سالار محەمەد دۆسكی:

3-11

وی دەمی شەر بوو و من گۆتە رێڤەبەرێ‌ ئەمنێ‌ ئەم دو براینە و ئەو  فەرمانبەرە ل بەسرایە و كار دكەت و ئەز ژی بتنێ‌ مە ل ڤێرێ‌ مە و نەچارم بچمە بیستانێ‌ خوە ئاڤ بدەم و ئەڤ گۆتنا بێژم دووماهی یا هەیڤا 10 بوو ل سالا 1986ێ‌ و ئەز گرێدام و هەیڤا 11 و 12 و پشكەكا هەیڤا ئێك ل سالا 1987 مامە ل زیندانێ‌ دا و دەمێ‌ بریم گرێدام ب محجرەكی ڤە و سێ‌ ژوور ل گەل دو ژوورێن تاكە كەسی ل وێرێ‌ بوون، ژوورەكا توتیایی بوو كەسەكێ‌ عەرەب تێدا بوو و بزمانێ‌ عەرەبی تاخفت، و ژوورەكا دی ژی جەعفەر توڤی تێدا بوو و خەلكێ‌ بامەرنێ‌ بوو و هزر دكەم ئەو ژی دژیانێ‌ دا نەمایە، ناڤ تورا ئاسنێ‌ زیندانێ‌ جەعفر گۆتە من پاتێ‌ چاڤێن خوە راكە و نەترسە كەسەك ل ڤێرە نینە و من پاتێ‌ خوە بلندكر و بەرێ‌ خودایێ‌ جەعفەر ل زیندانێ‌ دایە و مامە دوی كاودانی دا و رۆژەكێ‌ ب رۆژ بوو و برم پێزانین ل سەر من وەرگرتن و پرسیار ژ من هاتنەكرن و دەستێن من گرێداینە و چاڤێن من گرێداینە و ئەز یێ‌ شپێرڤە و بەرامبەر مێزێ‌ یێ‌ پرسیارا دكەت و من بن پاتێ‌ چاڤارا سەحكرە وێ‌ كاغەزێ‌ و یا نڤێسی نسرەت بادی چوو بادێ‌ و كومبوون ل گەل فەتەح گولی ئەنجام دایە و مێژوو ل سەر هەیە و بن دا ژی دا مێژوویەكە و گۆتیە نسرەت بادی چوو گوندێ‌ بادێ‌ و كومبوون ل گەل فەریق فاروق بەرواری ئەنجام دایە و دەرچوویێ‌ زانكویێ‌ مە و بزمانێ‌ عەرەبی یێ‌ باشم و دەمێ‌ گۆتی چوویە ئانكو ئەو كەسێ‌ ناڤێ‌ من دایە ئەمنێ‌ یێ‌ ل سەر جادێ‌ و دەمێ‌ ئەز ب ترۆمبێلێ‌ ژ دهۆكێ‌ چمە زاویتە و ل سەر جادێ‌ دهێمە خوارێ‌ و ب پیا چمە بادێ‌ ئانكو ئەو كەسێ‌ ئەڤ پێزانینە گەهاندینە ئەمنێ‌ ل سەر جادێ‌ یە و پێشتر من هزر كر ئەو كەسێ‌ ئەڤ پێزانینە گەهاندینە ئەمنێ‌ یێ‌ دناڤ پێشمەرگەی دا و دەمێ‌ من ئەڤ پەیڤە دیتە ئێكسەر من زانی ئەو كەسێ‌ ل سەر جادێ‌ ئەز دیتیم كی یە، مورالا من بلند بوو و من گۆت وەكی گوندوری من سپیكر و من زانی ئەو كەس كیە ئێكسەر هاتە هزرا من، من گۆت ئاخفتنا خوە ناگوهورم ئەز و بیستان و چ دی نینە و ئەگەر خوە من بكوژن ئەز ئاخفتنا خوە ناگوهورم، ب شەڤ برمە ڤەكولینێ‌ و چاڤێن من گرێداینە و دەستێ من گرێدایی بوون ل سنگی و ئێكسەر ڤەكرن و ل پشت من گرێدان، ئەفسەركی گازیكەر ئێك ژوان و گۆت كانێ‌ ئامیرێ‌ درەوا دیار دكەت و بەحسێ‌ ئامیرێ‌ كارەبێ‌ بوو و پێڤە گرێدام ب دو وائیران و ئەزسەر چوكا بووم و دو ئەفسەر بوو و دو كەسێن دی و من زانی ئێك ژوان محەمەد سالحێ‌ بابوخكی بوو وئەمن بوو و هەر پرسیارا ژ من دهێتەكرن و ئەز بەرسڤێ‌ دەم یێ‌ ئێكسەر كارەبێ‌ دەتە لەشێ‌ من  و دەستێن من ژ پێش ڤە دگرێدایی و سەرێ‌ مرۆڤی لەق لەقیت و ددانێن مرۆڤی دبیتە گڕ گڕا وان و دەڤێ‌ من تژی خوین بوو و هندەك جاران دا كەڤمە سەر تەنشتێ‌ ئێك دا من راكەتە ڤە و دا بێژیت گەلناسكێ‌ چەندا دویرە ژ دهۆكێ‌؟ من گۆتێ‌ من گەلناسكێ‌ نەدیتی یە و هەر ما ب من ڤە و گۆت ب بۆچوونا تە چەند ژئێك دوورن و من گۆتێ‌ من نەدیتی یە گەلناسكێ‌ و نوزانم چەندا دویرە هەتا بشێم بووتە بێژم و من گۆتێ‌ بتنێ‌ دناڤبەرا گوندێ‌ بادێ‌ و دهۆكێ‌ دزانم چونكە بتنێ‌ ئەز وێرێ‌ هاتن و چوونێ‌ دكەم و گەلەك پرسیارێن بڤی رەنگی ژمن كرن و گەلەك مانە ب من ڤە و نێزیكی دەمژمێرەكێ‌ ب كارەبی ئێشاندم و دووڤ دا گۆت تە عملیاتەكا لەشی كریە من گۆتێ‌ نەخێر و گۆت عەردەكێ‌ تە یێ‌ شكەستی یە من گۆتێ‌ نەخێر و ئێكسەر گۆت بكەنە دڤێ‌ ژوور ڤە و دەستێن من پشتێ‌ ڤە گرێداینە و ژ پێرڤە ب دەستان ڤە هەلاویستم و هەر و پێن من مانە ل هەوا و نەعالەك پێ‌ من كەفت و ئێك ما ل پێ‌ من و هەر ژ ئەوان پرسیارا گۆت تە چ تشتێ‌ كەسوكی ل گەل كەسەكێ‌ نینە؟ ومن ژی بەحسێ‌ بنەمال و مالا خوە كر و من گۆتێ‌ هندەك ئاریشە بنەمالا مە ل گەل گوندێن جیران هەنە و گۆتە ڤە تە بخوە تایبەت كێشەك ل گەل كەسەكی هەیە؟؟ و گەلەك هاتیمە قوتان و نیف روح بوویمە و بێ هێز بوویمە و ئەوێ‌ كلامچا پشتێ‌ ژی ڤە دناڤ دەستێ‌ من دا چوویە و دەستێ من داخكرینە و من ژی ئەو ناڤ گۆت ئەوێ‌ من زانی نوكە ژی وی ناڤی نابێژم و گۆت ناڤێ‌ بابێ‌ وی چیە؟ من ناڤ سێ‌ قولی گۆت و بەرێ‌ چ بوو و نوكە چیە و بێ‌ دەنگ بوون و ئەو گورگێن هار تو بێژی ئاڤەك ب ئاگری دا كر و ئەز هەرێ‌ هەلاویستی مە و ئەو ب دەستان ل گەل ئێك و دو ئاخفتن و دووڤ دا ئەفسەرەكی گۆت ئەو نینە و هزر دكەم ناڤێ‌ وی ئەفسەری ئیبراهیم بوو گۆت ئەو نینە ئەوێ‌ تو هزر دكەی و دووڤ دا ئەوان هەر دوكان هەر ئێكێ‌ مللەكێ‌ من گرت و ئەز دانام و بەرەف جهێ‌ من نێزیك چەند مەتران برم و پێن من نەعالەكا تێدا و پێ‌ دی یێ‌ بێ‌ نەعالە و من دیت كەسەكی پێ‌ من گرت و كتا دی ژی كرە پێ من و برمە جهێ‌ من و كلامچا من ژ پشتێ‌ ڤەكر و ئینا سنگی و نێزیكی دەمژمێر سێی شەڤێ‌ بوو و نوزانم چەندی شەڤێ‌ یە و بتنێ‌ زانم پشتی قەناتێ‌ ئیراقێ‌ ب دووماهی دهات و موزیكا نشتیمانی یا ئیراقێ‌ دهاتە لێدان دووڤدا دەست ب ئەشكەنجەدانێ‌ دهاتەكرن و ئەژی بەرامبەر قیبلێ‌ راوستیام و من دو رعات سونەتكرن و من هەوارێن خوە گەهاندنە خودێ‌ و ئەزێ‌ ل سەر نڤێژێ‌ و من دیت ئەو ئەفسەرێ‌ ڤەكولین ل گەل من كرین جارەكا دی هاتە ڤە و پشت من را چوو بوری و دەینەكرە من، وی دەمی بریار ئەو بوو هەر مەفرەزەكا ئەمنێ‌ چووبا گوندەكی دڤێت موختار رۆژا پاشتر بچیتە ئەمنێ‌ بێژیتە ئەەمنێ‌ فلان مەفرەزە هاتبوو گوندێ‌ مە و دیڤچوونەكا هویر كر و چوونە دەف موختاری و ئەو مێژوویێن وا ل گەل موختاری ئاخفتن و دیار بوو چ مەفرەزە نە چوو بوون و چوونە فەرمانگەها تاپوویێ‌ كا ژ راستا مە بیستان هەتان هەنە؟؟ و گەلەك جهیێن دی ژی چوون و رێكخستی و كەسانێن نێزیكی خوە و دیفچوونەكا هویر ل سەر من هاتەكرن.