عيراقێ بڕياره‌كا د به‌رژه‌وه‌ندا شه‌هيدێن پێشمه‌رگه‌ى دا ده‌ركر
ئه‌ڤرۆ نيوز:
ئه‌ندامه‌كێ جڤاتا نوونه‌رێن عيراقێ راگه‌هاند: روونشتنا ئه‌ڤرۆ يا جڤاتا نوونه‌ران ته‌مامكه‌را روونشتنێن دى يه ب ئاماده‌بوونا وه‌زيرێ كاروبارێن جڤاكى و دبێژيت: “راپۆرته‌كا لژنا دارايى ژى هاته خواندن”.
عادل نورى ئه‌ندامێ جڤاتا نوونه‌رێن عيراقێ راگه‌هاند شيان ئامانجه‌كا باش ب ده‌ست ڤه بينن، ئه‌و ژى چه‌سپاندنا ناڤێ شه‌هيدێن پێشمه‌رگه كو ناڤێ پێشمه‌رگه‌ى د وى پرۆژێ قانوونێ دا نه‌هاتبوو، به‌لێ ناڤێ حه‌شه‌د شه‌عبى تێدا بوو.
ئاماژه ب وێ چه‌ندێ ژى كر كو كۆمبوونا ئه‌ڤرۆ دێ ته‌مامكارى بيت بۆ روونشتنا دوهى، ب ئاماده‌بوونا وه‌زيرێ كاروبارێن جڤاكى، ديسا راپۆرته‌كا لژنا دارايى ژى دێ هێته خوارندن ل سه‌ر پرۆژێ قانوونا بوودجه‌ى.
ئه‌ڤى ئه‌ندامێ جڤاتا نوونه‌ران دا زانين ژى كو دڤێن د ماوێ هه‌يڤه‌كێ دا خواندنا سيێ و دووماهيێ بۆ بوودجه‌ى بهێته كرن، كو پرۆسا ده‌نگدانێ يه.
پرۆژێ قانوونا بوودجێ گشتى يێ عيراقێ بۆ سالا 2016ێ 106 ترليۆن ديناره، به‌لێ چاڤه‌رێ كۆرتئينانا زێده‌تر ژ 20 ترليۆن ديناران ژێ دهێته كرن.
