تاهر رێكانی
د نوکە دا تیما یانەیا زاخۆ پشکدارە د کەمپا ڕاهێنانێ یا تورکیا خۆ به‌رهه‌ڤكرن بۆ وه‌رزێ نوو یێ خولا ستێرێن ئیراقێ کو رۆژانه‌ دو هەتا سێ یه‌كه‌یێن راهێنانێ دهێنه‌ ئه‌نجامدان، ب مه‌ره‌ما رێكخستنا رێزێن تیمێ، دیسان چه‌ند یاریێن هه‌ڤالینی دگه‌ل یانه‌یێن ئه‌نتالیا سپۆر، ئامه‌د سپۆر و یانه‌یا نه‌جمه‌ یا سعوودیێ بكه‌ن، ب مه‌ره‌ما په‌یدابوونا كۆنتاك و رێكخستن دناڤبه‌را یاریزانێن دا، ژبۆ پتر پێزانینان لدۆر ڤی كه‌مپێ بزانین دڤێ راپۆرتێ دا ببینن.
لده‌ستپێكێ راهێنه‌رێ فره‌نسی لۆرانت بانیدی دیاركر: د نوکەدا نەشێن یاریزانێن خۆ ب وه‌ستینم ب كرنا یاریێن هه‌ڤالینی ژبه‌ركو نۆكه‌ له‌شێ وان به‌رهه‌ڤ نینه‌ و دبیت به‌ری خولا ستێرێن ئیراقێ ده‌ستپێبكه‌ت تووشی هنگافتنان ببن، هه‌ر چه‌ند رۆژان یاریزانه‌ك یێ په‌یوه‌ندیێ ب رێزێن تیمێ دكه‌ت، له‌وڕا هه‌تاكو نۆكه‌ كۆنتاك دناڤبه‌را واندا په‌یدا نه‌بوویه‌، لێ هه‌ر چه‌وا بیت دڤی ماوه‌ی دا دێ هه‌می شیانێن خۆ مه‌زێخین پێ خه‌مه‌ت رێكخستنا رێزێن تیمێ، دبیت ئەم یێن د قووناغا بەرهەڤیان دا و یاریێن هەڤالینی گرنگن.
ژلایه‌كێ دووڤە ئه‌مین یۆنس رێڤه‌به‌رێ تیمێ دیاركر كو دگه‌ل گه‌هشتنا شاندێ یانه‌یا زاخۆ بۆ باژێرێ ئه‌نتالیا یێ تۆركی ئێكسه‌ر‌ ده‌ست ب راهێنانێن تیمێ هاتنه‌ كرن، رۆژانه‌ دو هەتا سێ یه‌كه‌یێن راهێنانێ ب شێوه‌یێ تیوری و پراكتیكی و هێزا له‌شی دهێنه‌ ئه‌نجامدان، ژبه‌ركو ده‌مێ مه‌ گه‌له‌ك یێ كێمه‌ و یاریزانێ مه‌ د ده‌مێ خۆدا نه‌گه‌هشتنه‌ كه‌مپا راهێنانێ، دبیت گێرۆبوونا یاریزانێن مه‌ بیته‌ ئه‌گه‌ر كو دشیاندا نه‌بیت یاریان دگه‌ل وان تیمێن مه‌ دیاركرین بكه‌ین، دبه‌رنامێ مه‌دا‌ بوو سێ تا چار یاریێن هه‌ڤالینی بكه‌ین، لێ دبیت ئه‌ڤ یاریه‌ هه‌می نه‌هێنه‌كرن.
دیسان ئه‌مینی ئه‌وچه‌ند ژی دیاركر كو تانۆكه‌ تیما مه‌ تمام نه‌بوویه‌ مه‌ پێدڤی ب سێ یاریزانێن دی هه‌نه‌ داكو رێزێن تیمێ یهێنه ‌پركرن، گەشبینن بۆ وه‌رزێ بهێت ب هێزتر بهێنه‌ د ناڤ هه‌ڤڕكیێن خولا ئیراقێ دا ب مه‌ره‌ما بده‌ستڤه‌ ئینانا پلێته‌كا ده‌رڤه‌ی ئیراقێ.

