ئه‌ڤرۆ ئه‌نجامێن به‌ریكانا كورته چیرۆكێ دێ هێنه راگه‌هاندن
دهۆك، شاكر ئه‌تروشی:
پشكا ره‌وشه‌نبری، سه‌ر ب ناڤه‌ندا خانی یا ره‌وشه‌نبیری و راگه‌هاندنێ، ل به‌ره ئه‌ڤرۆ لده‌مژمێر شه‌شی ئێڤاری ئه‌نجامێن به‌ریكانا كورته چیرۆكێ بۆ گه‌نجان ل هولا نالبه‌ند ل پانۆراما ئازدای رابگه‌هینیت و سێ سه‌ركه‌فتیێن به‌راهیێ دێ هێنه خه‌لاتكرن، هه‌روه‌سا پرتووكه‌كا نوو ژی دێ هێته به‌لاڤكرن.
به‌ریكانا ناڤهاتی، ب هه‌ڤكاری ل گه‌ل (نۆبارا جه‌عفه‌ر مایی) هاتیه رێكخستن و ل دووف هنده‌ك مه‌رجان چیرۆكێن گه‌نجان هاتینه وه‌رگرتن و پشتی ژلایێ لژنه‌كا تایبه‌ت ب چیرۆكێ ڤه هاتینه هه‌لسه‌نگاندن، ئه‌ڤرۆ سه‌ركه‌فتیێ ئێكێ و دویێ و سێیێ دێ هێنه خه‌لاتكرن، هه‌روه‌سا چیرۆكا سه‌ركه‌فتیێ ئێكێ هه‌تا یا ده‌هێ دێ ژلایێ ناڤه‌ندا خانی ڤه ب شێوێ پرتووك هێته چاپكرن.
