قەیس وەیس:

وەرزێ‌ 2023- 2024 یا خولا پلا نایاب كوردستانێ‌ یا تەپا پێی بەر ب دووماهیێ‌ دچیت و دو یاری ماینە دێ‌ پەردە ل سەر هێتە دانان، هەڤڕكی دناڤبەرا یانەیێن پشكدار ئاگرین بوویە پشتی ب دووماهی هاتنا یاریێن گەڕا 28ێ‌ ژ خولێ‌، سێ‌ یانەیێن پارێزگەهێ‌ ب هیڤی و ئارمانجێن جودا چاڤ ل یاریێن مایی دكەن.
ئاكرێ‌ خوە نێزیكی تۆماركرنا دیرۆكێ‌ دكەت
تیما یانەیا ئاكرێ‌ بەردەوامی دا پارستنا سەرێ‌ لیستا خولێ‌ سەرباری وەكهەڤییا وێ‌ دگەل خودانێن ئەردی یانەیا برایەتی بێ‌ گۆل، نوونەرا پاێزگەهێ‌ 48 خال كۆمكرینە و رێزا ئێكێ‌ دهێت و پێنگاڤەكا باش بەر ب دەستڤە ئینانا ناسناڤێ‌ خولێ‌ برییە، ژ دو یاریێن بهێت دگەل ئارارات و چوارقۆرنە پێدڤی ب چار خالان هەیە بێ‌ چاڤەڕێ‌ ئەنجامێن هەڤڕكێن خوە بیت هەتا ناسناڤێ‌ ئەڤ سالە ب دەستڤە بینت، هەرچەندە هەردو یانەیێن پێشمەرگەهیا هەولێر ئەوا بتنێ‌ دو خالان كێمترە رێزا دویێ‌ دهێت و شێروانە چار خال كێمترە رێزا سێیێ‌ دهێت ژلایێ‌ خوەڤە شەڕی دكەن بۆ ناسناڤی و هیڤیێن مەزن هەنە بگەهنە رێزا ئێكێ‌.
دهۆك بزاڤێن مانا خوە دكەت
تیما یانەیا دهۆك د رەوشەكا خراب دایە و پشتی بۆرینا 28 گەڕا هێشتا نەشیایە پاپۆرا خوە ژ هێلا مەترسیێ‌ دەربازبكەت و چەند جاران ب پێلێن خوسارەتیا و وەكهەڤیان بوویە، د گەڕا بۆری دا دگەل یانەیا شەقلاوە ب سێ‌ گۆلان بەرانبەر دو گۆلان تووشی خوسارەتیێ‌ بوو و هیڤیێن مانا خوە د خولێ‌ دا پاشئێخستن بۆ یارییا بهێت دگەل شێروانە، ئەلهۆیێن چیا پێدڤی ب سێ‌ خالان هەیە هەتا هیڤیێن خوە گەشبكەت، ژبەركو د نوكە دا 33 خال هەنە رێزا 14ێ‌ دهێت، هەردو یانەیێن هێلا داكەفتنێ‌ ئارارات خودانا 32 خالان رێزا 15ێ‌ و سۆران یا 27 خالان رێزا 16ێ‌ و دووماهیێ‌ ئەوا پاشڤەچوونا خوە بۆ پلا ئێك مسۆگەركری، دەلیڤەیا زێرین بۆ دهۆك یارییا بهێت دگەل ئارارات سەركەفتنێ‌ بینت دناڤ ئەردی خوە دا ژبۆ پاراستنا مانا خوە.
چو گڤاشتن ل سەر زاخۆ نینن
ژلایێ‌ خوەڤە تیما یانەیا زاخۆ سەرباری وەكهەڤییا وێ‌ ب دو گۆلان بەرانبەر چوارقۆرنە لێ‌ چو گڤاشتن ل سەر وێ‌ نینن ژبەركو مانا خوە پاراستیە بتنێ‌ دێ‌ یاریێن مایی بۆ ب دووماهی هاتنا وەرزێ‌ ئەڤ سالە كەت، هەرچەەندە دەستپێكێ‌ هاتبوو راگەهاندن ئەو دێ‌ شەڕی بۆ ناسناڤی كەن،د نوكە دا زاخۆ 36 خالان رێزا هەشتێ‌ دهێت.
