ھێرشێن تیرۆرستی 80% یێن زێدە بووین
ئەڤرۆ نیوز، ئەیاد بەرواری:
راپۆرتەکا ل دۆر تیرۆرا جیھانێ ل سالا 2015 ێ دیاردکەت کو ھژمارا کوشتیان ژ ئەنجامێ ھێرشێن تیرۆرستی ل جیھانێ 80% یێن زێدەبووین و گەھشتینە 32 ھزار و 658 کەس.
ئەو راپۆرتە کو ژلایێ پەیمانگەھا ئابوورێ و ئاشتیێ دەرکەڤتی، ل دووڤ کەنالێ الشرقیە، ئاماژە ددەت کو قوربانیێن ژ ئەنجامێ کارێن تیرۆرستی یێن داعشێ و بوکۆ حەرام 51% ژ سەرجەمێ قوربانیێن کارێن تیرۆرستی و ل سالا بۆری 52 ملیار و 9 ملیۆن دۆلار زیانێن کارێن تیرۆرستی بوون.
پەیمانگەھا ناڤبری خویاکر ژی کو پێنج وەلات ئەوژی ئەفغانستان، عیراق، نیجیریا، پاکستان و سووریا.. پتریا کارێن تیرۆرستی لێ ھاتینە ئەنجامدانن و 78% ژ قوربانیێن تیرۆرێ ژ وان ھەر پێنج وەلاتان بوون کو 10 ھزار کەسان ل عیراقێ ژبەر ھێرشێن تیرۆرستی گیانێ خوە ژ دەستدایە و ل نیجیریا ھەفت ھزار و 500 کەسان گیانێ خوە ژ دەستدایە.