سندس سالح سلێڤانه‌یی:

تیپا شۆڕه‌شڤان یا شانۆیێ ل دهۆكێ، شانۆگه‌ریا (مافیا وه‌لاتێ ڕه‌ش) كو ژ نڤیسینا (هلكه‌ت ئدریس عابد) و ژ ئاماده‌كرن و ده‌رهێنانا (حه‌مرین جه‌میل) ه‌، ل رۆژا 5/16/ 2026 ل هۆلا محه‌مه‌د عارفێ جزیری نیشادا و ده‌رهێنه‌رێ وێ شانۆگه‌ریێ ژی دیاركر كو وان چه‌ند په‌یامه‌ك د وێ شانۆگه‌ریێ دا هه‌بوون هیڤیا وان ئه‌وه‌ ئه‌و شیابن گه‌هاندبن و داخواز ژ حه‌زژێكه‌رێن شانۆیێ كر ئه‌وێن ئه‌ڤ شانۆگه‌رییه‌ نه‌ دیتین، ئه‌ڤرۆ رۆژا دووشەمبی 18/5/2026 ل ده‌مژمێر 5:00 ئێڤاری بهێنه‌ هۆلا محه‌مه‌د عارفێ جزیری بۆ دیتنا ڤێ شانۆگه‌ریێ.

حه‌مرین جه‌میل، ده‌رهێنه‌رێ وێ شانۆگه‌ریێ بۆ به‌رپه‌رێ هونه‌ری یێ رۆژنامه‌یا ئه‌ڤرۆ گۆت: هه‌لبه‌ت چه‌ند ئه‌كته‌ره‌ك دڤێ شانۆگه‌ریێ دا د پشكدارن و بۆ ده‌مێ چه‌ند هه‌یڤانه‌ مه‌ كار ل سه‌ر دكر و چه‌ند په‌یامه‌ك مه‌ هه‌بوون مه‌ دڤیا بگه‌هنه‌ بینه‌ران، ب تایبه‌ت ژی ته‌خا گه‌نجان و سوپاسیا هه‌موو ئه‌كته‌رێن پشكداردكه‌م كو د ماوێ پرۆڤه‌یان دا ب گیانه‌كێ هونه‌ری و برایانه‌ ل گه‌ل مه‌ كاردكرن و هه‌موو ژی ماندیبوون، لێ شێوازێ هه‌ر كاره‌كێ سه‌ركه‌فتی ل ده‌ستپێكێ دێ ماندیبوونه‌ك هه‌بیت، لێ پشتی ئه‌و كار دهێته‌ به‌رهه‌می و یێ سه‌ركه‌فتی بیت ماندیبوون ژبیرا مرۆڤی دچیت، له‌ورا هیڤیا من ئه‌وه‌ ئه‌م هه‌موو دڤێ شانۆگه‌ریێ دا دسه‌ركه‌فتی و ماندیبوونا مه‌ ژبیرا مه‌ بچیت.
سیروان گۆیی، ئه‌كته‌ره‌كێ پشكدارێ وێ شانۆگه‌ریێ یه‌، ئه‌و ژی بۆ به‌رپه‌رێ هونه‌ری یێ رۆژنامه‌یا ئه‌ڤرۆ دبێژیت: ئه‌ز گه‌له‌كێ كه‌یفخۆشم كو من پشكداری دڤێ شانۆگه‌ریێ دا كری و هیڤیا من ئه‌وه‌ ئه‌ز شیابم ب رۆلێ خۆ ڕاببم و په‌یاما من گه‌هشتبیته‌ بینه‌ران و تشتێ ئه‌ز زێده‌تر دلخۆشكریم دڤێ شانۆگه‌ریێ دا ئه‌و بوو، كو به‌ری دو رۆژان پلێتێن هاتنا ژۆرا هولێ ل بازاڕی نه‌ مابوون و هه‌موو هاتبوونه‌ فرۆتن، هه‌روه‌سا هه‌ر ژ رۆژا ئێكێ هۆل پڕی مرۆڤ ببوون و ئه‌ڤه‌ نیشانا وێ چه‌ندێ یه‌ كو هێشتا ل باژێرێ مه‌ حه‌زژێكه‌رێن شانۆیێ یێن هه‌ین و هه‌كه‌ شانۆگه‌ریێن باش هه‌بن د به‌رهه‌ڤبن بچنه‌ پێش و هیڤیا به‌رده‌وامبوونێ بۆ ڤان ره‌نگه‌ شانۆگه‌رییان دكه‌م.