هەلوەستێ‌ گشتی بڤی شێوەیە:
1- ئاكرێ‌ 48 خال.
2- پێشمەرگەیا هەولێر 45 خال.
3- شێروانە 44 خال.
4- رانیە 41 خال.
5- سیروانی نوو 41 خال.
6- هندرین 37 خال.
7- دەربەندیخان 36 خال.
8- زاخۆ 36 خال.
9- چوارقۆرنە 36 خال.
10- هەولێر 34 خال.
11- سەید سادق 33 خال.
12- برایەتی 33 خال.
13- شەقلاوە 33 خال.
14- دهۆك 33 خال.
15- ئارارات 32 خال.
16- سۆران 27 خال.

پشتی بۆ ماوەیێ‌ حەفتیەكێ‌ ژ دووڤچوونا لژنەیا تایبەت یا رێڤەبەرییا گشتی یا وەرزشی ل هەرێما كوردستانێ‌ ب شێوەیێ‌ مەیدان ل سەر هەر 19 یانەیێن پارێزگەها دهۆكێ‌ هاتیە كرن ژبۆ كۆمڤە كرنا هەموو ئەوان دانا و زانیاریێن یانەیان كارگێری، چالاكی، ژێرخانە و دارایی ڤە هاتینە بۆ وەرزێ‌ 2024ێ‌ وەرگرتن، ل دەستپێكا ڤێ‌ حەفتیێ‌ رێڤەبەرییا وەرزشی ئەنجامێن دووماهیێ‌ بۆ هەمی یانەیێن سنۆرێ‌ پارێگەها دهۆكێ‌ هنارتینە ئەوێن ژلایێ‌ لژنەیا ناڤهاتی ڤە هاتینە پلەكرن.
ل دۆر ڤێ‌ یەكێ‌ جەمال سلێمان رێڤەبەرێ‌ وەرزشی ل پارێزگەها دهۆكێ‌ بۆ رۆژنامەیا ئەڤرۆ گۆت: ل دووڤ بەرنامەیێ‌ سالانە یێ‌ رێڤەبەرییا گشتی یا وەرزشی ل هەرێما كوردستانێ‌ پێخەمەت پەیرەوكرنا دادپەروەرانە ژبۆ دابینكرنا مینحەیا سالانە بۆ گشت یانەیێن وەرزشی ل كوردستانێ‌، لژنەك ژ رێڤەبەریا گشتی هاتبوو پارێزگەها دهۆكێ‌ و سەرەدانا مەیدانی بۆ هەموو یانەیێن پارێزگەهێ‌ كرن كو ل دووڤچوونا چار تەوەرێن جودا كربوو و بڤی رەنگی، لایەنێ‌ كارگێری، لایەنێ‌ ژێدەرێن دارایی و وەبەرهێنانێ‌، لایەنێ‌ چالاكیێن وەرزشی و لایەنێ‌ ژێرخانەیا وەرزشی هاتبوو كرن كو تێدا هەموو داتا و زانیاری ژ كارگێریێن یانەیان و لژنەیا ئۆلمپی یا پارێزگەهێ‌ ب رێكا پڕكرنا فۆرمەیان وەرگرتبوون پێخەمەت پلەكرنا یانەیان ل دووڤ ئەوان داتایان ئەوێن سالا 2023ێ‌ و هەر چالاكیەك یا تەوەرێن دیاركری خال بوو هاتبوونە دانان.
ژلایەكێ‌ دویڤە ناڤهاتی گۆت: پشتی لژنەیا رێڤەبەرییا گشتی هەمی داتا وەرگرتین یانە ل سەر چار ئاستان هاتبوونە بەلاڤكرن ب كۆمكرنا ئەوان خالێن بۆ هاتینە دانان ل دووڤ خالێن كارگێری، ژێرخانە، ژێدەرێن دارایی وەبەرهێنان و چالاكیان ب ئاستێ‌، نایاب، زوورباش، باش و خراب، ل پارێزگەهێ‌ رێزبەندیێن جودا هەبوون و دیسان ژبەركو مە یانەیێن تایبەتمەند ب ژنان و یاریەكا تاك و هەروەسان یانەیا خودان پێدڤیێن تایبەت هەبوو ئەو هەموو ل سەر ئاستێ‌ دویێ‌ و پلەیێن جودا بۆ هاتبوونە دانان، لێ‌ هندەك یانە هەبووینە ئاستێ‌ چارێ‌ یێ‌ خراب وەرگرتینە كو هندەك تێبینی بوو هەبووینە هەتا دووماهییا ئەڤ سالە چارەسەربكەن ژبەركو مەترسییا هەلوەشاندنێ‌ ل سەر هەیە.
