زاخۆ، دلۆڤان هالۆ:

كوێستان محەمەد، وەزیرا كار و كاروبارێن جڤاكی ل حكومەتا هەرێما كوردستانێ‌ د كۆنگرەیەكێ ڕۆژنامەڤانی دا دیاركر كو وان دوهی 13/10/2025 ڕێڤەبەریا دەستەبەركرنا جڤاكی ل ئیدارەیا سەربخوە یا زاخۆ ڤەكر و دبێژیت: ئەڤە دەستكەفتەكێ‌ دی یێ‌ وەزارەتا كار و كاروبارێن جڤاكی یە.
وەزیرا كار و كاروبارێن جڤاكی ئاماژە ب وێ چەندێ ژی كر كو ڤەكرنا ڤێ ڕێڤەبەریێ ل ئیدارا سەربخوە یا زاخۆ، كارئاسانیەكا مەزنە بۆ خودان كار و كرێكاران، چونكی پێشتر پێدڤی بوو خودان كار بچنە دهۆكێ دەستەبەریا كرێكارێن خوە بكەن، لێ نوكە ب ساناهی دشێن ل زاخۆ هەمی خودان كار دەستەبەریا كرێكارێن خوە بكەن.
كوێستان خانێ‌ گۆت: «ئەم سوپاسیا ئیدارا سەربخوە یا زاخۆ دكەین، ژ بۆ هەڤكاریا وان ل گەل مە، هەر دیسا ژ بۆ دابینكرنا پشكەكا كەلوپەلێن پێدڤیێن ڤێ ڕێڤەبەریێ».

دهۆك، لەزگین جۆقی:

مەسرور بارزانی، سەرۆكێ حكوومەتا هەرێما كوردستانێ بەری جەژنا جەمایێ پڕۆژەیێ جۆتسایدێ شێخان بۆ لالشێ‌ ڤەكر، ئەڤ پڕۆژە ب درێژاهیا 9 كیلۆمەتران و فراهیا 25 مەتران و ب گوژمێ پتر ژ 26 ملیار دیناران هاتیە چێكرن.
سعود مستۆ، رێڤەبەرێ گشتیێ كاروبارێن ئێزدیان بۆ رۆژناما ئەڤرۆ خویا كر، ئێك ژ پڕۆژەیێن هەرە مەزن ل پەرستگەها لالشێ‌ ژ لایێ مەسرور بارزانی، سەرۆكێ حكومەتا هەرێما كوردستانێ ڤە بۆ ئێزدیان هاتیە پێشكێشكرن، چێكرنا جۆتسایدێ شێخان بۆ لالشێ‌ یە و گۆت: «ئەڤ پڕۆژە جهێ دلخوشیا هەمی ئێزدیان بوویە و رێكا لالشێ‌ گەلەك یا خوش بووی».
لوقمان سلێمان، بەرپرسێ ڕاگەهاندنا پەرسگەها لالشێ‌ بۆ ئەڤرۆ گۆت: «بەری نوكە ل جەژنا جەمایێ پێنج دەمژمێران ژ شێخان هەتا زیارەتكار دگەهشتنە لالشێ، نوكە ئەڤە هەمی نەمایە و خەلكێ مە بێ ئاریشە گەلەك زوو دگەهنە لالشێ‌«.
لوقمان گۆتژی: «سەرۆكێ حكومەتا هەرێما كوردستانێ كارەكێ گەلەكێ‌ پیرۆز بۆ پەرسگەها لالشێ‌ ئەنجامدایە و زیارەتكار د چەند خولەكان دا دگەهنە لالشێ‌«.

