ب سه‌دان هزار پاسپورتێن سه‌خته ل توركیا بۆ داعشێن بیانى هاتینه چێكرن
ئه‌ڤرۆ نیوز:
زێده‌تر ژ 100 هزار پاسپورتێن سه‌خته ژ ئالیێ نڤیسینگه‌هه‌كێ ڤه ل توركیا بۆ وان بیانیان هاتینه چێكرن كو په‌یوه‌ندى ب داعش ڤه كرینه.
ل دووڤ راپۆرته‌كا توده‌ى زه‌مان یا توركى كو دوهى رۆژا پێنجشه‌مبى هاتیه به‌لاڤكرن، ل ئسته‌نبولێ پاسپورت ژ ئالیێ نڤیسینگه‌ها نورال ب كوژمێ 200 دولار هاتینه دروستكرن و ب وان داعشێن بیانى هاتینه فرۆتن.
رۆژنامێ ژ زارێ هاریكارێ نڤیسینگه‌ها نورال به‌لاڤكریه كو زێده‌تر ژ 50 هزار ئیغور كو نه‌ته‌وه‌كن ل وه‌لاتێ چینى، ب پاسپورتێن سه‌خته هاتینه توركیا ب رێیا تایله‌ند و مالیزیا و پشتى مانا وان ب رۆژه‌كێ توركیا، پاشى چووینه سووریا.