د داخویانیەكێ‌ دا سەرپەرشتێ‌ تیما باسكێت بۆلا یانەیا زاخۆ دیار كر ب نڤێسارەكا فەرمی مە داخاز ژ فدراسیۆنا باسكێت بۆلا ئیراقێ‌ كرییە هەر پێنج یاریێم فینالا خولا ئیراقێ‌ یا پیشەكاران ل باژێرێ‌ زاخۆ مێڤان كەین و گەشبینن دێ‌ ڕازیبوون هەبیت.
زێدەتر ناڤهاتی بۆ رۆژنامەیا ئەڤرۆ گۆت: پشتی ب سەرفەرازی تیما مە دەربازبوویە فینالا خولا ئیراقێ‌ ئێكسەر كارگێرییا یانەیێ هزر د هندێ‌ دا كر كو داخازا مێڤانداریكرنا هەر پێنج یاریێن فینالێ‌ ژ فدراسیۆنا ئیراقێ‌ بكەت، پێنەڤێت ئەڤ داخازییە ژی ژبەر چەند ئەگەران بوویە، یا ئێكێ‌ بۆ خاترا جەماوەرێ‌ مە یێ‌ دلسۆز هەر دبەرانبەر دا ژی بۆ فدراسیۆنێ‌ باشییەكە ژبەركو بتنێ‌ ل یاریێن زاخۆ دناڤا هۆلا زاخۆ دا پشتەڤانێن ئێكچار زوور بەرهەڤدبەن و ئەو ب خوە ژی پەسنا جەماوەرێ‌ مە دكەن.
هەروەسانا جەگەر عەلی گۆت: خالا دویێ یا گرنگ ل هۆلێن دناڤا بەغدا سیستەمێ‌ ساركرنا هۆلێ نینە، ئانكو یاریزان و پشتەڤان و دادڤان دێ‌ تووشی گەرمێ‌ بن و دێ‌ كارتیكرن ل سەر بڕێڤەچوونا یاریگەهێ‌ هەبن، بەرۆڤاژی هۆلا گرتییا یانەیا زاخۆ ڕێكخستییە ب سیستەمێ‌ پلەیێن سار و هۆل یا بەرهەڤە ب هەموو شێوەیەكی، خالا دی یا گرنگ ئەوە كارگێرییا یانەیێ هەموو مەزاختیێ تیما مێڤان، دادڤان و لژنەیا سەرپەرشت ب ستویێ خوە ڤەگرتییە.
ژلایەكێ‌ دووڤە سەرپەرشتێ‌ تیما زاخۆ گۆت: مە ب نڤێسارا فەرمی ئاراستەیی فدراسیۆنێ‌ كرییە و هەروەسان مە داخواز ژ یانەیا دیفاع ئەلمەدەنی كرییە كو ڕازی بیت هەر پێنج یاریێن خوە ل باژێرێ‌ زاخۆ بكەت، ئەز گەشبینم دێ‌ یارییا فینالێ‌ هێتە زاخۆ، لێ‌ هەكە ڕازیبوون ژی نە هاتە دان ئەم هەر بەردەوامین و ڕژدین و گەشبینن دێ‌ شەڕی هەتا دوومای یاری كەین بۆ دەستڤە ئینانا ناسناڤی.
