من شەیێ پرچێ دكرە مایك و دچوومە بەر قۆدیكێ
بێوار حەمدی
ئیسماعیل هەركی، پەیامنێرێ دجیتال مەدیایا (پایتەخت) ل قەزایا ئاكرێ، د دیدارەكێ دا گۆت: دژیەكێ بچووك دا من حەزدكر ببمە ڕاگەهاندكار، لەورا هندەك جاران من شەیێ پرچێ دكرە مایك و دچوومە بەر قۆدیكێ و من خۆ وەكو ڕاگەهاندكار ددیت و هێدی هێدی ئەڤ حەزا ل گەل من مەزن بوو، لەورا پشتی دەلیڤە هاتی ب پشتەڤانیا مالباتێ من دەستپێكر و هەتا نوكە من ل گەلەك دەزگەهان كاركریە، بەلێ نوكە ل دجیتال مەدیایا (پایتەخت) كاردكەم و ل گەل كارێ خۆ یێ دلخۆش و ئارامم.
هەروەسا گۆت: ئەڤ جهێ ئەز لێ كاردكەم ب دیتنا من وەكو مەدیایەكا دجیتالی یا كاریگەرە و جهێ خۆ یێ گرتی، بۆ زانین د دەمێ بۆری دا گەلەك دەلیڤەیێن كاركرنێ ژ هندەك دەزگەهێن دی یێن هاتین، لێ من نەڤیایە جهێ خۆ بهێلم، گۆتنەك هەیە دبێژیت (ئەو چویچكا گەلەك دفڕیت جهێ خۆ د گۆهۆڕیت چ جاران ناهێلیت هێلینا وێ گەرم ببیت) ڕاستە ئەز ل گەل گۆهۆڕینێ مە لێ هەكە مرۆڤ ل جهێ خۆ یێ ئارام بیت پێدڤی ب گۆهۆڕینێ ناكەت، ل دووماهیێ ژی دبێژم گەلەگا گرنگە پەیامنێر كەسەكێ سادە بیت و خۆ مەزنكرن ل دەف نەبیت، دا بشێت پەیوەندیێن خۆ ل گەل جڤاكی بهێزتر لێ بكەت.