ب سپرێ و ئاگری كەڤالان چێدكەت
سولین سلێمان:
كارزان عومەر، بەرنیاس ب (كارزان سپراشۆ) شێوەكارەكێ خەلكێ هەولێرێ یە و جودا ژ هەر شێوەكارەكێ دی كەڤالان چێدكەت، كو ئەو ژی سپرێ و ئاگری یە.
ناڤهاتی، بۆ رۆژنامەیا ئەڤرۆ دبێژیت: پتری دەه سالانە ئەز ڤی كاری دكەم و ئێكەم كەسێ خودانێ براندێ كەڤالێن سپرامە ل سەر ئاستێ رۆژهەلاتا ناڤین و من چەندین كەڤال پێشكێشی كەسایەتیێن جیهانی كرینە، ژوانا (پاپایێ ڤاتیكان) و د ئەڤ سالەدا وەك گەنجەكێ كاریگەر هاتمە هەلبژارتن، ئەو ژی پشتی من ب چار خۆلەكان وێنەیەكێ پێشمەرگەیەكی چێكری و ئەز ب كارێن جیاواز دهێمە نیاسین.
هەروەسا گۆت: ئەز پتر كارێن خوە ب رێكا ئۆنلاین دكەم و هەتا نوكە دەلیڤە نەبوویە چو پێشانگەهێن تایبەت ڤەكەم، لێ نوكە ب رێكا ئەكاوەنتێ خوە یێ تایبەت كاردكەم.