بۆ زانین تیما زاخۆ پلێتا دەربازبوون بۆ فینالێ‌ ب دەستڤە ئینا پشتی د دیارییا دویێ ژ چارچووڤەیێ قووناغا چارگۆشەیا زێرین سەركەڤتنێ‌ ل سەر هەڤڕكا خوە نەفت میسان ئینایی ب ئەنجامێ‌ 81 – 51، د یارییا ئێكێ‌ دا زاخۆ شیابوو ب ئەنجامێ‌ 71 – 67 خالان سەركەڤتنێ‌ بنیت و دەربازبیتە فینالا خولێ‌ كو دبیتە جارا ئێكێ‌ د دیرۆكا خوە دا ب گەهیتە ڤێ‌ قووناغێ‌، ژلایەكێ‌ دووڤە یانەیا دیفاع ئەلجویی قارەمانا وەرزێ‌ بۆری ژی دەربازبوو یارییا فینالێ‌ پشتی شیایی د هەردو یاریێن خوە دا ب سەركەڤیت ل سەر یانەیا حەشد ئەلشەعبی.

شاهۆ فەرید:

د دیدارەکێ دا سعوود دۆسکی یاریزانێ یارییا لەشجوانیێ گۆت: ئەڤە بۆ ماویێ دو مەهن دەست ب ڕاهێنانان و بەرهەڤییێن خوەکریە، دێ پشکداریێ د سێ قارەمانییێن نێڤدەولەتی دا کەم، یا ئێکی بناڤێ ستار ئەکادێمی ل باژێری عەیین یا وەلاتێ ئیماراتی تەباخا بێت، یا دویێ ژی ل ئەیلۆنا بهێت ل وەلاتی سوێسرا، یا سێیێ ژی ل چریا ئیکێ ل وەلاتێ ئەرمینیا و چاڤەڕێ داخازنامەیا فەرمی مە.
هەروەسان ناڤهاتی گۆت ژی: هەر قارەمانیەک ئاستەکە و شێوازەکە، لێ یا ژ هەموویان پتر من هزر و شیانیێن خوە بۆ تەرخانکرین یا سویسرایە، چونکۆ ئێک ژ گرنگترین قارەمانیانە ل سەر ئاستێ جیهانێ، ئەگەر پالپشتی و هاریکاریا من بهێتە کرن دێ پشکداریێ د ئەڤان قارەمانیان دا کەم، مە داخازیا خوە گەهاندیە جهێن پەیوەندیدار و سۆز ب مەداینە هاریکاربن ئەم ژی دێ چاڤەرێ بین، پشکدرایا من د ئەڤان جۆرە قارەمانیان گەلەکا گرنگە وەکۆ یاریزان کۆ پتر ئاستێ خوە بلند بکەت، ئەم هەموی شیانیێن خوە پێشتێخین بۆ دەستڤەئینانا باوەرنامە بشیێن خوە نیشا جیهانێ بدەین

د ماوەیێ بهێت دا یانەیا ئارسنال یا ئنگلتەرایێ دێ‌ دەست ب پێنگاڤا ئێكێ‌ یا بزاڤێن ڕأزیكرنا ستێرێ‌ بەرازیلی و یاریزانێ‌ یانەیا ڕیال مەدرید یا ئسپانی ڤێنێسۆس جۆنیۆریی كەت ب بەرهەڤكرنا سوپرایزەكا جودا كەت.
ل دووڤ ڕۆژنامەیا The Athletic یانەیا ئارسنال ب ڕژدی هاتیە ل سەر هێل بەری دەستپێكرنا وەرزێ‌ نوو یێ‌ خولێن ئۆرۆپا، هەرزوو ڤێنێسیۆس جۆنیرۆ ستێرێ‌ بەرازیلی و یانەیا ریال مەدرید ڕازی بكەت و ئۆفەرەكا گران بوها ل سەر ئاستێ‌ جیهانێ‌ پێشكێشی وی بكەت كو دێ‌ بیتە سوپرایزەكا كێم وێنەدا بۆ ڤێنێسیۆسی ئەوا بڕیارە گرێبەستا وی ل هاڤینا بهێت دگەل ڕیالێ‌ ب دووماهی بهێت پشتی هەشت وەرزێن ل دووڤ ئێک.
