ده‌ست ب خانه‌نشینكرنا پێشمه‌رگه‌ی دێ هێته كرن
ئه‌ڤرۆ، زنار تۆڤی:
رێڤینگ هرۆری، سه‌رۆكێ لژنا پێشمه‌رگه‌ی ل په‌رله‌مانێ كوردستانێ، بۆ رۆژناما ئه‌ڤرۆ دیار كر، د كڤانێ چاكسازیێن حكومه‌تا هه‌رێما كوردستانێ دا و ژ پێخه‌مه‌ت هه‌بوونا له‌شكه‌ره‌كێ رێكوپێك و ئه‌كادیمی، ئه‌و پێشمه‌رگێن ل دووڤ قانوونێ ژییێ وان ژ خانه‌نشینكرنێ دگرن دێ هێنه خانه‌نشینكرن و مووچێ وان ژی ناهێته كێمكرن و دێ هه‌ر وه‌كی خوه مینیت.
ناڤهاتی گۆت: “خانه‌نشین دێ ژ وان پێشمه‌رگان گریت، یێ ژییێ وان ژ 45 سالان كێمتر نه‌بیت و خزمه‌تا وان ژی ژ 15 سالا كێمتر نه‌بیت، ئه‌و خانه‌نشینێن دیتر ژی دێ ل دووڤ پله‌یان بیت”.
رێڤنگ هرۆری ئه‌و ژی گۆت: “ناڤێ وان پێشمه‌رگان ب لیسته‌كێ بۆ جڤاتا وه‌زیران و سه‌رۆكاتیا هه‌رێما كوردستانێ هاتینه هنارتن، دهێته چاڤه‌رێكرن د نێزیكترین ده‌م دا رازیبوون ل سه‌ر بهێته كرن و ده‌ست ب خانه‌نشینكرنا وان بهێته كرن، كو نێزیكی دو هزار پێشمه‌رگه‌یانه”.
