ب فەرمانا مەلا مستەفا بارزانی پارە بۆ نووژەنكرنا دێرێن گوندێن دەڤەرا بەهدینان هاتە تەرخانكرن
سالار محەمەد دۆسكی:
5-5
بتنێ چاڤەكێ من ڤە دبوو و نێزیك 45 رۆژان مامە ل بارەگایێ هەوالگێریێ و گەلەك قوتام و ئەوا هەمی بزاڤكرن كو دانپیدانێن خوە و ئاخفتنێن خوە ب گوهۆرم، رۆژەكێ ئەز ڤە گوهاستمە هولەكێ و دەستێن من ڤەكرن و ناڤ چاڤێن من وەرمت بوون و هولەكا مەزن بوو و ئەو هول هەمی تۆمار تێڤەبوون، و تۆمارەك ئینا دەرێ و ناڤ ئەوێ تۆمارێ دا چەندین كاغەز لادان و ناڤبەینەكێ من وێنێ خوە دناڤا تۆمارێ دا ب پێزانین ڤە دیت و گەلەك نڤێسی و من نەزانی چ نڤێسی یە، و جارەكا دی برمە ژۆرا رێڤەبەرێ ئەمنێ ڤە و گۆتە رێڤەبەرێ ئەمنێ ئیمزا كر، و رێڤەبەرێ ئەمنێ گۆت روونە خوارێ تو دێ دەركەڤی و چی و ئەگەر هات و ئێكی پرسیارەك ژ تەكر، و تە بەحسێ روژانێن خوە ل ڤێرە كر یان قوتانێ و ئەو سەرەدەریا ل گەل تەهاتیەكرن، جارەكا دی دێ تە ئینە ڤێرە ڤە و دێ دەمارێن تە ژ پشتا تە ئینەدەر و من گۆتێ سۆز بیت چ جهان بەحسێ ڤێرە و هەوە نەكەم، و من خوە كەڕكر و پشتی بوویە شەڕێ ئیراق و ئیرانێ پێنچ سالان ڤە گوهاستمە شەڕی ل بەسرا و دەسپێكێ ئەم چەند هەیڤان ماینە ل نەجەف و نێزیكی 700 كەسان ل گەل مەبوون، و خەلكێ باژێرێ دهۆكێ بوون و ناڤێ 100 كەسان خواندن و ئەم ئیناینە وەزارەتا بەرەڤانیێ و ناڤێن مە خواندن و گۆت ئەوێن بەعسی بهێنە ڤی ئالی و ئەوێن نە بەعسی بچنە ئالیەكێ دی، و ئەز چوومە لایێ دی ئەو كەسێن نەبەعسی و ل گەل چوونا من دو كەسێن دی ژی هاتن و هەر دو ئێزدی بوون، و ئەوانژی گۆت ئەم نەبەعسی نە و ئەم گازیكرین و گۆت هوون هەرسێ بۆ بەسرا و من گۆتێ ل گەل من وەرن، و ئەم چووینە وێزگەها شەمەندەفرێ بۆ بەغدا و من گۆتێ هەرن سێ رۆژا میننە ل مالێن خوە و جارەكا دی ئەم پاش دێ چینە بەسرا ڤە، و ئەم زڤرینە مال و پشتی ئەم زڤرین و چووینە بەسرا گۆت هوون كیڤە بوون ئەڤە سێ رۆژە ب نەهاتی هاتینە هژمارتن مە گۆتێ ئەم خشیمین مە رێك نەدزانی، گۆت چنینە چنینە، ل دەسپێكا سالێن هەشتێیان ل پەروەردێ هاتمە دامەزراندن و هەر كارێ میكانیك و كارەبایی من دكر، و هەر دیڤچوون ل سەر من هەبوو و تایبەت لەشكریێ گەلەك دیڤچوون ل سەر من هەبوو، بوومە جندیێ ئێكێ و بوومە عەریف و دەمێ بوویمە عەریف رۆژەك ژ رۆژێن لەشكریێ سێ كەس خەلكێ خانەقین بوون، و دەمێ مرۆڤ دبیتە عەریف خەفەر كلیلا عومبارا چەكی ژی ڕادەستی من كریە و من گۆتێ دا بۆ هەوە بێژم ئەگەر شەرێ هەوە كرن خوە بگەهینە من دێ كلیلێ ڕادەستی هەوە كەم، و ئەز بۆ وان ناهێلم و من گۆتە ئێكێ كوردێ خەلكێ خانەقین بوو دەشت بوو و كەسەك وێرێ نەبوو و شوعبە ل سەر ببەتی ئاگەهدار بوو گازی من كر، گۆت تە وەگۆتیە و برمە دەف ئامری و گۆت بۆچی تە هوسا گۆتیە من گۆتێ ئاخفتن گۆتن و من ژی هوسا گۆت و ل سەر من هاتە نڤێسین و رتبا من ئینا خوار بوومە عەریف و قەدەغەیە چەكی بدەنە و زێرەڤانیێ ژی نابیت بگریت و باوەری ب من نەهات و حەش من دكر، چونكە چوومە مالێن وانژی من كار بۆ دكر و هەما ب بێ دەنگی بابەت ب دووماهی ئینا و رەنگە كەسەكێ دی با ئەز هاتبامە سێدارەدان، ئەو روودان ل بەسرا چ ب بوو و ئەو كوردێن خانەقینێ هەڤركی ل گەل خەلكێ ناسریێ كر كو شیعە بوون.
