چاڤەڕێ‌ دهێتە كرن ئەڤرۆ ژی نەهـ یاریێن دی ژ هەڤڕكیێن گەڕا پێنجێ‌ یا قارەمانییا یانەیێن ئۆرۆپا قارەمانێن خولا چامپیۆنز، یاریێن ئەڤ شەڤە دێ‌ ب هێزبن بۆ ریال مەدرید، لیڤەرپۆل و ئینتەرمیلا و یارییا ئاگرین كۆپیتگا ڤێ‌ گەڕێ‌ ئارسنال دێ‌ بایرن میۆنخێ‌ مێڤان كەت.
دو یاریێن ل دەمژمێر 8:45 هێنە كرن.
كوبنهاگن یا هۆلەندی- كایرات ئالماتی یا كازاخستانی.
بافۆس یا قبرسی- مۆناكۆ یا فرەنسی.
حەفت یاریێن مایی ل دەمژمێر 11ی شەڤ هێنە ئەنجامدان
ئارسنال با ئنگلتەرایێ‌- بایرن میونخ یا ئەلمانی.
پاریس سانجێرمان یا فرەنسی- توتنهام یا ئنگلتەرایێ‌.
ئەتلەتیكۆ مەدرید- ئینتەر میلان یا ئیتالی.
لیڤەرپۆل یا ئنگلتەرایێ‌- ئایندهۆڤن یا هۆلەندی.
ئۆلمپیاكۆس یا یۆنانستانی- ریال مەدرید یا ئسپانی.
ئانتراخت فرانكفۆرت یا ئەلمانی- ئاتلانتا یا ئیتالی.
سپۆرتینگ لەشبۆنە یا پۆرپۆگالی- كلۆپ برۆچ یا بەلجیكی.
36 یانە شەڕی بۆ 16 پلێتان دكەن
هەژی گۆتنێ‌ هەر یانەیەك دێ‌ هەشت یارییان دگەل یانەیێن جودا كەت، چار یاری دناڤ ئەردێ‌ خوە دا و چار ژ دەرڤەیی یاریگەها خوە، هەشت یانەیێن ئێكێ‌ دێ‌ دەربازبنە قۆناغا 16ێ‌، ئەو یانەیێن ژ ڕێزا نەهێ‌ هەتا 24ێ‌ دهێن دێ‌ هەڤڕكیێ‌ بۆ هەشت پلێتێن مایی یێن دەربازبوونێ‌ بۆ قۆناغا 16ێ‌ كەن، ئەو یانەیێن د رێزا 25ێ‌ هەتا 36ێ‌ دهێن دێ‌ ژ هەڤڕكییان هێنە دوورئێخستن.
رێزبەندییا خولێ‌ بەری ب دووماهی هاتنا گەڕا پێنجێ‌
1- بایرن میۆنخ ب 12 خالان.
2- ئارسنال 12 خال.
3- ئینتەر میلان 12 خال.
4- مانچستەر ستی ب 10 خالان.
5- پاریس سانجێرمان نەهـ خال.
6- نیۆكاسل نەهـ خال.
7- ریال مەدرید نەهـ خال.
8- لیڤەرپۆل نەهـ خال.
9- گالاتا سارایی نەهـ خالان.
10- توتنهام ب هەشت خالان.
11- بەرشەلۆنا حەفت خال.
12- چێلسی حەفت خال.
13- سپۆرتینگ لەشبونە حەفت خال.
14- بۆرۆسیا دۆرتمۆند حەفت خال.
15- كارابخ حەفت خال.
16- ئاتلانتا ب حەفت خالان.
17- ئەتلەتیكۆ مەدرید ب شەش
18- ئایندهۆڤن پێنج خال.
19- مۆناكۆ پێنج خال.
20- بافۆس پێنج خال.
21- بایرن لیڤەركۆزن ب پێنچ خالان.
22- كلۆپ برۆچ چار خال.
23- ئانتراخت فرانكفۆرت چار خال.
24- ناپۆلی ب چار خالان
25- مارسیلیا ب سێ‌ خالان.
26- یۆڤانتۆس ب سێ‌ خالان.
27- ئەتلەتیكۆ بلباۆ ب سێ‌ خالان.
28- یۆنیۆن سان جێلواز ب سێ‌ خالان.
29- بۆدۆگلیمێنت دو خالان.
30- سلاڤیا براگا دو خالان.
31- ئۆلمپیاكۆس دو خال.
32- ڤیاریال خالەك.
33- كۆبنهاگن خالەك.
34- كایرات ئالمانی خالەك.
35- بەنفیكا بێ‌ خال
36- ئەیاكس بێ‌ خال.

