عیراق: مە چو پەیوەندی ب پەکەکێ و یەپەکێ ڤە نینە
ئەڤرۆ نیوز:
قایمقامێ قەزا شنگالێ راگەھاند، د سەرەدانا خوە یا ڤێ دووماھیێ دا بۆ باژێرێ شنگالێ، وەزیرێ بەرگریا عیراقێ دیارکر کو پێدڤیە (پەکەکە و یەپەکە و یەپەژە) و لایەنێن دی، دامودەزگەھێن میری کو دەستێ خوە دانایە سەر چۆلبکەن ھەتا کار تێدا بھێتە کرن.
مەحما خەلیل قایمقامێ قەزا شنگالێ بۆ مالپەرێ فەرمیێ پارتی گوت” وەزیرێ بەرگریا عیراقێ (خالد ئەلعوبەیدی) بۆمە خویاکر کو وان چو پەیوەندی ب وان ھێزان ڤە نینە وەکو ئەو بەلاڤ دکەن کو ب سەر وەزارەتا بەرگریا عیراقێ ڤەنە”.
سەیدۆ چەتۆ ئەندامێ جڤاتا پارێزگەھا نەینەوا دا زانین” ھەتانوکە یەپەکێ و یەپەژێ ئاڤاھیێن فەرمانگەھێن حکومی ل شنگالێ چۆل نەکرینە و د بەرھەڤ نینن بریارا مە بجە بینن، ئەڤ چەندە ژی ب بھانەیا وێ ئێکێ کو ئەو ب سەر وەزارەتا بەرگریا عیراقێ ڤەنە و فەرمانان ژ وان وەردگرن، لەوما ئەو وان ئاڤاھیان چۆل ناکەن”.
چەتۆی گوت ژی” ل شنگالێ، تنێ ھێزا پێشمەرگەی، ھێزەکا قانوونی و فەرمی یە، لەوما ئەو ھێزەکا نە قانوونی نە و پێدڤیە کا چاوان پێشمەرگە چوونە شکۆبانی و پاشی زڤرین، پێدڤیە ئەو ھێز ژی شنگالێ چۆل بکەن و بۆ رۆژئاڤایێ کوردستانێ بزڤرن”.