ژ بەر ڤی ئەگەری داعش 12 قوتابی کوشتن
ئەڤرۆ نیوز، ئەیاد بەرواری:
ژێدەرێن ئەمنی ل پارێزگەھا نەینەوا راگەھاندن، رێکخستیا داعش یا تیرۆرستی ئەڤرۆ ئێکشەمبی 12 قوتابیێن زانکۆیێ ژ ئاکنجیێن مووسلێ گوللە بارانکرن ژبەر رەخنێن وان ل داعشێ ل سەر فیسبووکی.
وان ژێدەران، ل دووڤ شەفەق نیۆز، دیارکرن کو وان 12 قوتابیان رەخنە ل داعشێ دگرتن و گۆتارێن دژی وێ ل فیسبووکێن خوە بەلاڤ دکرن و ھندەک ژ وان ناڤێن نھێنی بکاردئینان، بەلێ داعشێ شیا وان دەستەسەر بکەت”.
خویاکرن ژی کو تەرمێن وان قوتابیان یێن ھاتینە ھنارتن بۆ نوژداریا دادی ل مووسلێ کو شوونوارێن گوللەیان ل سەرێ وان ھەبوو.