زۆزان خدر، ئه‌كته‌ره‌كا دی یا وێ شانۆگه‌ریێی یه‌، ئه‌و ژی بۆ به‌رپه‌رێ هونه‌ری یێ رۆژنامه‌یا ئه‌ڤرۆ دبێژیت: پشكداریا من دڤێ شانۆگه‌ریێ دا هه‌تا ڕاده‌یه‌كی بۆ من یا ب زه‌حمه‌ت بوو، چنكو بۆ جارا ئێكێ یه‌ وه‌ك ئه‌كته‌ر پشكداریێ د شانۆگه‌ریێ دا دكه‌م، ڕاسته‌ به‌ری نوكه‌ من پشكداری د هژماره‌كا فلم و درامایان دا كریه‌، لێ هه‌كه‌ ل ده‌مێ وێنه‌كرنێ شاشیه‌ك هه‌با دا ئه‌و دیمه‌ن هێته‌ دوباره‌كرن، لێ ل سه‌ر ده‌پێ شانۆیێ دڤێت ئه‌كته‌ر گه‌له‌كێ زیره‌ك و شاره‌زا بیت دا ل سه‌ر ده‌پێ شانۆیێ و ل پێش چاڤێت بینه‌ران تووشی چو شاشیان نه‌بیت، چونکۆ ل وی ده‌می ڕاستڤه‌كرن نینه‌، یان هه‌كه‌ هه‌بیت ژی دێ گه‌له‌كا ب زه‌حمه‌ت بیت، لێ ژ به‌ر كو ئه‌ز كه‌سه‌كا ئه‌كادیمی مه‌ و ستافێ شانۆگه‌ریێ هه‌موو دگه‌ل من د هاریكاربوون من هه‌ست ب چو تشته‌نان نه‌كر و شیایم رۆلێ خەە بگێڕم و راسته‌ دبێژن شانۆ یا ب ساناهی نینه‌ و ڕاوه‌ستیان ل سه‌ر ده‌پێ شانۆیێ و ل به‌رامبه‌ر بینه‌ران كاره‌كێ ب زه‌حمه‌ته‌، لێ ب هاریكاریا ستافی و دلسۆزیا ئه‌كته‌ران بۆ كاری ئه‌و كار ب ساناهیتر لێ دهێت.
عه‌گید یونس، ژی وه‌كو گه‌نجه‌ك ل پێش وێ شانۆگه‌ریێ بوو، وی ژی بۆ به‌رپه‌رێ هونه‌ری یێ رۆژنامه‌یا ئه‌ڤرۆ گۆت: وه‌ك حه‌زژێكه‌ره‌كێ شانۆیێ ئه‌ز به‌رده‌وام دچمه‌ پێش هه‌موو شانۆگه‌ریان و ئه‌ڤ شانۆگه‌ریا ئه‌ڤرۆ من دیتی گه‌له‌كا بهێز بوو، بۆ من دیاربوو كو نڤیسه‌ر و ده‌رهێنه‌ر و ئه‌كته‌رێن ڤێ شانۆگه‌ریێ گه‌له‌ك ژدل یێن كاركرین، هه‌تا یێن وه‌ستیاین هه‌تا شیان شانۆگه‌ریه‌كا لڤی ئاستی پێشكێش بكه‌ن، له‌ورا ژدل پیرۆزباهیێ ل وان هه‌موویان دكه‌م و بو من دیاربوو كو هه‌كه‌ هاریكاری هه‌بیت شانۆگه‌ریێن باش دێ هێنه‌ نیشادان و داخوزا سه‌ركه‌فتن و پێشڤه‌چوونێ بۆ تیپا شۆڕه‌شڤان و هه‌موو تیپ و گرۆپێن هونه‌ری ل دهۆكێ دكه‌م و داخوازێ ژ جهێن په‌یوه‌ندیدار دكه‌م پتریا پشته‌ڤانیا مادی و مه‌عنه‌وی ل ڤان جۆره‌ بزاڤان بكه‌ن، دا بزاڤا شانۆیێ ل باژێرێ مه‌ پتر به‌ر ب پێشڤه‌ بچیت.