ئامێدیێ، مەحمود نهێلی:

كوێستان محەمەد، وەزیرا كار و كاروبارێن جڤاكی ل حكومەتا هەرێما كوردستانێ‌ د كۆنگرەیەكێ ڕۆژنامەڤانی دا دیاركر كو وان دوهی 13/10/2025 ڕێڤەبەریا دەستەبەركرنا جڤاكی ل ئیدارەیا سەربخوە یا زاخۆ ڤەكر و دبێژیت: ئەڤە دەستكەفتەكێ‌ دی یێ‌ وەزارەتا كار و كاروبارێن جڤاكی یە.
وەزیرا كار و كاروبارێن جڤاكی ئاماژە ب وێ چەندێ ژی كر كو ڤەكرنا ڤێ ڕێڤەبەریێ ل ئیدارا سەربخوە یا زاخۆ، كارئاسانیەكا مەزنە بۆ خودان كار و كرێكاران، چونكی پێشتر پێدڤی بوو خودان كار بچنە دهۆكێ دەستەبەریا كرێكارێن خوە بكەن، لێ نوكە ب ساناهی دشێن ل زاخۆ هەمی خودان كار دەستەبەریا كرێكارێن خوە بكەن.
كوێستان خانێ‌ گۆت: «ئەم سوپاسیا ئیدارا سەربخوە یا زاخۆ دكەین، ژ بۆ هەڤكاریا وان ل گەل مە، هەر دیسا ژ بۆ دابینكرنا پشكەكا كەلوپەلێن پێدڤیێن ڤێ ڕێڤەبەریێ».

رەمەزان زەكەریا:

ل سەنتەرێ ناوچەداریا دینارتێ و گوندێن دەردۆر گازا سپی ل سەر وەلاتیان دێ‌ هێتە بەلاڤكرن.
ناوچەداریا دینارتە ئاگەهداریا بریكارێن ئاهێن خوارنێ كریە كو سەردانا ئاڤاهیێ ناوچەداریێ بكەن، ب مەرەما وەرگرتنا پلیتێن گازا سپی و د دووڤ دا گازا سپی ل سەر وەلاتیێن سەنتەرێ ناوچەداریی و گوندێن دەردۆر دێ‌ هێتە بەلاڤكرن.
ناوچەداریا دینارتە خویا ژی كریە كو سالانە ل دەڤەرێن چیایی دەست ب بەلاڤكرنا گازاسپی دهێتە كرن و ئەڤ سالە ل دینارتە 5824 سەرۆك خێزان دێ گازا سپی وەرگرن.

هەولێر، قائید میرۆ:

پەیڤدارێ وەزارەتا داد یا حكومەتا هەرێما كوردستانێ‌ دیاركر، قانوونا رۆژنامەڤانیێ ل سەر مالپەڕێن ئەلكترۆنی ژی دێ هێتە بجهئینان و جڤاتا شۆرا یا هەرێما كوردستانێ بابەت ئێكلاكریە، ئەو ژی پشتی ژ لایێ وەزارەتا رەوشنبیری ڤە داخوازا رۆهنكرنێ هاتیە كرن.
نەریمان تالب، پەیڤدارێ وەزارەتا داد بۆ رۆژناما ئەڤرۆ خویاكر، بەری نوكە وەزارەتا رەوشنبیری داخوازا رۆهنكرنێ ژ جڤاتا شۆرا یا هەرێما كوردستانێ كربوو، كو ئایا قانوونا رۆژنامەڤانیێ مالپەڕ و پێگەهێن ئەلكترۆنی ڤەدگریت یان نە و گۆت: «جڤاتا شۆرایێ ژی بەرچاڤ رۆنی داینە وەزارەتا رەوشنبیری، كو قانوونا رۆژنامەڤانیێ ل سەر مالپەڕێن ئەلكترۆنی ژی دێ هێتە بجهئینان، چونكی دەمێ قانوونا رۆژنامەڤانیێ دەركەفتی مالپەڕێن ئەلكترۆنی و سایت بڤی شێوەی نەبوون».
نەریمان تالب گۆتژی: «جڤاتا شۆرا یا هەرێما كوردستانێ، ب تنێ بۆچوونا خوە دیار دكەت ل سەر وان پرسێن ئاراستەی جڤاتێ دهێنە كرن و مەرج نینە لایەنێ پرسیار دكەت یێ پێگیربیت ب بەرسڤا جڤاتا شۆرایێ، بەلێ ئەگەر دو لایەنان ئاریشە ل سەر بابەتەكی هەبیت، وی دەمی پێدڤیە كار ب بۆچوونا جڤاتا شۆرا یا هەرێما كوردستانێ بهێتە كرن و بابەت دێ هێتە ئێكلاكرن».