زنار تۆڤی
سترانبێژ (باران حەكیمی) نووترین سترانا خۆ ب ناڤێ (دل) ب شێوازێ ڤیدیۆ كلیپ بەلاڤكر، هەلبەست و ئاوازا ڤێ سترانێ ئێكە ژ كارێن هونەرمەند سامان عومەری، كارێ مۆزیكێ ژلایێ منڤە هاتیە بەرهەڤكرن، كارێ رێكخستنا بەرهەمی كازم مورادی بۆ كرییە، میكس و ماسترینگ ژی ژلایێ عەلی ئەحمەدی ڤە هاتیە كرن، هەروەسا حەداد سدیقی كارێ دەرهێنانا ڤیدیۆ كلیپێ كرییە و ب شێوازەكێ جوان و گونجایی دگەل هەستێ سترانێ.
هەروەسا گۆت: سترانا دل، بەرهەمەك هەستیار و ئارامە كو ژ روویێ هەست و ناڤەرۆكێ ڤە نێزیكی دلێ گۆهداری دبیت، شێوازێ سترانێ تێكەلەكە ژ سۆز و خەیال و هەست حەزژێكرنێ، ب ئاوازەكا نەرم بزاڤێ دكەت هەستێن ناڤخۆ یێن مرۆڤی ڤەگۆهێزیت، د ڤیدیۆ كلیپێ دا من بزاڤ كریە ب رێیا وێنە، رەنگ و دیمەنێن تێدا، هەمان هەستێ ئارام و سۆزداری یێ سترانێ بگەهینمە بینەران، لەوما بەرهەم پتر پشتبەستنێ ل سەر هەست و سادەیێ دكەت و دشێت كارتێكرنەكا جوان ل سەر حەزژێكەرین سترانێ بجهـ بهێلیت، هیڤیدارم ب دلێ هەموو حەژێكەرێن سترانێن من بیت و تامێ ژێ وەربگرن.
ناڤهاتی، ل سالا 1987 ێ ل باژێرێ سنە ل رۆژهەلاتێ كوردستانێ ژ دایكبوویە و ئەڤە دەمێ 18 سالانە سترانان دبێژیت و خۆدانا 12 بەرهەمێن تۆماركریە.
نيشاندان