ب وێنه: داعش بۆ قەرەبووکرنا زیانێن خوه دەست ب ڤی کارێ ب ترس کر
ئەڤرۆ نیوز، ئەیاد بەرواری:
پەیڤدارەکێ لەشکریێ ئەمریکی راگەھاند، رێکخستیا دەولەتا ئیسلامی (داعش) یا تیرۆرستی ب ڕەنگەکێ بەربەلاڤ یا بەر ب چەکدارکرنا زارۆیان دچیت بۆ قەرەبووکرنا زیانێن مەزن یێن ب چەکدارێن وێ کەفتین ل عیراقێ و سووریێ و ھەتا نوکە 1100 زارۆ یێن ئیناینە دناڤ رێزێن خوەدا و چەکدارکرین.
ل رۆژا پێنجشەمبی 3/12/2015 ێ، داعشێ گرتەیەکا ڤیدیۆیێ بناڤێ (بۆ کوڕێن جوھیان) بەلاڤکر و تێدا شەش زارۆ کو ژیێن وان نێزیکی 10 سالیێ نە و یێ کریارا کوشتنا ھندەک سەربازێن لەشکرێ سووری ئەنجام ددەن.
ل دووڤ کۆمەلا سووری یا مافێن مرۆڤی، رێکخستیا داعشێ پتر ژ 1100 زارۆیان ئیناینە دناڤ ریچزێن خوەدا و چەکدار کرینە کو ھەتا نوکە 50 ژوان زارۆیان یێن ھاتینە کوشتن.
کولۆنیل (پاتریک رایدەر) پەیڤدارێ فەرماندەیا ئەمریکی یا ناڤین دبێژیت” دیاردا ئینانا زارۆیان بۆ ناڤ رێزێن داعشێ یا بەر ب زێدەبوونێ ڤە دچیت، ئەڤە ژی وەکو قەرەبوویەک بۆ زیانێن داعشێ ل مەیدانێن شەڕی”.