قەیس وەیس:

د داخویانیەكێ‌ دا كورێ‌ پارێزگەها دهۆكێ‌ و سەرۆكێ‌ فدراسیۆنا بادمینتۆنا ئیراقێ‌ دیار كر مێڤانداریكرنا هەولێرا پایتەخت بۆ قارەمانییا ڕۆژئاڤا ئاسیا یا بادمینتۆنێ‌ ل سەر ئاستێ‌ ژیێن جودا بەلگەیە ل سەر پێشكەڤتنا وەرزشا كوردستانێ‌ و هەموو هەلبژارتیێن پشكدار كەیفخوەش بووینە.
زێدەتر هەڤال عەبدولعەزیز بۆ رۆژنامەیا ئەڤرۆ گۆت: بۆ جارا ئێكێ‌ یە ل سەر ئاستێ‌ ئیراقێ‌ و كوردستانێ‌ قارەمانییا رۆژئاڤا ئاسیا ب پشكدارییا حەفت هەلبژارتییان بهێتە كرن ئەو ژی هەلبژارتیێن لوبنان، ئوردن، بەحرەین، فلەستین، عومان، قەتەر و سوریا و ئیراقی ئەوا هەڤڕكیێن وێ‌ ل هۆلا گرتییا یانەیا ئەكاد ل هەولێرا پایتەخت دهێنە كرن بۆ ژیێن لبن 15 سالی، 17 سالی و 23 سالی ل سەر ئاستێ‌ كچان و كوڕان و سیستەمێ‌ وێ‌ ب شێوەیێ‌ كت و جود و تێكلەل هەر ژ 16ێ‌ هەتا 26ێ‌ ڤێ‌ مەهێ‌ بەردەوامن.
ژلایەكێ‌ دووڤە ناڤهاتی گۆت: ئەنجامێن پشكدارێن مە گەلەك دباشن سەرباری هەڤڕكییەكا بهێز دهێتە كرن ژبەركو یاریزانێن خودان شیان هەنە ل سەر ئاستێ‌ ئاسیا و عەرەبی، بۆ ژیێن لبن 23 سالی دا ئیراقێ‌ شیایە میدالییا زێرین وەرببگریت پشتی د یارییا دووماهیێ‌ دا 3-2 ژ هەلبژارتیێ‌ لوبنانێ‌ بەت، ل سەر ئاستێ‌ ل ژێر 15 سالی ژی میدالیەكا زێرین ئینایە.
هەڤال عەبدولعەزیزی گۆت: مە كۆمەكا باش یا یاریزانێن كورد هەنە و گرنگتر ژی ئەو هەلبژارتیێن پشكدار هەموو كەیفخوەش بووینە ل سەر ڤێ‌ مێڤانداریكرنێ‌ و ل هەولێرا پایتەخت ئەوە ژی بەلگەیە كو وەرزشا كوردستانێ‌ پێشكەڤتی یە و یا بەر ب باشتر دچیت هەروەسان كوردستان بوویە گەرەنتییا سەركەڤتنا هەر قارەمانییەكا عەرەبی و نێڤدەولەتی كو مێڤان بكەت ژبەر هەبوونا ژێرخانەیا پێشكەڤتی یا وەرزشێ‌، ئارامییا دەڤەرێ‌ ژ هەمی لایەكی ڤە و پشتەڤانییا حوكمەتا هەرێما كوردستانێ‌ بۆ مێڤانداریكرنا هەر چالاكییەكا نێڤدەولەتی ئەڤ چەندە وەكرییە بەرپرسێن وەرزشی یێن عەربی پشتبەستنێ‌ ل سەر كوردستانێ‌ بكەن.

د داخویانیەكا تایبەت دا د. بەهزاد سالح سەرۆكێ یانەیا پیرس بۆ رۆژنامەیا ئەڤرۆ دیاركر ئەو دێ‌ پشتبەستنێ‌ ل سەر بەرهەمێ‌ خوە یێ‌ ئەكادیمیێ‌ دكە نبۆ قارەمانیێن هەرێمێ‌ و ئیراقێ‌ كو ئەو ژی تیما لاوانە.
زێدەتر ناڤهاتی گۆت: ژبۆ گرنگی دان ب كوڕێن باژێرێ‌ خوە و بلندكرنا ئاست و شیانێن وان مە پشتبەستن دانایە ل سەر تیما خوە یا لاوان، ئەڤێ تیمێ دێ پشكداریێ د هەمی خول و قارەمانیێن بهێت دا كەین، باشترین شێواز ئەڤ یاریزانە مە بەرهەڤكرینە و تیمەكاب هێز و ئاست بلند بەرهەڤكریە، راستە تەمەنێ یاریزانا بچوویكە لێ ئەڤە چەندیین یاریێن هەڤالینی مە ئەنجامدان ئاستەكێ بلندتر ژیێ خوە نیشاندایە.
سەرۆكێ‌ یانەیێ‌ گۆت ژی: بەرهەڤی مە بۆ خولا كوردستانێ و ئیراقێ كرینە، ئەم چاڤەرێ هەردو فێدراسیونا نە بۆ دیاركرنا ژڤان و شێواز و دێ‌ ب چو رێكێ دەنەمە كیش خول و قارەمانی پشكداربین، ئەڤی وەرزی ئەم دێ هەڤڕكی و هێز بین، دەستەكا ڕاهێنەران خودان شیان و ئەكادیمی نە ئەو ژی كاپتن نێچیرڤان شوكری و كاپتن وەلات عومەر، پێنەڤێت ب سەرپەرشتییا كەسەكێ‌ ئەكادیمی و خودان شارەزاهی كاپتن هەرژەنگ بابەكر زێباری دێ‌ شێن تیمەكا خۆمالی یا بهێز دروست كەین، مە باوەری ب یاریزانێن تیما خوە هەنە، ژلایێ‌ تەكتیكی و هونەری و گەشبینم دێ‌ بینە تیمەكا ب هەڤڕك د هەر خولەكێ‌ دا، لەوما ژی ئەم چاڤەڕێ‌ هەر پێشهاتەكێ‌ نە بۆ چاوانییا پشكداریێ‌ د قارەمانیێ‌ دا.

