نەجیبا نەجیب: گوھۆرینێن عەبادی کاریگەرن و ھێشا دارایی نەھاتینەکرن
ئەڤرۆ نیوز:
ئەندامەکا پەرلەمانێ عیراقێ ژ لیستا زەر ئاشکراکر ھەکەر بریارێن عەبادی بۆ چاکسازیا ئیداری و دارایی بن کارەکێ باشە، لێ گوھۆرینەکا مەزن پەیدا ناکەت و ھەر ھەموو زێرەڤان و پاسەوانان دێ ڤە گوھێزیتە سەر وەزارەتێن نافخوە و بەرەڤانیێ و ھەر بارگرانی ھەبیت.
نەجیبا نەجیب ئەنداما پەرلەمانێ عیراقێ ژ لیستا زەر ژ فراکسیۆنێن کوردی بۆ رۆژناما ئەڤرۆ گۆت: دیسان د پرۆژێ عەبادی دا ڤەگوھاستنا چەکدارێن ئەڤان بەرپرسان نە گۆتیە دێ ھێنەلادان گۆتیە دێ ھێنە ڤەگۆھاستن بۆ وەزارەتێن بەرەڤانیێ و نافخوە و دبیت بارگرانی زێدەتر لێ بھێت،چونکە ل گەل ڤەگوھاستنا وان پاداشتێن زێدەتر دێ ھەبن، ئانکو دێ ئەو پارە ھەرچن و راستە وەک کارگێری ھاتە رێکخستن لێ وەک دارایی ھێشتا دێ مینیت و چو چارە بۆ نەھاتینە دیتن، بتنێ ئەڤان گوھۆرینان دێ ھندەک تشت ھەبن ، وەک جێگر و راوێژکار ھەبوونا وان نامینن چونکە جێگر نەمان.
نەجیبایێ ھێشتا گۆت: دیتنا من شیعە و مەرجەعیە و عەبادی بەر ب سیستەمێ سەرۆکاتیێ دچن و ئەڤ سیستەمە دڤێت دەست ھەلاتا وان بیت و ئیدارا برێڤەبرنا وەلاتی ھەر دەستێ وان دابیت و بڤی رەنگی تەوافق نەمایە وەک سیستەمێ ئیرانێ، راستە مەوازنە یا لاوازە و داھاتێ کێمە و نەفەقات دزێدەنە، نابینم ١٠٠% مەبەستا عەبادی و ھەڤالێن وی چاکسازی بن، ئەو گۆتنێن ئاشکراکرینە کو کەسانێن گەندەل دێ ھێنە رەوانەکرن بۆ دادگەھێ دێ ھێتە دیارکرن و ھەتا نوکە چوو تشتێ قانوونی نە وەرگرتینە و بەلگە ھەنە ل دەف ھەموو کەسان دژی بەرپرسێن بالا و وەکیل وەزیران و مستەشار و ئەندام پەرلەمان، گەندەلی ل سەر دیار بوویە و ئەڤە دێ مینت ل سەر جورعەتا عەبادی ئەو راگەھاندی.
نەجیبایێ ئەو چەندە ژی گۆت: ژبەر گڤاشتنا جادێ دوھی رۆنشتنا پەرلەمانی ل سەر گۆھورینێن عەبادی و ئەو گوھۆرین ھاتنە پەسەندکرن و دێ ھێنە برێڤەبرن، ئەو جێگر ژی رازیبووینە کو ژ کار بھێنەلادان، دبیت سەرۆکێ پەرلەمانی ژی جێگرێن خوە لابدەت و وەزارەت ژی بھێنە کێمکرن و دەست ھەلات بۆ پارێزگەھان بھێنە شورکرن، شەش وەزارەت نامینن.
نەجیبایێ زێدەتر گۆت: بتنێ مەترسی ل سەر ئەڤێ چەندێ ئەوە ھەموو لایەن بھێنە پشت گوە ھاڤێتن و ئەڤە جھێ مەترسیێ یە، لێ ھەتا نوکە ئەڤ چاکسازیە ژ گڤاشتنا جادێ پەیدا بووینە و دیسان حەیدەر عەبادی ژی ئەڤە دڤیا دا بشێت پێنگاڤا ب ھاڤێژیت و مەرەمێن سیاسی ژی بھێنە بجھئینان.