بۆ زانین ئەو یانەیێن پلەكرن بوو هاتیە هژمارتن هەر ئێك ژ یانەیێن دهۆك، زاخۆ، ئاكرێ‌، ئافرتێن دهۆك، سەنحاریب، سێمێل، گارە، شێخان، بجێل، ئامێدیێ‌، دینارتە، پیرس، بەردەرەش، تەناهی، پۆلیتەكنیك، باتیڤا، شێلادزێ‌، میدیا یا خودان پێدڤیێن تایبەت، دهۆك یا ئاسمانی كوز ووترین مینحەیا بۆ بهێتە دان دێ‌ 300 ملیۆن دینار بن و كێمترین دێ‌ 10 ملیۆن دیناربن و حەفت یانە چو مینحە بۆ ناهێنە دان.

فیدراسیۆنا باسكێت بۆلا ئیراقێ ب فه‌رمی خشته‌یێ قۆناغا هه‌شتێ یا خولا پلا نایاب كو دبیته‌ قۆناغا پله‌ی ئۆف به‌لاڤكر ئه‌وا هه‌شت یانه‌ دێ دو یاریێن هاتن و چوونێ كه‌ن دگه‌ل كۆمكرنا خالێن قۆناغا ئێكێ یا خولێ ژبۆ دیاركرنا ناسناما قاره‌مانا وه‌رزێ ئه‌ڤ ساله‌ و رێزبه‌ندییا دووماهیێ.
ب دووماهی هاتنا قۆناغا ئێكێ تیما یانه‌یا زاخۆ
د قۆناغا نوو دا ئەرکێ باسكێت بۆلا زاخۆ دیار نینه‌ 28 خال ل سه‌ر ئاستێ پێشكه‌فتیان دگه‌ل دو خالێن لاوان و ئێكا تازه‌پێگه‌هشتییان كۆمكرن كو سه‌رجه‌مێ وێ دبنه‌ 31 خال رێزا حه‌فتێ هات،ل دووڤ سیسته‌مێ پله‌یی ئۆف زاخۆ دێ به‌رانبه‌ر خودان رێزا دویێ بیت ئه‌وا تیما نه‌فت یا به‌غدایی ب كۆمكرنا 36 خالان هاتی.
د داخویانیه‌كێ دا جوتیار عه‌لی راهێنه‌رێ تیما زاخۆ بۆ رۆژنامه‌یا ئه‌ڤرۆ گۆت: پشتی ئه‌م رێزا حه‌فتێ هاتین دێ دو یارییان دگه‌ل خودانا رێزا دویێ یانه‌یا نه‌فت یا به‌غدایی كه‌ین، یا ئێكێ سوبه‌هی دوشه‌مبی ل باژێرێ به‌غدا بیت، لێ ژبه‌ركو ئه‌م د هه‌ردو یاریێن خوه‌ دا ژ خولێ دگه‌ل خوساره‌ت بووینه‌ له‌وما هه‌كه‌ د یارییا ئێكێ یا قۆناغا پلای ئۆف ل به‌غدا تووشی خوساره‌تیێ بوووین ئه‌و یارییا دویێ ئه‌م ناكه‌ین ژبه‌ركو رێژه‌یا سه‌ركه‌فتنان دێ بنه‌ سێ، لێ هه‌كه‌ ئه‌م سه‌ركه‌فتین دێ یارییا دویێ ئه‌وا دێ ل حه‌فتییا بهێت ل باژێرێ زاخۆ بیت دێ كه‌ین و هه‌كه‌ وێ ژی سه‌ركه‌فتین دێ یارییه‌كا ڤه‌بر هێته‌ كرن.
