زاخۆ، دلۆڤان هالۆ:
ڕاهێنەرەكا نێڤدەولەتی یا گەشەپێدانا مرۆڤی د دیدارەکێ دا بۆ ڕۆژنامەیا ئەڤرۆ دیار کر کوهزرکرنا زێدە و بەردەوامبوونا دوودلیێ ل سەر ئاریشەیان بێی گەهشتن ب چو چارەسەریان، بارێ مروڤی یێ دەروونی ئاڵۆزتر لێدکەت و فشار و دوودلیێ زێدە دکەت.
ئەڤین عەبدولڕەحمان، ڕاهێنەرا گەشەپێدانا مرۆڤی، دیار کر کو هزرکرنا زێدە بۆ چەندین ئەگەران ڤەدگەڕیت ژ وان ژی، فشارێن بەردەوام، دوودلی و ترسا ژ شاشی و شکەستنان و کێمبوونا باوەری بخۆبوونێ و گۆت؛ هەروەسا سەربۆرێن نەرێنی و نەخۆش د ڕابردووی دا کو بەردەوام دهێنە بەرچاڤێن مرۆڤی و ئەڤ چەندە ژی دبیتە ئەگەرێ هزرکرنا زێدە و بەردەوام.
ئەڤینێ دیار کر ژی، چارەسەریا هزرکرنا زێدە ئەوە دڤێت مرۆڤ دژایەتیا هزرێن نەرێنی بکەت و سەرنجا خۆ دانیتە سەر کریارێن بچووك یێن ڕۆژانە و گۆت؛ دڤێت مرۆڤ هزرا هندێ نەکەت کا خەلك دەربارەی مرۆڤی چ هزر دکەن، هەروەسا هەناسەدانا کوور و ڕێڤە چوون”.
ئەڤینێ د بەردەوامیا ئاخفتنێن خۆدا گۆت؛ دڤێت مرۆڤ سنۆرەکێ بۆ دوو دلیا خۆ دانیت، وەکو پێدڤی بنڤیت، هەروەسا ڕۆتینێ ژ ژیانا خۆ کێم بکەت و بۆ هەموو ڕۆژان دڤێت مرۆڤی پلانا خۆ هەبیت.
نيشاندان