سالار محەمەد دۆسكی:

2-7

حەسەن حەسەن، پێشمەرگەیێ‌ شۆرەشا گولانا پێشكفتن خواز ئەو ژی گۆت: ل سالا 1983 چەكێ‌ شەرەفێ‌ هەلگرتیە بوویمە پێشمەرگێ‌ شورەشا گولانا پێشكەفتن خواز و هەتا نوكە ل سەر وێ‌ خەبات و رێبازا پیرۆزێ یێ‌ بەردەوام.
هێشتا گۆت: ل گرێ‌ ئاكرێ‌ حوكمەتا بەعس ئامیرەك دانا بوو دا ببیتە رێگر ل گەهاندنا دەنگ و باسێن شورەشێ‌ دا و ئێزگێ‌ دەنگێ‌ كوردستانێ‌ نەگەهیتە خەلكی و تەشویش بكەڤیتە سەر و چادر ل ڤی گری هاتبوونەدانان و زێرەڤان ل بەر ئەوی ئامیرەی بوون و من هاڤێتێ‌.
هەمان پێشمەرگەیێ‌ شۆرەشا گولانێ‌ ئەو ژی گۆت: بەری سەرهلدانا پیرۆز شانامە یا رێکخستنێ ئەم ئاشكەرا بووین و برایێ‌ من رزگار هاتە دەستەسەركرن ژلایێ‌ حزبا بەعس ڤە و هاتە رەوانەكرن بۆ ئەمنا بەعسیا ماوەكی بەرزەبوو و مە چ دەنگ و باسێن وی نەزانینن و ب هاریكاریا مرۆڤەكێ‌ مە كو گەلەك هاتن و چوونا ئاغا دكر و ئەو مرۆڤێ‌ مە بناڤێ‌ (عبدالرحمان) بوو وب هاریکاریا ئاغایەكێ‌ زێباریا ئازادکرن وی مرۆڤێ‌ مە گۆتێ‌ ئەف كەسە مرۆڤەكێ‌ هەژارە و كاسبە و خودان زاروكە و نەگۆتێ‌ پێشمەرگەیە و دەمێ‌ ناڤ و پێزانین ل سەر برایێ‌ من داینە ڤێ‌ و سوزدان ل كیڤە بیت بهێتە ئازادكرن و سوپاس بۆ خودێ‌ برایێ‌ من هاتە ئازادكرن و برایێ‌ من دو سال و شەش هەیڤان هاتبوو بەرزەكرن و هەر مە چ ژێ‌ نەزانی و مە نەزانی هەر ل كیڤە یە و دەنگ و باسێن وی نەبوون و مە كەسەك ژی نەبوو پرسیارێ‌ ژێ‌ بكەین یان دووف را بچین و ئەڤە هەمی نەبوو دووڤ دا سوپاس بۆ خودێ‌ و ئەوێ‌ مرۆڤێ‌ مە ب هاریکاریا ئاغای هاتە ئازادكرن.
