بارزانی مەرجێن ڤەگەریان بۆ بەغدا شکەرا کرن
ئەڤرۆ نیوز ، نەوزاد زادە ھلۆری :
مەسعود بارزانی راگەھاند ب مەرجێ رێکەفتن و بەرچاڤگرتنا شەراکەتێ پەرلەمانتارێن کوردان بەرھەڤبن بزڤرنەڤە بەغدا ، و دوپاکر ژی کو ئەو ل گەل وێ یەکێ کو ل گورەی دەستووری ئاریشە بھێنە چارەسەرکرن.
ئاخفتنێن بارزانی دچارچوڤێ کومبوونەکێ دابوون کو رۆژا ئێکشەمبی ل گەل فراکسوونا چاکسازی ل ئەنجومەنا نونەرێن عیراقێ ئەنجامدابوو.
عادل نوری ئەندامێ کوردێ فراکسوونا چاکسازی بو خەندان ئاشکراکر ئەو سەرەدان ل کومبوونا ھەفتیا بووری یا فراکسوونان دەنگ لسەر دایی و ژبلی ھەرێما کوردستانێ دێ سەرەدانا بالیوزخانەیێن وەلاتێن جیھانێ و پارتێن پلە بلندێن عیراقێ ھێتەکرن و مەرەما سەرەدانێ ژی خوە دانەنیاسینەکە.
گوت ژی : بارزانی گوتیە مە ئەز ژی ل گەل چاکسازیانم و ل گەل وێ یەکێ مە کو دەستوور ئاریشەیان چارەسەر بکەت و بەرھەڤژین ژی بزڤرینە پەرلەمانی ب وی مەرجی رێکەفتن و شەراکەت بھێتە بەرچاڤ وەرگرتن.
ئەوی پەرلەمانتاری دیارکر ژی کو بارزانی گوتیە وان بەرھەڤە ل گەل فراکسوونان ھەماھەنگیێ بکەت.
رۆژا چوارشەمبی 13 نیسانا 2016 ھەردوو پەرلەمانتارێن کوردی ل ئەنجومەنا نونەرێن عیراقێ عادل نوری و تاڤگە محەمەد چونە دناڤ رێزێن پەرلەمانتارێن مانگرتی کو دژی لیستا دووەم یا کاندیدا کابینەیا نوویا حەیدەر عەبادی مانگرتن راگەھاند بوو.
عادل نوری ئاماژە ب وێ یەکێ ژی کر ل گەل نەوشێروان موستەفا رێکخەرێ گشتیێ تەڤگەرا گۆرانێ کومبووینە و گوتیە وان تەڤگەرا گۆرانێ بو چاکسازیێ ھاتیە درۆستکرن و دپێناڤ ڤێ یەکێ ژی دا باجێن زور داینە و پشتراستکرین کو دێ باجێن ژ ڤی َمەزنتر ژی دەین.
ئێڤاریا رۆژا شەمبی 16/4/2016 تەڤگەرا گۆرانێ راگەھاندنەک بەڤکر ل بارا رەوشا سیاسی یا عیراقێ بەلاڤکر و دوێ بەلاڤکرنێ دا تاڤگە ئەحمەد ژ ناڤر ێزێن گۆرانێ دویرئێخست و د17ی َھەمان ھەیڤ دا ب بریارا مەکتەبا سیاسی یا یەکگترتو عادل نوری ژ فراکسوونا یەکگرتوول بەغدا ھاتە دویرئێخستن.