رووسیا دانپێدانێ ب شكه‌ستنا خوه ل سووریێ دكه‌ت
ئه‌ڤرۆنیۆز، ئه‌یاد به‌رواری
ب ڕه‌نگه‌كێ فه‌رمی رووسیا دانپێدان ب شكه‌ستنا ئۆپه‌راسیۆنێن خوه یێن له‌شكری ل سووریێ كر كو ل 30 ئیلۆنا 2015 ێ ده‌ستپێكرین و تێدا چه‌ندین جۆرێن چه‌كی بكارئیناین.
سه‌ره‌رای ئه‌نجامدانا 140 هێرشێن ئه‌سمانی د رۆژێ دا هه‌ر ژ ده‌ستپێكا پشكداریا روسیا د شه‌ڕێ سووریێ دا، ل دووڤ ئاژانسا (رویته‌رز) وه‌زیرێ به‌رگریێ یێ روسی ( سیرجی شویگو) د داخویانیه‌كێ دا ل باره‌گایێ وه‌زاره‌تا به‌رگریێ گوت” ده‌ستهه‌لاتا داعشێ ل سووریێ یا زێده دبیت و 70% ژ ئاخا سووریێ یا دبن كونترۆلا توندره‌وان دا”.
وه‌زیرێ به‌رگریا روسیا گوت ژی” داعشێ 60 هزار چه‌كدار یێن ل عیراقێ و سووریێ هه‌ین و مه‌ترسیا به‌لاڤبوونا توندوتیژیێ بۆ وه‌لاتێن ئاسیا ناڤه‌راست یێن سوڤیه‌تی یێن به‌رێ یا هه‌ی”.