قونسولێ كوریا باشوور بۆ سه‌رۆك بارزانی: مه پێزانین بۆ رۆلێ هه‌وه د پاراستنا پێكهاته‌یێن ئایینی و نه‌ته‌وی دا هه‌یه
ئه‌ڤرۆ:
سه‌رۆك مه‌سعود بارزانی دوهی سێشه‌مبی 20 كانوونا ئێكێ 2022 پێشوازی ل چۆ كیچۆنگ قونسۆلێ گشتیێ كوریا باشوور ل هه‌ولێرێ كر و دووپاتی ل پاراستنا فره‌ئایینی و نه‌ته‌وی و پێكڤه‌ژیانا برایانه یا پێكهاته‌یان و گه‌ره‌نتیكرنا سه‌قامگیریێ و ئاسایش هاته كرن.
قونسۆلێ كوریا باشوور پێزانین بۆ ڕۆلێ سه‌رۆك بارزانی د پاراستنا پێكهاته‌یێن ئایینی و نه‌ته‌وی و فره‌لایه‌نیێ دا هه‌بوو و ڕاگه‌هاند ژی، وێ فره‌هیێ جوانی و هێز و ده‌وله‌مه‌ندی دایه كوردستانێ هه‌روه‌سا ئه‌و هه‌ڤسه‌نگیا د ناڤ پێكهاته‌یان دا هه‌ی، بوویه هۆكارێ سه‌قامگیریێ.
هه‌روه‌سا قونسۆلێ كوریا باشوور ل هه‌ولێرێ پێزانین ژی بۆ ڕۆلێ پێشمه‌رگه‌ی د شكاندنا داعشێ دا هه‌بوون.
د وێ دیدارێ دا سه‌رۆك بارزانی دووپاتی ل پاراستنا فره‌ییا ئایینی و نه‌ته‌وی و پێكڤه‌ژیانا برایانه یا پێكهاته‌یان و گره‌نتیكرنا سه‌قامگیریێ و ئاسایشێ كر.
هه‌روه‌سا سه‌رۆك بارزانی، ئه‌و چه‌نده ژی دووپاتكر كو پێدڤیه بزاڤ بۆ ڕوو ب ڕووبوونا تیرۆرێ دبه‌رده‌وام بن، چونكه گه‌فه بۆ سه‌ر هه‌موو ده‌ڤه‌رێ و پێكهاته‌یان.
د دووماهیا ڕوونشتنێ دا، دووپاتی ل پێشڤه‌برنا په‌یوه‌ندیان د ناڤبه‌را كوریا باشوور و هه‌رێما كوردستانێ هاته كرن.
