ژ گۆتنێن رێیا دەربڕینێ
ئامادەكرن
باڤێ نازێ
( ٢ )
داخویانی:
من ژ هەر باخچەكێ گولەك ژ خوە رە دزی.
وە ژی ماف هەیە, ژ شوونا گولەكێ, چەند گولان ژ بۆ خوە ببن.
باڤێ نازێ.
– جیهانا روهنی. (دیتنا سروشتی و جڤاكا وەكو هەیە).
– جی ژ دەرزیێ رە نەمایە. (ل هەر دەڤەرێ ب خەلكێ هاتیە داگرتن).
– جی ژ خوە رە نابینە. (رێ لێ تەنگ بوو یە, یان ژی گەلەكی قەلەقە).
– چارۆخا ل لنگان خینە. (لەز بكە).
– چاڤێن تە لێ بە. (مقایەتیێ لێ بكە).
– چاڤێن وی, د ئەنیا وی دە خویا بوون. (پر ترسیا).
– چاڤێن وی ژی ژێ تێر خوارن. (ژێ زڤێر بوو و نەما دخوازە هەتا وی ببینە).
– چاڤێن خلمشی. (كۆنێ خەوێ خوە ئاڤێتیە سەر).
– چاڤێن خوە بەرا بەر خوە دا. (هەست ب گونەهێ خوە كر. یان ژی ژ خوە شەرم كر).
– چاڤێن خوە ژێ بەرنەدە. (بلا, د بن كۆنترۆلا تە دە بە).
– چاڤێن خوە, نەخستن بەر خوە. (خوە نزم نەكر و ژ بەر خوە شەرم نەكر, یان ژی, ژ خوە باوەرە).
– چاڤ ل چاڤ دكەڤە, لێ چیا ل چیا ناكەڤە. (كەسێن مەزن هەڤ نابینن).
– چاڤنەباری ژێ دفوورە. (چ تشت باش كو ل جەم خەلكێ دبینە, دخوەست كو یێن وی بن).
– چاڤنەباری, خێرێ ب خوە رە نائینە. (دلبژۆكی خوەدیێ خوە دئێشینە).
– چاڤ – نەینكا هناڤێ یە. (هەر تشتێ مرۆڤی د چاڤان دە خویا دبن).
– چاڤ و دەڤ ل هەڤ نەرین. (دێمێ ب ماتماین).
– چاڤ و گاڤ ژێ كێم بوونە. (پر پیر بوویە, هەتا نكارە بمەشە و نە ژی ببینە).
– چاوا لاش و گیان ب هەڤ رە شەر دكن, وەها ژی ژیان و مرن. (ئانكۆ, ناكۆكی هەنە, كو هەر دەم دژبەریێ ب هەڤ رە دكن).
– چ دەڤ تە كریە. (چ ب تە هاتیە).
– چ گۆتنا هەیە, دگرە. (گۆتنەكێ ل بەر گوهێ خوە بەرنادە).
– چ مێشێ ب تە ڤەدایە. (تو ژ بەر چ نە ل سەر خوە یە. یان ژی كێ تە خەیداندی یە).
– چرا بێ دۆهن رووهنیێ نادە. (بێ زانین, رووهنایی ناكەڤە ناڤ تاریتیێ).
– چریایە دریایە. (ژ ئالیەكی دوروتین, ژ ئالیێ دن ڤە فەتقاندن).
– چ تێ سەر زمانێ وی – دبێژە. (بێ هزر ئاخاڤتن).
– چڤا مەدە خوە. (بەرێ خوە نەدە فەن و فیلبازیێ).
– چڤەكێ بدە خوە. (فەنەكێ ژ خوە رە بكە).
– چڤەك ل خوە دا. (فنەكتی كر).
– چیا بە یان ژی نەوال بە, هەر دچە. (ئاستەنگیا ل بەر خوە نابینە).
– چیا, ب چیا ناكەڤن, لێ چاڤ, ل چاڤان دكەڤن. (هەر چەندێ مرۆڤ ژ هەڤ دوربن, دشێن هەڤ ببینن).
– چیا بلند, بێ دومان نابە. (دەستهلات, هەر ژ ملەت رە, نە هەر تشتێ خوەیا دكە).
– چاوا چاڤ نابە دەست, وەها ژی بزدۆنەك نابە مێرخاس. (ژێدەرا تشتان كو نە ژ هەڤ بن, نابن یەك. ژ بەر كو ژ ئەندامێن لاشی هەری ب جەگەر – دەستن و ژ یێن هەری ترسۆنەك – چاڤن).
– چووك ب رەفێ خوە, مەرۆڤ ب كۆما خوە. (تو چ بی, ئەو بمینە و ب كەسێ وەكو خوە بگەرە).
– چوویە داویا دونیایێ. (پر دوور چوویە).
