رهمهزان زهكهریا
ل سنوورێ ناوچهداریا دینارته سهر ب دهڤهرداریا ئاكرێ ڤه ئهڤساله بهرههمێ هنارا ژبهر تێكچوونا سهقای كێمبووه ئهو بهرههمێ ههیی ژی وهك پێدڤی نینه جوتیار دخوازن كو هاریكاریا وان بهێته كرن.
یاسین حهكیم ، جوتیارهكێ هنارایه ل دهڤهرێ بۆ ئهڤرۆ گۆت : ئهڤساله بهرههمێ هنێرا گهلهك كێمبووه و ئهوێن بهرههم ژی دای بهرههمهكێ هشك و خرابه و ئهڤ خرابیا هنارا بۆ چهند ئهگهر دزڤریت وهك نهبوونا دهرمانێن پێدڤی لبهر دهستێ جوتیاران و تێكچوونا سهقایێ دهڤهرێ و كێمبوونا ئاڤێ دخوازین حوكمهت پتر هاریكاریا جوتیاران بكهت بۆ وێ چهندێ مفای ل بهرههمێ خۆ بینن.
ناڤهاتی گۆت : ئهگهر كارگههێن دروستكرنا شهبرمان و حهبرمانا بهێنه دروستكرن دێ بهرههمێ هنارا گرنگیا خۆ پتر بیت و خواست لسهر چاندن و بهرههمئینانێ ژی زێدهتر بیت.
مههدی تهها ، بهرپرسێ هۆبا چاندنێ ل دینارته بۆ ئهڤرۆ گۆت : هۆكارێن تێكچوونا بهرههمێ هنارا ل دهڤهرێ بۆ زڤرینا رێژهكا باشا تۆزبارینێ دزڤریت دگهل كێمبوونا ئاڤێ ژبهركۆ ئهڤ بهرههمه ل دهمێ پێگههشتنێ تووشی ڤان حالهتان بووه ئهگهرێ سهرهكی بارینا تۆزێ بوو 20% بهرههمێ هنێرا كێمبووه و ئهوێ ههی ژی یا رزی و یا هشكه و میكرۆبهك دناڤ دایه ئهوێن ساخ ژی وهك پێدڤی نینه.
ناڤهاتی گۆتژی : پار سال بهرههم و رێژا دار هناران زێدهتر بوو پار سال هزار تهن هنار ههبوون رووبهرێ 10 هزار دۆنهم ژی هنار ههنه بهلێ ئهڤساله بهرههمێ وان كێمبووه ، هنارا دینارته ژبلی كۆ دهێته رهوانهكرن بۆ پارێزگههێن كوردستانێ ل نافخۆ ژی خواستهكا باش لسهر ههیه دهێته ب كارئینان بۆ بهرههمێ شهبرمان و حهبرمان و وان بهرههما ژی خواستهكا زۆر باش لسهر ههیه .
بهرپرسێ هۆبا چاندنێ ل دینارته ئاشكراكر : بهرههمێ هنارا دشیاندایه گهلهك مفایێن ئابووری ژێ بهێنه دیتن بۆ فرۆتنێ و دروستكرنا بهرههمێ شهبرمانێ و سالانه ب بهایێ پتر ژ 100 ملیۆن دینارا هنار ل دینارته دهێنه فرۆتن رۆژانه دههان كهسا مفای ژ كۆمكرنا بهرههمێ هنارا دبینن و داهاتهكێ ب دهستڤه دئینن.
نيشاندان