هه‌روه‌سان ناڤهاتی گۆت: یارییا بهێت ئەرکێ مە ب زەحمەته‌ وهه‌تا یارییا دویێ ژی بكه‌ین دناڤ ئه‌ردێ خوه‌ دال ێ جه‌ماوه‌رێ مه‌ به‌رهه‌ڤ نابیت ژبه‌ر بڕیارێن سزادانێ یێن فیدراسیۆنا ئیراقێ كو جه‌ماوه‌ر ئاماده‌یی یاریێ نابیت.

ل شه‌ڤا ده‌ربازبوویی پشككێشانا كۆپا ئه‌مریكا 2024ێ یا كێشوه‌رێ ئه‌مریكا باشۆر كۆنكاكاف هاته‌ ئه‌نجامدان ئه‌وا بڕیاره‌ هه‌ڤڕكیێن وێ هه‌ر ژ 20 خزیرانێ هه‌تا 16ێ ته‌مووزا ئه‌ڤ ساله‌ ل ویلایه‌تێن ئێگكرتیا ئه‌مریكا بهێنه‌ ئه‌نجامدان.
پشككێشان بڤی شێوه‌یی بوو.
كۆما ئێكێ: ئه‌رجه‌نتین، پیرۆ، چێلی، كه‌نه‌دا.
كۆما دویێ: مه‌كسیك، ئیكۆادۆر، ڤه‌نزوێلا، جامایكا.
كۆما سێیێ: ئه‌مریكا، ئۆرۆگۆایی، به‌نه‌ما، بۆلیڤیا.
كۆما چارێ: به‌رازیل، كۆلۆمپیا، باراگۆایی، كۆستاریكا.
هه‌لبژارتیێ ئه‌رجه‌نتین هه‌لگرا ناسناڤی و 15 جاران ب ده‌ستڤه‌ ئینایه‌، ئۆرۆگۆایی ژی هه‌مان هژماره‌یا ناسناڤان ده‌ستڤه‌ ئینایه‌، به‌رازیل نه‌هـ جاران، هه‌ر ئێك ژ چێلی، باراگۆایی و بیرۆ دو جاران ده‌ستڤه‌ ئیناینه‌، كۆلۆمپیا و بۆلیڤیا ژی هه‌ر ئێك جاره‌كێ بوویه‌ قاره‌مان.
وستقام مواجهتا نصف النهائی فی «إیست روپرفورد» فی التاسع من یولیو/تموز، وفی «تشارلوت» فی العاشر من الشهر ژاته، علی أن تحتچن میامی النهائی فی 14 یولیو/تموز.

راپۆرتێن رۆژنامەڤانی ل ولاتێ‌ ئسپانی دۆپاتی ل سەر گەفێن چوونا ستێرێ‌ بەرازیلی و یانەیا ریال مەدرید ڤێنێسیۆس جۆنیۆری ژ ئسپانیا و هەبوونا گرێبەستێن سێ‌ یانەیێن ئۆرۆپا بۆ ناڤهاتی بەلگەیا ل سەر چوونا وی.
رۆژنامەیا سپۆرت دیاركر ڤێنێسیۆس هێز نەمایە خوە ل بەر هەبوونا دژاتیێ‌ و رەكەزپەرستییا چەند ژ جەماوەرێن یانەیێن ئسپانی بگریت و خویاكرییە فیدراسیۆنا ئسپانیا چو پێنگاڤ نە هاڤێتینە لەوما یا دروست ئێدی بەر ب یانەكا دی بچم و دیاركر 18 سكالا تۆماركرینە چو بۆ نەهاتیە كرن.
ئەڤ داخویانەیە وەكرییە هەر ئێك ژ یانەیێن لیڤەرپۆل و چێلسی یا ئنگلتەرایێ‌ و پاریس سانجێرمان یا فرەنسی ل سەر هێلن ژبۆ رازیكرنا ڤێنێسیۆسی و كۆژمەیێ‌ 200 ملیۆن یۆرۆ بۆ هاتییە تەرخانكرن، دبیت بابەتێ‌ مپابی ببیتە دەرگەهەكێ‌ دی كو ئەو خوە ل بن گڤاشتنێن رەكەزپەرستێ‌ قۆرتالبكەت و بچیتە یانەكا دی.