حوكمه‌تا عێراقێ پشكا هه‌رێما كوردستانێ د بۆدجێ سالا 2016 ئاشكراكر
ئه‌ڤرۆ نیوز،زنار تۆڤى:
ئه‌ڤرۆ ئه‌نجوومه‌نێ وه‌زیرێن عێراقێ بۆدجه‌یێ سالا 2016 یێ حوكمه‌تا عێراقێ په‌سه‌ندكر و تێدا پشكا هه‌رێما كوردستانێ د وێ بۆدجێ دا هاتیه ئاشكراكرن.
سه‌عه‌د حه‌دیسى په‌یڤدارێ حوكمه‌تا عێراقێ دایه دیاركرن: كو بۆدجا عێراقێ بۆ سالا 2016 ب 106 ترلیۆن دیناران هاته خه‌ملاندن،پشكا هه‌رێما كوردستانێ د بۆدجا سالا 2016 هه‌ر وه‌ك خۆ مایه كو 17% ب مه‌رجه‌كى هه‌رێما كوردستانێ رۆژانه 550 هزار به‌رمیلێن نه‌فتێ ب هنێریت و حوكمه‌تا عێراقێ دێ پابه‌ند بیت ب وێ رێكه‌فتنا دگه‌ل هه‌رێما كوردستانێ كرى.
ناڤهاتى خویاركریى ژى:داهاتیێ گشتیێ عێراقێ د بۆدجێ سالا 2016 ب 83 ترلیۆن دیناران هاتیه خه‌ملاندن،هه‌ر به‌رمیله‌كێ نه‌فتێ بۆ بۆدجا سالا 2016 ب 45 دۆلاران هاتیه دیاركرن،هه‌روه‌سا گۆت بۆدجێ سالا 2016 گرێدایه ب هنارتنا 3 ملیۆن و 600 هزار به‌رمیلێن نه‌فتێ رۆژانه.
