ئهڤرۆ، سالار محهمهد دۆسكی:
رێڤهبهرێ ئاڤا دهۆكێ ئاشكرا كر، ژێدهرێن ئاڤا ڤهخوارنێ ل سهرانسهری كوردستانێ كێم بووینه و د ههمان دهم دا پیسبوونا ئاڤا ژێر عهرد ژی زێدهبوویه و ل گهلهك گوندان بیر كولاینه و ئاڤ ب كێری ڤهخوارنێ ناهێت، خۆیاكر ژی كو ئێدی دێ پارێ ئاڤێ ژ قوتابخانا و مزگهڤت و ههموو فهرمانگههێن حوكمهتێ ژی هێته وهرگرتن و گۆت: تۆرێن ئاڤێ ل چهندین تاخێن دهۆكێ پێدڤی ب گوهورینێ نه، چونكه چهندین ساله ژ كار كهفتین.
ئهندازیار ڤهگێر ئهحمهد عهلی، رێڤهبهرێ ئاڤا دهۆكێ بۆ رۆژناما ئهڤرۆ گۆت: ژێدهرێ سهرهكیێ ئاڤا ڤهخوارنێ ل دهۆكێ ئاڤا خراب دێمی یه ل سهر رووبارێ دیجله دووری 30 كیلومهتران ژ باژێری، ههتا ئهو ئاڤ ژ پرۆژهی دگههیته قهزا سێمێلێ و ژ قهزا ناڤبری ههتا دگههیته دهۆكێ نێزیكی 10 كیلومهترانه و پرۆژه پێك هاتیه ژ پێنچ وێستگههێن سهرهكی، ئهو ئاڤ ژ پرۆژهی ههتا دگههیته باژێرێ دهۆكێ ئهم نێزیكی 300 مهترا وێ ئاڤێ بلند دكهین و حوكمهتا ههرێما كوردستانێ پارهكێ مهزن دمهزێخیت ههتا ئهو ئاڤا ژ پرۆژهی دگههیته باژێرێ دهۆكێ و بۆ ڤهخوارنێ دهێته بكارئینان.
ژێدهرێ دوویێ یێ ئاڤێ پشتی پرۆژهی ئاڤا بیرانه و ئهردێ دهۆكێ بلندی و نزماتی یه و ل هندهك جهان گڤاشتنا ئاڤێ یا نهخوشه و ل هندهك جهان یا خوشه، نهچارین ئهو جهێن ئاڤ نهگههیتێ ب رێكا بیران ئاڤ دگههیتێ و ههتا 49 بیرێن ئاڤێ مه ل دهۆكێ ههنه و ژ سهرجهمێ ڤان 49 بیران ههتا 32 بیران كار دكهن.
ئاشكرا ژی كر، پێشتر ل وهرزێ هاڤینێ مفا ژ ئاڤا سكرێ دهۆكێ دهاته وهرگرتن و ئهو ئاڤا زێده مفا ژێ دهاته وهرگرتن، چونكه حوكمهتێ گهلهك مهزاختی لێ نهدكر، چونكه ئهو ئاڤ یا بلند بوو و ئاڤا سكرێ دهۆكێ دگههشته تاخێن گرێ باسێ ههتا نێزیكی زهری لاند ژی چوو، بهلێ ئهڤ دو ساله ژ بهر هشكهسالیێ مفا ژ ئاڤا بهنداڤا دهۆكێ ناهێته وهرگرتن.
رێڤهبهرێ ئاڤا دهۆكێ ل دور دابهشكرنا ئاڤێ ژی گۆت: چونكه ئاڤا بهنداڤا دهۆكێ مفا ژێ ناهێته وهرگرتن، گهلهك گوهورین كهفتینه خشتێ بهلاڤكرنا ئاڤێ و پێشتر ل هندهكا جهان 24 دهمژمێران ئاڤ ههبوو، لێ نوكه ئهو مه نههێلاینه، ژ بهر ئاڤ دا بگههیته ههمی كهسان.
ل دور پشكدارێن ئاڤێ ژی، ئهندازیار ڤهگێر ئاشكراكر، بهشداربووویێن ئاڤێ نوكه 72 هزار و 300 كهسان و ئهڤه ل سهنتهرێ دهۆك ل گهل ههردو ناحیێن زاویته و مانگێشكێ، چونكه پرۆژێ ئاڤا دهۆكێ 25% بۆ سێمێلێ دچیت، لهوما ئهو ژی وهك پشكدار سهر ب دهۆكێ ڤه دهێنه ههژمارتن، بهلێ داهاتێ وان ههر بۆ رێڤهبهریا وان ڤهدگهریت و ژ سالا 2020 ههتا ئهڤ ساله چار هزار و 300 پشكدار زێدهبووینه و سالانه ههتا 1700 پشكداران ل سهر تۆرا ئاڤا دهۆكێ زێده دبن.
ئهندازیار ڤهگێر گۆت ژی: ب گشتی خهلكێ دهۆكێ ژ ههموو دهڤهران باشتره بۆ ئابووریكرنا ئاڤێ و پشتی میزانی ژی هاتینه دانان پتر رهوشهنبیری بۆ خهلكێ مه دروست بوویه بۆ ئابوریكرنا ئاڤێ، خهلكێ مه ژی گههشتیه وێ هزرێ و ب تایبهت پشتی هشكهسالی زێدهبووی و مهترسیێن ئاڤێ ههین، ئێدی ئابووریێ د ئاڤێ دا دكهن، ب گشتی نه گههشتیه وی ئاستێ مه دڤێت، بهلێ ژ بهر نوكه باشتره.
رێڤهبهرێ ئاڤا دهۆكێ ئهو ژی ئاشكراكر، ل دووڤ رێنمایێن حوكمهتا ههرێما كوردستانێ دڤێت مزگهڤت و قوتابخانه و ههمی فهرمانگههێن حوكمهتێ پیڤهرێن ئاڤێ بدانن و ههر جههكێ پیڤهری بدانیت دڤێت پارێ ئاڤێ بدهت و ل دووڤ گرێبهستا حوكمهتێ دڤێت ههردو ههیڤان جارهكێ پارێ ئاڤێ بهێتهدان.
نيشاندان