ب وێنه: بۆ ئێكه‌م جار ل سعودیه ژن پشكداری هه‌لبژارتنان دبن
ئه‌ڤرۆ نیوز:
ب داپۆشایی ژ سه‌ری هه‌تا بنێن پێیان و ب رێبه‌رییا زه‌لامه‌كێ مالێ ژنێن سعودیه بۆ ئێكه‌م جار د دیرۆكێ دا بمه‌ره‌ما ده‌نگدانێ به‌ره‌ڤ سندۆقێن هه‌لبژارتنان چوون .
ژنان د ڤان هه‌لبژارتنێن جڤاتا باژێرڤانییان دا زێده‌باری ده‌نگدانێ خوه به‌ربژار كرینه ژی، و بنگه‌هێن ده‌نگدانێ یێن ژن و زه‌لامان جودا هاتینه ئاماده‌كرن.
( عه‌واتف مه‌رزوق) ئێك ژ ژنێن ده‌نگێ خوه دای گۆت: ئه‌ز یا دكه‌مه گری، ژبه‌ركو ئه‌ڤه تشته‌كه بتنێ مه د تێله‌ڤزیۆنێ دا دیت ل وه‌لاتێن دی دهاته كرن، هه‌ر چه‌نده به‌ربژارێن ژن ژی هه‌بوون لێ من ده‌نگێ خوه دا زه‌لامه‌كی ژبه‌ركو بانگه‌شا دامه‌زراندنا پتر په‌رستیارێن ژن دكر، دگه‌ل ڤێ ژی من دڤێت ژن ژی بسه‌ركه‌ڤن.”
9 سه‌د به‌ربژارێن ژن لگه‌ل 6 هزار به‌ربژارێن زه‌لام هه‌ڤركیێ دكه‌ن، لێ گه‌له‌ك ژنان دگۆت بانگه‌شا هه‌لبژارتنان نه‌یا دادوه‌رانه بوو ژبه‌ر فه‌رق و جوداهیا دناڤبه‌را ژن و زه لامان دا و هه‌بوونا ئاسته‌نگێن د رێیا ژنان دا كو نه‌دشیان چ رێكلامان بۆ خوه بكه‌ن كو بهێنه نیاسین.