هەمان پێشمەرگێ‌ شۆرەشا گولانا پێشكەفتن خواز ئەو ژی گۆت: ل سالا 1978 چوومە ئیرانێ‌ و ئەنفالێن رەش ل سالا 1988ێ‌ دەست پێكرن وی دەمی ل گەل (رەمزی ئەتریشی) بووم و هاتینە ئاگەهداركرن كو ل ئەنفالان گوند هاتینە خرابكرن و خەلك گەلەك هاتیەگرتن و دەربەدەربووینە سەر سنوران و دووف دا ئەم هاتینە (سێدەرا) وی دەمی (عادل مزیری) ل وێرێ‌ بوو و دیسا (ئەمین گەڤەركی) ل وێرێ‌ بوو وی دەمی حوكمەتا بەعس وەكی گورگی هار ب بوو و گەلەك ژ خەلكی دەستەسەركربوون و گەلەك رەڤی بوون و گەلەك ژی چووبوونە خوارێ‌ و ل كەلها نزاركێ‌ هاتبوونە ئاكنجی كرن و ئەنفال رۆژەكا گەلەك نەخوش و رەش بوو بۆ مللەتێ‌ مە و ژن و زەلام ژێك هاتبوونە جوداكرن ژن و زارۆك برسی و تهێنی ل كەلها نزاركێ‌ هاتنە ڤەحواندن و گەلەك ئیهانا وا هاتەكرن و ئەو رۆژ بچن و نەهێنە ڤە، سەر مللەتێ‌ كورد دا ب راستی گەلەك دنەخۆش بوون، ئەم نەچاربووین هاتینە دەڤەرا ئاكرێ‌ و مە خوە ڤەشارت هەتا بوویە سالا 1990ێ‌ وی دەمی دكتور (سەباح ئاكرەیی) دكتورێ‌ نەخوشخانا لەشكەری بوو ل باژێرێ‌ مویسل وی پەیوەندی ل گەل برایێ‌ منێ‌ خودێ‌ ژێ‌ رازی (بەردخان)ی هەبوون و ئەو پەیوەندی بۆ سالا 1988ێ‌ ڤەدگەرن و دكتور سەباحی گۆت بوو برایێ‌ من تو مرۆڤەكێ‌ داخازكەری ل دەف رژێما بەعس و حوكمەتێ‌ بەلێ‌ ئەم حەز دكەین بهێیە كەلەكا یاسین یاغای و ئەگەر نەهێی ژی بوومە نوونەرەكێ‌ خوە فرێكە دەڤەرێ‌ و گەلەك كەسایەتی هاتینە ئاگەهداركرن كو بهێنە دەڤەرێ‌ و دێ‌ مە پرۆگرامەك هەبیت و حوكمەت لاواز بوویە و نەشێت كونترۆلا دەڤەرێ‌ بكەت و بلا مە بەرنامە هەبیت ئەم زەربەكی ل حوكمەتێ‌ بدەین و ئەف كارە بەری سەرهلدانێ‌ بوو و دناڤبەرا 1988 هەتا 1989 و هەر ناف بەیانا دو حەفتیان جارەكێ‌ ئەف كارە دهاتەكرن و پوستە دناڤبەرا برایێ‌ من (بەدرخانی و دكتور سەباحی) دا بەردەوام هەبوون و ئەڤێ ڤەكێشا هەتا بوویە سالا 1990 وی دەمی بۆچوونا ئێك و دو وەرگرت و گۆتن حوكمەتا بەعس چووینە د وەلاتێ كوێتێ‌ دا و ئەم دێ‌ ژ هەر ئالیەكی ڤە هێرشی بارەگایێن حزبا بەعس كەین چونكە مە هەر ژ ئالیەكی ڤە هێزەكا باش هەیە و دیسا چەكەكێ‌ باش د دەستێ‌ مە دایە و باشترین دەلیڤە یە دەڤەرێن خوە ئازاد بكەین و هەمان دەم لەشكرێ‌ حوكمەتا بەعس گەلەك لاواز ب بوو و برسی بوون و ژ ناف چوو بوو و مورالا وان گەلەك یا لاواز بوویە، بەرامبەر مورالا پێشمەرگەی گەلەك یا بلند بوو و پێشبینی دهاتەکرن دێ‌ تشتەكێ‌ نووی ل دەڤەرێ‌ پەیدا بیت و ئەم گەهشتینە سالا 1991ێ‌ و ل رێکەفتی 7/3/1991 و رۆژانێن دووڤ دا هەر شەف دا هێزەكا باش یا مە هێتـە دناڤ باژێرێ‌ ئاكرێ دا‌ بۆ بەر دەرگەهێ‌ قشلێ‌ یان ئەمنا ئاكرێ‌ دا (بەردخان) بێژیت: راوستن هێشتا چ رێنمایێن هێرشێ‌ بوومە نەهاتینە و چ لڤینا نەكەن و دڤێت رێنما بگەهنە مە و بیرا من دهێت و پێشمەرگە گەلەك ساخن و شاهدن و گەلەك جاران مە دەرگەهێ‌ قشلێ‌ ب شەف قوتایە و كەسەك نەدوێریا بهێت دەرگەهی ڤەكەت و شەڤا سەرهلدانێ‌ مە درەنگی شەف دەرگەهـ قوتا و كەسەكێ‌ ڤەنەکر و هەتا بوویە رۆژ دەرگەهـ هاتەڤەكرن و گۆتن.