وه‌ك به‌رسڤه‌ك بۆ توركیا ئیراق دێ هاریكاریێ ژ ڤی وه‌لاتی خازیت
ئه‌ڤرۆ نیوز: ڤه‌ده‌ر ره‌شاڤایی:
سه‌رۆكێ لژنا ئێمناهی و به‌ره‌ڤانیێ ل په‌رله‌مانێ ئیراقێ حه‌كیم ئه‌لزلێمی راگه‌هاند: پشتی توركیا سه‌ره‌وه‌رییا ئیراقێ شكاندی چێدبیت ئیراق داخازا هاریكاریێ ژ رووسیا بكه‌ت.
چه‌ندین راپۆرت وه‌سا دیاردكه‌ن كو توركیا بێ رازیبوونا به‌غدا 130 سه‌رباز هنارتنیه نێزیكی مووسل ل ئیراقێ، لێ توركیا ئه‌ڤ یه‌ك ره‌تكرییه و خویاكرییه كو شیره‌تكارێن سه‌ربازی یێن توركیا مه‌شقدانا هێزێن به‌رهنگاربوونا تیرۆرستێن داعش دكه‌ن ب رازیبوونا به‌غدا پتری ساله‌كێ یه ل وێ ناوچێ نه، ب تنێ وان كاروانێ شیره‌تكاران ب ئێكێ نوو گوهرییه.
حه‌كیم ئه‌لزلێمی گۆت: چێدبیت ل نێزیك ئه‌م داخازا ده‌ستێوه‌ردانا سه‌ربازییا راسته‌وخۆ یا رووسیا بكه‌ین وه‌ك به‌رسڤه‌ك بۆ زێده‌گاڤییا توركیا لسه‌ر سه‌روه‌ریا ئاخا ئیراقێ.”