فدراسیۆنا فوتبۆلا كوردستانێ‌ چەند ڕێنما و بڕیارێن نوو دەركرن ژ وانا سزادانا سەرپەرشت و هاریكارێ‌ ڕاهێنەرێ‌ تیما یانەیا زاخۆ د خولا پلا نایابا كوردستانێ‌ دا سزادان
فدراسیۆنا فوتبۆلا كوردستانێ‌ دیاركر پشتی لژنەیا ڕێكاری و یاسا و سزا دۆڤچوونا ڕاپۆرتا سەرپەرشت و دادڤانێ‌ یارییا زاخۆ بەرانبەر یانەیا چوارقۆرنە ژ چارچووڤەیێ‌ گەڕا چوارێ‌ یا خولێ‌ بڕیار دان
1- سزادانا سەرپەرشتێ‌ تیما زاخۆ نەدیار عەلی ب دوورئێخستنا وی بۆ دو یارییان ل دووڤ بڕیارا ماددێ‌ شەش یێ‌ سزایێن كارگێری و ڕاهێنەران ل تۆمارا سزایان.
2- سزادانا هاریكارێ‌ ڕاهێنەرێ‌ یانەیا زاخۆ سەردار عومەر ب دوورئێخستنا وی بۆ سێ‌ یارییان ل دووڤ برگەیا ئەی ماددێ‌ شەش یێ‌ سزایێن كارگێری و ڕاهێنەران ل تۆمارا سزایان.
3- سزادانا یانەیا چوارقۆرنە ب كۆژمەیێ‌ 500 هزار دیناران ل دووڤ برگەیا بی یا ماددێ‌ شەش پشتەڤانان ل تۆمارا سزایان.
هەروەسان فدراسیۆنا فوتبۆلا كوردستانێ‌ دیاركر ئەڤ بریارە دێ‌ سوبەهی پێنچ شەمبی كەڤنە لبن وارێ‌ بجهئینانێ‌ دا، دیسان سۆپاسییا لایەنێن ئەمنی و پۆلیسان و ئاسایشێ‌ كر ژبۆ هەماهنگی و هەڤكاریا وان.
چاڤەڕێ‌ دهێتە كرن سوبەهی پێنچ شەمبی هەڤڕكیێن گەڕا پێنجێ‌ ژ خولا نایابا كوردستانێ‌ بهێنە كرن و بڤی شێوەیی، شێروانە- پێشمەرگەیا هەولێر، قەلادز- هندرین، رۆژا ئەینی، زاخۆ- سیروانی نوو، ئاكرێ‌- چوارقۆڕنە، ڕانیە- ڕزگاری، دەربەندیخان- پیشەسازی.

ژێدەرێن رۆژنامەڤانی یێن نێزیكی یانەیا ڕیال مەدرید یا ئسپانی دیاركرن كو یێ‌ بەرازیلی ڤێنیسیۆس جۆنیرۆ سەرۆكێ‌ یانەیێ‌ فلۆرینتیۆ پێرێز ئاگەهداركرییە ئەو گرێبەستا خوە دگەل یانەیێ‌ نوو ناكەت و ئەگەر ژی ڕاهێنەرێ‌ تیمێ‌ دانا.
ئەڤ دەنگۆباسە وەكو سۆپرایزەكا نە پێشبینیكری بۆ پشتەڤان و كارگێرییا ڕیال مەدرید بوو، لێ‌ راپۆرتێن رۆژنامەڤانێ‌ ئەگەرێ‌ سەرەكی بۆ ئاریشەیێن وی دگەل ڕاهێنەرێ‌ تیمێ‌ چاڤی ئەلۆنسۆ ڤەگەڕاندینە و بۆ سەرۆكێ‌ یانەیێ‌ دیاركرییە ئەو گرێبەستا خوە نوو ناكەت و هەر دەمێ‌ ئۆفەرەكا ب دلێ‌ وی بۆ هات دێ‌ یانەیێ‌ بجهـ هێلیت، ئەڤ گۆتنە وەكو گەڤەكێ‌ بۆ یانەیا ریال مەدرید و بەربژاركرینە یان ئاریشەیا وی چارەسكەن یان ژی دێ‌ گرێبەستا خوە هەلوەشینیت.