌ل ئیراقێ و هه‌رێما كوردستانێ، دووماهی پێشهاتێن پرۆسا سیاسی ل ئیراقێ، ره‌وشا ناڤخوه‌یا هه‌رێما كوردستانێ، شه‌رێ دژی تیرۆرێ و لڤینێن داعشێ ب تایبه‌تی ل ده‌ڤه‌رێن مادێ 140 گوهۆرینێن سه‌قای و كاریگه‌ریێن وێ چه‌ندێ ل سه‌ر ئیراقێ و هه‌رێما كوردستانێ و ده‌ڤه‌رێ، هاتنه باسكرن. هه‌ردو دووپاتی ل گرنگیا لێكتێگه‌هشتنا هه‌ڤپشك یا ئالیێن ئیراقی بۆ چاره‌سه‌ریێ كر و د هه‌ڤرا بوون هه‌كه بریار و ئیرادا سیاسی هه‌بیت، ده‌لیڤه یا هه‌ی ئالی بگه‌هنه چاره‌سه‌ریێ. هه‌ردو ئالیان نیگه‌رانیا خوه دیاركر ژ ره‌وشا شنگالێ و پێشهاتێن ده‌ڤه‌رێ كوب ووینه ئه‌گه‌رێ دووباره ئاواره‌بوونا خه‌لكێ ئێزدی و دووپاتی ل پێكڤه كاركرنا هه‌رێمێ و به‌غدا كر بۆ زڤراندنا ئارامیێ بۆ وێ ده‌ڤه‌رێ.
