شاهۆ فهرید:
سترانبێژ عهدنان رێكانی د دیدارهكێ دا بۆ بهرپهرێ هونهریێ رۆژنامهیا ئهڤرۆ گۆت: سالا 1984ێ من دهست سترانگۆتنێ كریه من بخوه سازهك چێكربوو ژ تهنهكێ، دووڤ دا بوویمه ئهندامێ تیپا روباد یا هونهری سالا 86ێ وهكو سترانبێژ، ژبهر نهبوونا پالپشتیێ بۆ كاریێن هونهری گهلهك یا زهجمهته بشێی كاران ئهنجامبدهیی ژ ستران و كلیپان، ئهڤی سهردهمی مهزاختیهكێ مهزن بۆ ههر كارهكێ هونهری بكهی دڤێت، من گهلهك پهیڤ و ئاواز ههنه بهردهست بهلێ من تۆمارنهكرینه چونكۆ بێ پالپشتی زهحمهته، كارهكێ من كارێ مۆزیكێ بۆ كری سترانا برایێ خوه لوقمان رێكانی بناڤێ رۆژبوونا كچامنه ئاواز كریه سوشالێ ببو ترێند، ههبوونا هاریكاریێ دێ من گهلهك كاریێن باش ههبن.
زێدهتر ناڤهاتی گۆت: ئهز نوكه دهرڤهیی وهلاتی ل ئاههنگ و شههیانا خزمهتا حهزژێكهرێن دهنگێ خوه دكهم بهلێ ناچمه ڕوونشنێن تایبهت ئهگهر ئهم ههڤال كومڤهبین سترانا بێژم، كارهكێ نوو ناڤا دهستێ من ههیه بناڤێ (باهێزا عهشقامهیه) ژ پهیڤێن ئهڤراز مههدینه، ستران بۆ من ژهنینا ههستێت منه، سوشیال مهدیایێ رێكخوهشكهری ئێخستیه ههرئێك كارێن خوه ناڤا رۆپهلێن خوه بهلاڤ بكهتن ههر وهكو بێژین كهنالێ خوهیێ تایبهتێ ههیه، بهلێ بهرۆڤاژیی خرابیهكا مهزن گههاندیه هونهرمهندی و سترانبێژی، چونكۆ سالانێن بهری ههر ئهلبوومهكا ته بهرههمئیناتبا داهاتهك بووته ژیێ دهات بهلێ نوكه چ مفانینه ژبلی هندهك لایك و كۆمێنتان.
نيشاندان