هەرهین محەمەد:

دەرهێنەر ئاری مستەفا دیدارەکێ دا بۆ بەرپەڕێ هونەری یێ ڕۆژنامەیا ئەڤرۆ گۆت: ئەڤە ٣٠ سالە ئەز ڤی کاری دکەم د ناڤ ڤان ٣٠ سالان دا گەلەک هونەرمەند هاتن و چوون و من ل گەل کارکر، بەلێ من کەسەک وەکو هونەرمەند حەسەن شەریف نەدیتیە کو رێزێ ل مرۆڤی بگریت و ئەو یێ وەسایە چو جارا نەخوشی بۆ هەڤالێن خوە نەڤێت و گەلەک جارا نەخوشی گەهاندیە خوە سەرخاترا من و هەڤالێن دگەل مەدا دا دکەیفخوەشبن ڤێجا ئەڤ تشتێ ب ڤی رەنگی من لنک کەسێ نەدیتیە، بەری سالەکێ هونەرمەندەکێ بەرنیاس هاتە دەف من و مەشەپەک ئینا ژ حەفت دسترانان پێکهاتبوو من سێ ستران بۆ هەلبژارتن و من بۆ و ئارەنجور و مۆزیک ئامادەکر و هاتە ستودیۆیێ دەنگێ خوە تۆمارکر و ل دووماهیێ گۆت من دڤیت ل دهۆکێ میکس و ماسترینگێ بوو چێکەم و من پرۆژە بوو هنارتنە نک وی کەسێ وی گۆتی و من گۆتێ هەر شاشیەکا هەبیت بۆ من بێژە دێ جارەکا دی راستڤەکەم و پشتی ستران بەلاڤ بووی و هەموو تشت گوهارتینە و ناڤێ من ل سەر راکریە و ئەو هەڤالێن نک من ئامادەبووین هەمیان دگۆت ستایلێ تە بۆ ئەوێ کلیپێ دانای خوشتر بوو ژ یا نوکە ل سەر بۆ هاتیە دانان
ناڤهاتی ئەوچەندەژی گۆت: من ل گەل گەلەک هونەرمەندان کارکریە،بەلێ گەلەک حەزدکەم دگەل حەسەن شەریفی کارکەم،چونکو کەسەکە ڕێزێ ل من و کارێ من دگریت و ئەوی بخۆژی گەلەک کەیف بکاروهزرێن من دهێن و چوو جاران نابێژتە من فلان جهـ نەیێ باشە دبێژیت هکە تو وەسا چێکەی خۆشتر نابیت و دبینم ب دیتنێت وی ستران خۆشترلێدهێت و ئەوی بخوژی شارەزایەکاباش دستران گۆتن و تەکینکێ دا یا هەی و هندەک سترانبێژ هەنە گەلەک مایێ خۆ دکاری دادکەن و سترانێ دئین و دبەن و ل دووماهیێ ستران خراب دبیت و ل دووماهیێ دبێژیت ستران نەخوش بوو دبێژمێ برا تە مایێ خۆ گەلەک تێکر زێدەتر گۆت: ئەو هونەرمەندێن دهێنە نک من یێن ئەز بوو کارەکی بکەم دڤێت ژ ژێریا چێکری دوور بیت و راستە ژێریا چێکری کارەکێ جوان دکەت، بەلێ هەموو هونەرمەند حەز ژێ ناکەن، چونکۆ هندەک هەنە ڕۆژێ سێ چار کلیپا ب ژێریا چێکری دروستکەن و ژێریا چێکری گەلەک کارتێکرن ل کارێ من نەکریە و گەلەک ستران هاتینە چێکرن و دبینم ب ڤی رەنگی چ بها نەمایە و نەگەهشتیە هندێ تراکان ب ژێریا چێکری مرۆڤ بینتە خار چونکۆ نەدروست و دپاقژن و ئەم دشین بۆ هندەک کارێ خوە ژێریا چێکری بکاربینین و کار پێ جوان دبیت.
ئاری گۆتژی: ل سالا ٢٠١٢ ئەلبووما هونەرمەند حەسەن شەریف (چەند ئێڤارو شەڤێن تاری من بوراندن تونەهاتی) ئەو ئەلبوومە من هەموو ئەرنجە کربوو هونەرمەندێ ناڤهاتی دو سێ شەڤان لنک من ما و مە هەموو ب ئورگئ چێکر رۆژا پاشتر ل ستودیویێ مە تۆمارکر کا دێ چەوا ستران هێتە گۆتن و حەسەنی سیدی بر و چوو نک یەشاری ل ئەدەنا ئەوی ئەرنجا من بکار ئینا مۆزیکا خوە هاڤێتە سەر و ل چوو جهان ناڤێ من ل سەر ئەلبوومێ نەنڤیسی بوو پشتی ئەلبووم بەلاڤ بووی حەسەن گەلەک سەرسورمان و عاجز بوو ب وێ چەندێ یا وان کری و ئەز ب ئەوێ ئەلبوومێ گەلەک ماندی ببووم و ئەو چەندە ژی نە خەتایێن حەسەنی بوون خەلەتیا وان کەسا بوو یێن وەکرین و گەلەک تشتێن دی وەسا چێبووینە و مافێ من هاتیە خوارن، ئەلبووما سالا ٢٠٠٩ یا حەسەن شەریفی هەموو من ئارەنجە کریە و هەردیسان هەر سترانەکا سیاسی چێکربیت یێن شەڕێ تیرورستێن داعش هەموو ژ کارێ من بوویە.