زنار تۆڤی:
د. نەوزاد هێتۆتی، پسپۆرێ زانستێن سیاسی بۆ ڕۆژنامەیا ئەڤرۆ دبێژیت، زێدەباری گەفێن گروپێن شیعی، ب تایبەتی ژی ئەبو عەلی عەسكەری، بەرپرسێ ئەمنی یێ حیزبوللایا ئیراقی، سەبارەت سەرەدانا بەرپرسێن ئەمریكا بۆ ئیراقی، بەلێ ئەنتۆنی بلینكن، وەزیرێ دەرڤەیێ ئەمریكا ل ڤێ دوماهیێ سەرەدانا بەغدا كربوو و ڕاستەوخۆ ل گەل سۆدانی كۆمبوو، د وێ سەرەدانێ دا بلینكنی، چار پەیامێن گرنگ دانە بەغدا، یا ئێكێ ئەوە، دڤێت حوكمەتا ئیراقی ب ئەركێ خوە ڕابیت و ڕێگرییێ ل گرۆپێن میلیشیان بكەت، كو هێرشێ نەكەنە سەر بنگەهێن لەشكری یێن ئەمریكا ل ئیراقێ، بلینكنی گوت ژی، ئەو هێرشێن ژ ئالیێ گرۆپێن نێزیكی ئیرانێ ڤە بۆ سەر هێزێن ئەمریكا دهێنە كرن ناهێنە قەبوولكرن.
ناڤهاتی دیار كر ژی» پەیاما دویێ ئەوە، ئەمریكا بێ دەنگ نابیت بەرامبەر ب ئارمانجكرنا بەرژەوەندیێن وێ و ئەو هێرشێن دهێنە كرن بۆ سەر بنگەهێن وێ یێن لەشكری، لەوما ب ڕەنگەكێ ڕاستەۆخۆ، ئەمریكا ژی دێ گرۆپێن میلیشیان كەتە ئارمانج و دێ مۆشەك باران كەت، هەروەسا پەیاما سیێ ئەوە، دڤێت حوكمەتا ئیراقێ ڕێكێ ل گرۆپێن میلیشیان بگریت، كو ب مۆشەك و دروونان ب ڕێكا ئیراقێ هێرشێ نەكەنە سەر ئیسرائیلێ، دڤێت سنوورەك بۆ وان بهێتە دانان، پەیاما چارێ ئەوە، ئەمریكا ل گەل وێ چەندێ كو بازنێ شەرێ غەزە بەرفرەه نەبیت، بەلێ هەكە ئیران یان هەڤپەیمانێن وێ بەرەیەكێ دیتر یێ شەڕی ڤەكەن، ڕاستەوخوە ئەمریكا دێ دربان ل ئیرانێ دەت، هەر چەندە ئەنتۆنی بلینكنی، د سەرەدانا خوەدا بۆ بەغدا، ئەو چەندە دیار كر، كو وان نەڤێت ل گەل ئیرانێ ڕووب ڕوو ئێك ببن، هەر چەندە دێ هەموو ڕێكاران بۆ پاراستنا هێز و وەلاتیێن خوە گرنەبەر».
نيشاندان