ئایدن مه‌عرووف:پێكهاته زیاندارێن ئێكێ نه ژ فره‌بازنه‌ییێ بۆ هه‌لبژارتنان
ئه‌ڤرۆ:
به‌رپرسێ مه‌كته‌با سیاسی یا به‌ره‌یێ توركمانی ل هه‌ولێرێ رادگه‌هینیت، زیاندارێن ئێكێ ژ فره‌بازنه‌ییێ بۆ هه‌لبژارتنان، پێكهاته‌نه و ئه‌م ل گه‌ل فره‌بازنه‌ییێ نینین.
ئایدن مه‌عرووف، به‌رپرسێ مه‌كته‌با سیاسی یا به‌ره‌یێ توركمانی ل هه‌ولێرێ كو د هه‌مان ده‌مدا وه‌زیرێ هه‌رێمێ یه بۆ كاروبارێن پێكهاته‌یان گوت” وه‌كو به‌ره‌یێ توركمانی ل گه‌ل فره‌بازنه‌ییێ نینین و ئه‌ڤه ئاخڤتنا پێكهاته‌یێن دی ژی یه، چونكه زیاندارێن ئێكێ ئه‌ون ل گه‌ل وێ كۆتا كو چه‌ندین ساله بۆ جڤاتا نوونه‌رێن كوردستانێ دهێته په‌یره‌وكرن.
ئایدن مه‌عرووف باس ل وێ چه‌ندێ ژی كر” ئه‌و پێكڤه‌ژیان و هه‌ڤدوقبوولكرنه وه‌كریه كو پێكهاته نوونه‌رێن خوه یێن راسته‌قینه بهنێرنه په‌رله‌مانی، چونكه ده‌نگێ پێكهاته‌یان ب سه‌ر چه‌ند ده‌ڤه‌ران ل هه‌رێما كوردستانێ به‌لاڤبوویه، نوكه تنێ ل هه‌ولێرێ و كفری مه به‌ربژار یێن هه‌ین و خه‌لكێ توركمان ل وان ده‌ڤه‌ران د ئاكنجینه، هه‌كه هه‌لبژارتن فره‌بازنه‌یی بن، هیچ نوونه‌ره‌كێ مه نه‌شێت سه‌ربكه‌ڤیت و ده‌نگێن مه دێ سۆژن”.
ناڤبری رۆهنكر ژی” پێكهاته پاشكۆیێ هیچ حزب و ئالیه‌كی نینن و تنێ هنده‌ك ئالی داكۆكیا زێده‌تر ژ مافێن پێكهاته‌یان دكه‌ن و ل گه‌ل ئێكه‌تی و پارتی ژی په‌یوه‌ندیێن مه دباشن، به‌لێ مه وه‌كو توركمان، كریستیان، كلدان و ئاشووری بۆ پێكئینانا كابینا نوو یا حوكمه‌تێ، مه لهه‌ڤهاتن یا ل گه‌ل پارتی هه‌ی”.
