بنگه‌هێ لالش پڕۆژه‌یێ ئینسكلۆپیدیا نڤیسه‌رێن ئێزدی راگه‌هاند
دهۆك، له‌زگین جوقی:
به‌رپرسێ راگه‌هاندنا ده‌سته‌یا بلندا بنگه‌هێ لالش یێ ره‌وشه‌نبیری و جڤاكی ل دهۆكێ دیار كر، پڕۆژه‌یێ ئینسكلۆپیدیا نڤیسه‌رێن ئێزدی ژ لایێ بنگه‌هێ لالش ڤه بۆ خزمه‌تكرنا ئێزدیان هاته راگه‌هاندن.
كاروان باعه‌دری، به‌رپرسێ راگه‌هاندنا ده‌سته‌یا بلندا بنگه‌هێ لالش یێ ره‌وشه‌نبیری و جڤاكی ل دهۆكێ دیار كر، لیژنا ڤه‌كۆلینان ل بنگه‌هێ لالش دێ ئینسكلۆپیدیا نڤیسه‌رێن ئێزدی ل جیهانێ دروست كه‌ت و گۆت: “بۆ سه‌رخستنا پڕۆژه‌ی و زه‌نگینكرنا وی داخوازێ ژ هه‌موو نڤیسه‌رێن ئێزدی ل جیهانێ دكه‌ین ل گه‌ل مه د هه‌ڤكار بن”.
ئاشكرا ژی كر، نوكه پڕۆژه هاتیه راگه‌هاندن و نابیته دووماهی پڕۆژه، به‌لكو پڕۆژه‌كێ نوویه و دێ یێ به‌رده‌وام بیت بۆ خزمه‌تكرنا نڤیسه‌رێن ئێزدی ل هه‌موو ده‌وله‌تێن جیهانی و گۆت: “هنده‌ك مه‌رج بۆ نڤیسنی هاتینه دانان، ئه‌و ژی پشكا ڤه‌كۆلینان دێ زانیاریان ب زمانێن كوردی و عه‌ره‌بی و ئنگلیزی وه‌رگریت، لێ نابیت زانیاری ژ چار لاپه‌ران پتر بن، ئینسكلۆپیدیا نڤیسه‌رێن ئێزدی دێ هه‌موو نڤیسه‌ران ب خوه‌ڤه گریت ب هه‌ر زمانه‌كی به‌رهه‌مێن خوه به‌لاڤكر بن”.