شلیمۆن لاجین عودیشۆ گۆتژی: پشتی سەرهلدانا پیرۆزا سالا 1991 هەتا نوكە من چ مفا ژ پێشمەرگاتی و زیندانیا خوە نەدیت بتنێ ئەشكەنجەدان و قوتان بوویە، و دەركەفتم خانەنشین و هەتا نوكە خوە بوهستە عەردی ژی نە ل حوكمەتا ئیراقێ و نە یا كوردستانێ من نە وەرگرتیە، دەسپێكا سالێن نوتان من خوە خانەنشین كر، و خێزانا من نەخوش كەفت ب نەخوشیا پەنجەشێرێ و ئەڤە ئەگەر بوو خوە خانەنشین بكەم، و 24 سال من خزمەت هەبوو و ئەز دا مینم و حەفت سالان ل گەل نەخوشیا خێزانا خوە ژیام و هەڕو سپێدێ سی ونیف دا ڕابم چمە مویسل هەتا ئێڤاری و دەرزیكێن كێمیاوی و كەوی بۆ دهاتنەدانان و 50 بۆ 60 كەوی هاتنەلێدان و پارەكێ مەزن من مەزاخت و هەر هەمی بێ مفا بوو.
شلیمۆن لاجین عودیشۆ، زێدەتر گۆت: پشتی سەرهلدانا پیرۆز و دروستبوونا پەرلەمان و حوكمەتا هەرێما كوردستانێ هەتا نوكە كەسەكی پرسیارا من نەكریە، و تە چ كریە و كیڤە و چەوا دژی و بەرهەمێ خەبات و ماندیبوونا تە كانێ و مخابنی ڤە نوكە نەشێم بگەهمە وان ئەوێن ب شەف و رۆژ ل گەل دا ئەم دژیاین و بەرێ سالێن حەفتێ و هەتا 1974 مە كادر هەبوون، و هەیڤانە كۆمبوون دكرن و دیڤچوونا بابەتا دكرن، نوكە نینە كەس پرسیارا مرۆڤی ناكەت، پشتی چەندین سالێن خزمەتا هەتا نوكە یێ بێ بەهرم ژ پارچێن عەردی نە ل حوكمەتا بەغدا و نە حوكمەتا هەرێما كوردستانێ و بلا بچن باژێرڤانیێ سەحكەن ئەگەر پارچەك من وەرگرت بیت بلا سەرێ من لێدەن، و دیسا نە خودان مووچێ پێشمەرگاتیێ مە و من دو زارۆك هەنە و هەر دو پەیكەفتی نە و كورەكێ من شەلەلی یە و مووچێ وی 150 هزار دینارن ئایا ئەڤە دشێت بڤی پارەی بژیت؟، دێ چەوا شێت خوە خودان بكەت، مخابن دلۆڤانی نەمایە و پێدڤی یە ئەم نەهێینە ژبیركرن، ئەم زێرەڤانێن تایبەتێن مەلا مستەفا بارزانی بووین، و دڤێت لێ زڤرین ل مە بهێتەكرن و مخابن ماندیبوونا مە هەمی ب هەروە بچیت؟، دڤێت دیڤچوون هەبیت دا خودێ ژی دلوڤانیێ ب مللەتێ مە بەت، ژ ئەنجامێ شۆڕشێ بوویمە پەیكەفتی و مە زیندان دیتی نە و هەتا سەرهلدانێ ژی ئەم لبن چاڤدێری و گەڤا بووین، و مە بۆ ئەڤرۆ كر و ئەڤرۆ ژی كەسەك نەبێژیت چەوانی و كیڤەی؟، مووچە نەبیت و عەرد نە وەرگربیت ئایا دێ چ بێژمە زارۆكێن خوە، و دێ بێژنە من كا بەرهەمێ خەبات و ماندیبوونا تە…
هەمان پێشمەرگە بەحسێ دیاریێن خوە كرن و گۆت: ئەو دێربینا مەلا مستەفا بارزانی دیاری پێشكێشی من كری حوكمەتا بەعس ژ من وەرگرت، بەلێ دەبانجا ئدریس بارزانی دیاری پێشكێشی من كری ڤێ دووماهیێ من پارە نەمابوون و نەچار بووم بفرۆشم، ئێك تورك ب 1000 دیناران ژ من كری و ئەو پارێ من هەی هەمی ل نەخوشخانا من مەزاخت و پێنچ نشتەگەری من ئەنجامدان.
پێشمەرگەیێ شۆڕشا مەزنا ئیلۆنێ شلیمۆن لاجین عودیشۆ، ئەو ژی ئاشكراكر، كو هەر ئێك ژ كورێ هورمز مەلك چكو، كورێ گورگیس مەلك چكو سەرەدانا وی كربوون ل مال و هێشتا خێزانا من ژی د ژیانێ دا بوو و سۆزدان كو خزمەت و چاڤدێریا من بۆ بابێن هەر دوكان بەرچاڤ وەربگرن و بەر زە نەبیت، و گۆتن دێ عەردەكی وەرگرین و دێ بووتە ئاڤاكەین، دێ كلیلا ڕادەستی تە كەین، و ئەوان ژی چ نەكر و هەر هەمی بتنێ ئاخفتن بوون و نەكریار.