كۆنفرانسێ گشتيێ پرتووكخانان ل دهۆكێ ده‌سپێكر
ئه‌ڤرۆ نيوز، سالار دۆسكى:
ب چاڤدێريا وه‌زيرێ ره‌وشه‌نبيرى و هه‌ڤكاريا پارێزگارێ دهۆكێ ئه‌ڤرۆ رۆژا دوشه‌مبى رێكه‌فتى 30ى چريا ئێكێ كۆنفرانسێ سيێ يێ گشتيێ پرتووكخانان ل دهۆكێ ده‌ست ب كارێن خوه كر.
د په‌يڤا ڤه‌كرنا كۆنفرانسى دا، فه‌رهاد ئه‌مين پارێزگارێ دهۆكێ بخێرهاتنا ئاماده‌بوونا كر و ئه‌ڤ كۆنگره ب بزاڤه‌كا گرنگ وه‌سف كر ب تايبه‌ت هه‌بوونا پرتووكخانێ د ئاڤاكرنا جڤاكى دا.
ژ لايێ خوه ڤه د په‌يڤه‌كێ دا وه‌زيرێ ره‌وشه‌نبيرى خالد دۆسكى ئاشكه‌را كر كو حوكمه‌تا هه‌رێمێ گه‌له‌ك گرنگيێ ب پرتووكێ دده‌ت و گۆت: “نوكه بوويه ژێده‌رێ هه‌ر تشته‌كێ”.
ئاماژه ب وێ چه‌ندێ ژى كر كو نوكه وه‌زاره‌تا ره‌وشه‌نبيرى رێڤه‌به‌ريه‌كا تايبه‌ت ب ترووكخانان ڤه هه‌يه و سه‌رپه‌رشتيا 80 پرتووكخانان دكه‌ت.
