پێنچ سیناریۆ بۆ کێشێن ناڤبەرا مە و بەغدا
ئەڤرۆ نیۆز، سالار دۆسکی:
رەوشەنبیرێ ناڤدارێ دەڤەرا بەھدینان، د.بەدرخان سندی، دھەڤدیتنەکێ دا ل گەل مالپەرێ ئەڤرۆ نیۆز پێنچ پێشنیازا وەک سیناریۆ بۆ قەیرانا دارایی یا ئابووری یا نوکە کوردستان تێدا دبوریت، دیار دکەت
سیناریویا ئێکێ دڤێت ھەلویستێ مە کوردان بەرامبەر ھەلویستێ بەغدا، ئەو ھەلویستێ بەری ٢٠ سالان بیت ل گەل دکتور (سەدامی) وەک ھەرێم ومە پەیوەندی ب بەغدا نەمینت، یان خوە ب پەترۆولا خوە خودان بکەین، یان UN و ئەمریکا رۆلێ خوە بگێرن بۆ چارەکرنا کێشا دارایی یا کوردستانێ ل گەل بەغدا.
سیناریۆیا دوویێ، ڤێت ھەرێم پەیوەندیێن خوە یێن ئیداری و پەرلەمانی ژ بەغدا ب ببریت و بێ پشداربوونا UN و ئەمریکا خوە خودان بکەت، ب دەرئینان و فرۆتنا پەترۆلێ، ھەتا دەمەکێ نەدیارکری.
سیناریۆیا سیێ، ھەکە ھەرێما کوردستانێ بشێت دەولەتەکا دوست رازی بکەت و ئەو دەولەت بشێن ئاریشا مە ل گەل بەغدا ل سەر مێزا UN و ئاسایشا ناڤ دەولەتی بکەتە گەنگەشە، چونکە کوردان ئەڤ مافە نینە، بتنێ دەولەتەک دشێت ڤێ ئاریشێ پێشکێشی UN و جڤاتا ئاسایشا ناڤ دەولەتی بکەت.
سیناریۆیا چارێ، مایتێکرنا ھندەک وەلاتێن رۆژھەلات ناڤنجی وەک (ئیران، سعودیە، ئوردن، تورکیا) کو گڤاشتنێ ل سەر حوکمەتا بەغدا بکەن کو خوە عاقل بکەن و لدووڤ دەستوری بچیت.
سیناریویا پێنجێ سەرھلدانەکا مللەتەکی یا گەلەک دژوار و بەردەوام دبیت دەست پێ بکەت و داخازا دەولەتا کوردی بھێتەکرن و جودابوونێ ژ بەغدا و دڤێت ڤێرە گەلەک و گەلەک دزیرەک بیت.
رەوشەنبیرێ بەرنیاسێ کورد، د. بەردخان سندی گۆتژی: من دڤێت ب ئاشکرایی بێژم کو ھندەک ئەڤێن بەشدار دشاندێن کوردی بۆ بەغدا ئەڤە (١٢) سالە نەیێن ھندێ نە، ھەکە ما دا بۆچی مادێ ١٤٠ بێ پاراستن ھێتەدانان، یان کێشا پەترۆلێ و قوناغا نوکە، بەردەوام دبێژین حیلە ل کوردان ھاتەکرن، بۆچی حیلە ل کوردان بھێتەکرن؟ ژ کێم شارەزایا کوردانە؟، باشە ھەکە نەدشارەزابین، شەرم نینە و دێ ھندەک شارەزا ئینین ژ دەرڤە و بلا بێژنە مە چ بکەین و ھەتا پێشمە بچنە بەغدا و باخڤن، ھەکە رۆژانە بێژین بەغدا فێلان ل مە دکەت، شەرمە ئەم ڤێ بێژین.
