ئەمریکا ھۆشداری دا تورکیا و رۆسیا ب دەھان تانکەرێن تورکیا ژناڤبرن
ئەڤرۆ نیوز:
ل گۆر راپۆرتەکا رۆژناما وال ستریت جۆرنال یا ئەمریکی چەند رۆژان بەری نھا وەزارەتا دەرڤە یا ئەمریکا ب رەنگەکێ فەرمی ھۆشداری دایە تورکیا کو دڤێت سنۆرێ خوە یێ ل گەل سووریایێ ب پارێزیت و نەھێلیت کو تیرۆرستێن داعشێ ژ سنۆرێ وێ دەربازی سووریایێ ببن و ژ تورکیا ھاتیە خواستن کو ب رەنگەکێ جدی شەرێ داعشێ بکەت و ئاستەنگیان بۆ پرۆژێ ئەمریکا دروست نەکەت.
ژ لایەکێ دی ڤە ل گۆر راپۆرتەکا ئاژانسا سپۆتینگ یا روسیا دو رۆژن فرۆکێن شەری ھێرشی وان تانکەرێن نەفتێ دکەن یێن کو ژ سووریایێ دھێنە تورکیا و ھەروەسا ل تورکیا ژی دچنە سووریایێ و روسیا دبێژیت کو ب رێیا وان تانکەرێن داعشێ پەترۆلێ ددەتە تورکیا و چەکی دبەت و ژ بەر ھندێ ژی د ماوەیێ دو رۆژان دا فرۆکێن روسیا پتر ژ دو ھزار تانکەران ژناڤ برینە.