زه‌لامه‌ك و هه‌ڤژينا خوه د خانى ڤه سۆتن
ئه‌ڤرۆ نيوز:
پۆليسێن پارێزگه‌ها دهۆكێ راگه‌هاند كو ئه‌ڤرۆ ل كۆمه‌لگه‌ها قه‌دش، زه‌لامه‌ك و هه‌ڤژينا خوه د خانى ڤه سۆتن و گيانێ خوه ژ ده‌ست دا.
رائيدێ مافپه‌روه‌ر، هێمن سلێمان، به‌رپرسێ پۆليسێن پارێزگه‌ها دهۆكێ د داخۆيانيه‌كێ دا بۆ ئه‌ڤرۆ نيوز گۆت: “ئه‌ڤرۆ رۆژا ئه‌ينى رێكه‌فتى 4ى كانوونا ئێكێ يا 2015ێ ل ل ناحيا سه‌رسنگى، كۆمه‌لگه‌ها قه‌دش، ژ ئه‌نجامێ ئاگربه‌ربوونا خانيه‌كێ ژن و مێره‌كان گيانێ خوه ژ ده‌ست دا”.
زێده‌تر گۆت: “زه‌لام يێ 69 سالى بوو و هه‌ڤژينا وى ژى يا 62 سالى بوو و ژ ئه‌نجامێ ئاگربه‌ربوونا خانى هه‌ردو كه‌سان گيانێ خوه ژ ده‌ست دايه”.
ئاماژه ب وێ چه‌ندێ ژى هاتيه كرن كو ل دووڤ پێزانينێن ده‌سپێكى هاتيه راگه‌هاندن كو قه‌زاوقه‌ده‌ر بوويه، لێ ڤه‌كۆلين بۆ گه‌هشتن ب ئه‌نجامێن دروستێن روودانێ هاتيه ڤه‌كرن.