هەمان رۆژنامەیێ دیاركر ئارسنال یا ڕژدە لێ‌ ڕیال مەدرید ب زەحمەت ڕأزیبیت بتنێ‌ هەكە مەرجێ‌ جەزائی كو دگەهیتە ئێك ملیار دۆلاران بۆ بهێتە دان، بەرپرسێن ئارسنال دخوازن ڤێنێسیۆس ڕازیبیت و هەر گرێبەستەكا بڤێت دێ‌ بۆ دابینكەن.

میدیایێن ئیراقێ‌ نووچەیێ هەبوونا ئۆفەرەكا گران بوها ژ یانەیا زاخۆ بۆ ستێرێ هەلبژارتیێ ئیراقێ‌ ئەیمەن حسێن دیاركرییە سەرباری یانەیا هەولێر ژی ل سەر هێلە.
لدووڤ دەنگۆباسێن بەلاڤبووی كو دەستپێكێ‌ یانەیا هەولێر ئۆفەرا 750 ملیۆن دیناران پێشكێشی ستیرێ‌ هەلبژارتیێ ئیراقێ‌ ئەیمەن حسێن كرییە، لێ‌ ئەوی داخازا زێدەتری ئێك ملیار ژ یانەیا پایتەختی كرییە، ئەڤچەندە بوو ئەگەر یانەیا هەولێر دانۆستاندنێن خوە ب ڕاوەستینیت، لێ‌ ژلایەكێ‌ دووڤە یانەیا زاخۆ هاتییە دناڤا بازارێ‌ ئەیمەن حسێن دا و ئۆفەرەكا ئێك ملیار دینار پێشكێشی وی كرییە.
لدووڤ ژێدەرێن رۆژنامەڤانی یێن ئیراقێ‌ ئەیمەن حسێن هیچ بەرسڤەك نەدایە یانەیا زاخۆ ئەوێ‌ نوكە ل وەلاتێ‌ ئیماراتێ‌ بۆ گەشتەكێ‌، لێ‌ بێدەنگی شكاند و دیاركر ئەو دێ‌ د رۆژێن بهێت دا هەلوەستێ‌ خوە بەرانبەر ڤێ‌ ئۆفەرێ‌ دیار كەت.
بۆ زانین پشتی فدراسیۆنا فوتبۆلا جیهانی فیفا سزایێن بازاركرنا یاریزانان ل سەر هەولێرێ‌ ڕاكری، هەر دوهی دەست ب دانۆستاندنان دگەل كۆمەكا یاریزانان كرییە.

د دیدارەكا رۆژنامەیا بێلید یا ئەلمانی دا كریستۆف فریندا ڕێڤەبەرێ‌ تیما یانەیا بایرن میۆنخ یا ئەلمانی ڕەدكر ئەو دەست ژ هەردو ستێرێن خوە یێ‌ ئەنگلتەرایی هاری كین و یێ‌ فرەنسی میشێل ئۆلیسی بەردەن.
كریستۆفی گۆت: ئەم چاڤەڕێ‌ هاتنا هاری كینی نە ژ بهێنڤەدانا خوە پشتی مۆندیالا جیهانی، ب ڕێیا تلەفۆنێ‌ ئەم دگەل ئاخڤتینە و یێ كەیفخوەشە دگەل یانەیێ و دیاركرییە دڤێ‌ حەفتیێ دا ئەو دێ‌ ڤەگەڕیتە ئەلمانیا بۆن ووكرنا گرێبەستا خوە، هیچ ڕاستیەك نینە بچینە یانەیا هیلال یا سعۆدیێ.
لدۆر یاریزان ئۆلیسێ‌ گۆت: مە ب چو ڕەنگان بابەتێ‌ چوونا ئۆلیسێ‌ گەنگەشە نەكرییە، بەلكۆ چاوانییا بخێرهاتنا وی ژی بكەین، ڕاستە یانەیا ڕیال مەدرید پەیوەندی پێكرییە، لێ‌ ئەم دەست ژێ‌ بەرنادەین، ئەو ژی وەكو هاری كینی یاریزانەكێ‌ كاریگەر و گرنگە بۆ تیما مە.