داعش ده‌ست ب به‌رهه‌مئينانا فلمێن سكسى كر
ئه‌ڤرۆ نيوز:
ئه‌ندامه‌كێ جڤاتا باژێرڤانيا مووسل ئاشكه‌را كر كو داعش بۆ راكێشانا سه‌رنجا گه‌نجان دێ كۆمپانيه‌كا به‌رهه‌مئينانا فلمێن سكسى دامه‌زرينيت و ئه‌ندامه‌كێ به‌رێ يێ داعش ژى ته‌كستێ ل سه‌ر وێ چه‌ندێ دكه‌ت كو گرۆپێ داعش بۆ دزيكرن و سێكس و كويله‌كرنا ئافره‌تان هاتيه ده‌ڤه‌رێ.
عه‌قيل مناجيدى، ئه‌ندامێ جڤاتا باژێرڤانيا مووسل د داخۆيانيه‌كا رۆژنامه‌ڤانى دا راگه‌هاند: داعش كۆمپانيه‌كا هۆنه‌رى راپسارديه بۆ دامه‌زراندنا كۆمپانيه‌كا تايبه‌ت ب به‌رهه‌مئينانا فلمێن سكسى و مفا وه‌رگرتن ژ وان ئافره‌تێن ئێخستر د ده‌ستێ وان دا، ب گۆتنا وى مه‌ره‌م پێ كێشانا گه‌نجانه د رێيا تۆڕێن جڤاكى دا بۆ ناڤ گرۆپێ خوه.
ژ لايه‌كێ دى ڤه، رۆژناما ده‌يلى مه‌يل يا بريتانى د ديداره‌كێ دا ل گه‌ل ئێك ژ ئافره‌تێن به‌رى نوكه د ناڤ رێزێن داعش دا به‌لاڤكريه كو ئه‌و ل ده‌ڤه‌را دێره‌زۆر ل سوريا بنه‌جهببوو و ئه‌گه‌رێن هێلانا و ره‌ڤينا خوه ژ داعش بۆ وێ چه‌ندێ ڤه‌دگه‌رينيت كو ئه‌و گرۆپ بۆ دزيكرن و ده‌ستدرێژا سكسى و كويله‌كرنا ئافره‌تان چوويه ده‌ڤه‌رێ.
