ساخله‌ميێ بۆ پێگرىكرن ب كێمكرنا بهايێن ده‌رمانان ئه‌ڤ كاره ئه‌نجام دا
ئه‌ڤرۆ نيوز، لزگين جۆقى:
رێڤه‌به‌رێ گشتيێ ساخله‌ميا پارێزگه‌ها دهۆكێ راگه‌هاند كو ئه‌ڤرۆ 7ى نيسانا 2016ێ ل گه‌ل هه‌موو كۆمپانيێن ده‌رمانان و تاقيگه‌هـ و تيشكێ و كه‌رسێن نوشدارى كۆمبوون و داخواز ژ ئه‌وان كر كو پێگريێ ب بڕيارا كێمكرنا بهايان بكه‌ن.
د. نزار عسمه‌ت، رێڤه‌به‌رێ گشتيێ ساخله‌ميێ ل پارێزگه‌ها دهۆكێ گۆت: “پێدڤيه كۆمپانيێن ده‌رمانان و پێدڤيێن نوشدارى هاريكار بن ل گه‌ل دزگه‌هێن ساخله‌ميێ يێن حوكمى و كه‌رتێ تايبه‌ت ب تايبه‌ت ب تايبه‌ت د وارێ كێمكرنا بهيان دا و باشكرنا كوالێتيا وان”.
رێڤه‌به‌رێ گشتيێ ساخله‌ميێ ل پارێزگه‌ها دهۆكێ دا زانين ژى كو ئارمانج ژ وێ كۆمبوونێ ل گه‌ل كۆمپانيا ئه‌و بوو كا چاوان دێ شێن پێكڤه فشارێ ئێخنه سه‌ر ژێده‌رێ سه‌ره‌كى يێ ده‌رمانان و پێدڤيێن نوشدارى و گۆت: “هندى كوالێتى باش بيت و بها كێم بيت دێ باشتر هێنه فرۆتن و كۆمپانى ژى دێ زێده‌تر قازانجى كه‌ن”.
