ژڤانێ به‌لاڤكرنا مووچێ هه‌يڤا 9 هاته دياركرن
ئه‌ڤرۆ نيوز:
ژڤانێ مووچێ هه‌يڤا ئيلۆنێ هاته دياركرن و په‌رله‌مانتاره‌ك ژى ئاشكه‌را دكه‌ت كو پارێ پێدڤى ژ به‌هرا په‌ترۆلا فرۆتى يا كوردستانێ گه‌هشتيه سه‌ر ژمارا به‌نكى يا وه‌زاره‌تا دارايى.
مه‌دينا شه‌رنه‌خى، ئه‌نداما لژنا دارايى ل په‌رله‌مانێ كوردستانێ د داخۆيانيه‌كێ دا راگه‌هاند كو بڕياره ل ده‌سپێكا حه‌فتيا بهێت ب دانا مووچێ وه‌زاره‌تا پێشمه‌رگه‌ى و هێزێن ئاسايشێ ده‌ست پێ بكه‌ت.
ئاماژه ب وێ چه‌ندێ ژى كر كو ب گۆره‌ى ئه‌و داهاتێ ل به‌ر ده‌ستێ وه‌زاره‌تا دارايى ژ داهاتێ ناڤخۆ و داهاتێ په‌ترۆلێ مووچێ هه‌يڤا ئيلۆنێ يێ وه‌زاره‌ت و فه‌رمانگه‌هان به‌لاڤ بكه‌ت.
ئه‌وێ په‌رله‌مانتارێ ته‌كست ژى ل سه‌ر وێ چه‌ندێ كر كو د چه‌ند رۆژێن بۆرى دا ژ داهاتێ په‌ترۆلا فرۆتى يا كوردستانێ ب ره‌نگه‌كێ قست پاره گه‌هشتيه سه‌ر ژمارا به‌نكى يا وه‌زاره‌تا دارايى.
نه‌ڤه‌شارت ژى كو پێدڤيه د 20 رۆژێن د مينن يێن هه‌يڤا 12 دا، مووچێ هه‌موو وه‌زاره‌ت و ده‌سته‌يێن هه‌رێما كوردستانێ بهێنه دان دا كو كێشا دارايى يا حوكمه‌تا هه‌رێمێ مه‌زنتر لێ نه‌هێت.