دیدار، سالار محەمەد دۆسكی

2 – 4

هەیڤا حەفت سالا 1976 ئەم جارەكا دی چوونە توركیا ل گوندێ‌ (بیادرێ‌) ئێكێ‌ سەركردایەتیێ‌ هاتە وێرێ‌ دگۆتنێ‌ (سەلیمێ‌ قیادێ‌) ئەو ژی (جوهەر نامق) بوو بەلێ‌ ب ڤی ناڤی یێ‌ بەرنیاس بوو، و هاتە مالەكێ‌ ل گەل (ماجد بەگێ‌) كومبوون و (ماجد بەگێ‌) گۆتێ‌ مە دو پێشمەرگێن ئیراقی هەنە و گەنجن و (جەوهەر ) گۆت بلا بهێن ئەم چووین و گەلەك كەیفا خوە ب مە ئینا وی ژی گۆت خوە ب پارێزێن و نێزیك دێ‌ مەفرەزێن مە دەركەڤن و ناێن مە نڤێسین و چوون و هەیڤا 11ە نامەكا وی بوومن هات و گۆت ئەف مەفرەزا مە دێ‌ هێتە ناف ئاخا ئیراقێ‌ و بەرپرسێ‌ وێ‌ (عەبدوللا سالح)ە و كادرێ‌ وێ‌ (فوئاد میرانی) یە و ئەگەر ئەڤە بن پەیوەندیێ‌ پێ‌ بكەن و ئەگەر ئەڤە نەبن خوە نیشا كەسەكێ‌ نەدەن و ئەم ل دەڤەرا (مەلختە) بووین ل ناف بەرواری ژ تروانش وێڤە، (حجی خلیل) گۆت دێ‌ چم سەرەدانێ‌ بۆ كەم ئەگەر ئەو بوون دێ‌ گازی هەوە كەم و ئەگەر ئەو نەبوون نابێژمە هەوە و پشتی چووی ئەو بوون و مە پەیوەندی پێكر و ئەم بووینە مەفرازا پێشمەرگەی و ئەم ل گەل (عەبدوللا سالح) بتنێ‌ مە دەست هاڤێتە رێكخستنێ‌ و مە پرێكخستن باشكر و مە چ چالاكیێن لەشكەری ئەنجام نەدان و ئەو كەسێن ئەم ل گەل (عەبدوللا سالح) بتنێ‌ چار پێنچ مرۆف خەلكێ‌ ئیراقێ‌ بوون و ئەڤێن دی هەمی كوردێن توركیا بوون، (حەجی خەلیل بێتكاری) رێكخراوەك دروستكر یا رێكخستنێ‌ و ئەم ژی سەر ب وێ‌ رێكخراوێ‌ ڤە بووین و ناڤێ‌ رێكخراوا مە (رزگاری ئێك) یا نهێنی بوو، و ئێدی بەر فرەه بوو ئێكا دی چێكر، و دوڤدا ئێك ل تروانش( دروستكر و رێكخستن گەلەك بەرفرەه بوون و هەتا ) مایێ‌ و بێدهێ‌ ( ژی چوون و بەرەف دەڤەرا نهێلێ‌ ڤە چوو، و هندی زولم و زورداری یا بەعسیان گەلەك بوو خەلك تهێنیێ‌ كوردینێ‌ بوو، و خەلكی دڤیا كورد شین ببنە ڤە، دەمێن مەفرەزێن پێشمەرگەی خەلكی دیتین گەلەك كەیف پێ‌ هاتن و گۆتن ئەڤە جارەكا دی كورد شین بوونە ڤە و رۆژ بۆ رۆژێ‌ رێكخستێن پارتی دیموكراتی كوردستان بەرفرەهتر لێ‌ دهاتن وی دەمی مە شیانێن ئەنجامدانا چالاكیان نەبوون، و بتنێ‌ مە رێكخستن كر، لێ‌ پشتی هاتنا (زەعیم عەلی) مە چەند چالاكی ل دەڤەرێ‌ ئەنجامدان، وی دەمی (زەعیم عەلی) هاتە جهێ‌ (عەبدوللا سالح) ئەو چوو لقێ‌ دوو و ب هاتنا (زەعیم عەلی) پێشمەرگێ‌ مە زێدەتر لێ‌ هاتن و ئەم گەهشتینە چل كەسان و ئەم شیاین مدرعەكێ‌ ب سوژین ل (مەلختە) وی دەمی پێشمەرگەی گەشەكا باش كر، و هەتا دەسپێكا شەرێ‌ ئیراق و ئیرانێ‌ گەنح و لاو ب كەیف و حەزێن خوە دهاتن دبوونە پێشمەرگە، ل دەسپێكا شەرێ‌ ئیراق و ئیرانێ‌ گەلەك ژ لەشكەری یا بزوری رەڤین و هاتن بوونە پێشمەرگە و گەلەك ژی هاتنە گوندان و بتنێ‌ خوە پاراستن وی دەمی دگۆتنێ‌ (بەرگری مللی) و بەرپرسێ‌ رێكخراوەكێ‌ ژی بۆ دهاتنە دانان و زێدەتر ل دەڤەرێن ئارام دهاتنە بنەجهكرن، چالاكیەكا دی ل سەرێ‌ (رەشێ‌) ل سنورێ‌ نێروەی یا مە ئەنجامدا و حوكمەتا ئیراقێ‌ مژوولی ئینانا رێكەكێ‌ بۆ ب مەرەما راكرنا خەلكێ‌ ئەوان گوندان، ترۆمبێلێن ئاڤەدانكرنێ‌ دهاتن و ترۆمبێلەكا لەشكەری هەردەم ل بەراهیێ‌ دچوو و ترۆمبێلەكا تایبەت یا ئەندازیاران بوو مە هاڤێتێ‌ و مە ئەو كرێكار و ئەندازیار هەمی دەستە سەركرن و ئەندازیارەكێ‌ (مسری) بوو و گرتنا وی گەلەك دەنگ ڤەدا وناڤێ‌ وی ئەندازیارێ‌ (مسری) (سەلاح) بوو و ئەندازیارەكێ‌ (میسلی) بوو و فییتەرێ‌ میكانیكا دوزەرا و ل گەل دو جندیان و ل گەل هەمی شوفێر و كرێكارێن هەمی ترۆمبێلان و بەلێ‌ مە ئەوێن مەدەنی بەردان و بتنێ‌ ئەندازیار و جندی مان و پشتی دەستەسەركرنا ئەڤان حوكمەتا ئیراقێ‌ بابەت گەهشتێ‌ و ئێكسەر پەیوەندی كر و گۆت بتنێ‌ ئەڤان نەدانە دەزگەهێن راگەهاندنێ‌ هندی هەوە پارە دڤێت دێ‌ بۆ هەوە هنێرین و پارتی گۆت ئەم دێ‌ بابەتی گەهینە دەزگەهێن راگەهاندنێ‌ و چوونە ئالیێ‌ توركیا و گوندەكی ل نێزیك (چەلێ‌) دگۆتنێ‌( بێلاتێ‌) و پەیامنێرێ‌ رۆژناما (حوریەت) یا توركی ل (چەلێ‌) بوو و گۆتنێ‌ وەرە چافپێكەفتنێ‌ ل گەل ئەڤان بكە.
ئەو ژی هاتن و چاف پێكەفتن ل گەل ئەوان گرتیان ئەنجامدان و ئەوان گۆتن ئەم د دەستێ‌ پێشمەرگێن كورداینە و ئەڤە گۆتنا ئەندازیارێ‌(مسری) بوو و پشتی بەلاڤبوونا ئەوی دەنگ و باسی ئێكسەر حوكمەتا (مسرێ‌) هاتە سەر خەت و گۆتە حوكمەتا ئیراقێ‌ مە ڤێگاڤێ‌ ئەندازیارێ‌ خوە ب ساخی دڤێت و ئێكسەر حوكمەتا ئیراقێ‌ بۆ لاف لاڤا وێ‌ و هاتن و چوون چێبوو و ئێكسەر دانوستاندنا دەستپێكر، وی دەمی بەرپرسێ‌ سەركردایەتی یا بەروەخت (سامی شنگالی) بوو و حوكمەتا ئیراقێ‌ گۆت كا داخازێن هەوە چنە بەرامبەر ئازاكرنا ئەڤان كەسان(سامی شنگالی) گۆتێ‌ هندی كوردەكێ‌ سزایێ‌ سێدارێ‌ ل سەر بیت دڤێت بهێتە ئازادكرن و پارە ژی مە دڤێن و حوكمەتا ئیراقێ‌ گۆتی بلا و دانوستاندن بەردەوامێ‌ دهێنەكرن و هاتن و چوون خوش بوو دناڤبەرا ئیراق و سەركردایەتی یا بەروەخت دا وی دەمی ئەو دانوستاندن نهێنی بوون، و جارەكێ‌ (زەعیم عەلی) گۆت بتنێ‌ سێ‌ خار د ناڤبەرا مە و ئیراقێ‌ دا ماینە و ئەم دێ‌ پێك هێن و گۆت ئەگەر رازیبوون ل سەر مە بهێتەكرن ژی ئەم دێ‌ هەر ل چیا بین چونكە حوكمەتا ئیراقێ‌ یا هزرەكا مەزن بوومە دكەت و بەرامبەر ئەم هێزەكا لاواز و بچیكین و ئەم خو نیشانادەین و نابیت ئەم چەكی بدانین سالا 1979 بوو و (سامی شنگالی) گۆت دێ‌ چمە ئیرانێ‌ و دووماهی ئەنجامێ‌ دانوستاندنێن نهێنی دێ‌ گەهینمە (ملا مستەفا بارزانی) و ئەگەر ل سەر رازیبوو دێ‌ زڤرین و راگەهاندنا دانوستاندنا كەین و هێشتا (سامی) ب رێكێ‌ ڤە، نووچێ‌ وەغەركرنا (ملا مستەفا بارزانی) بەلاف بوو و شین و تازی كەفتە كوردستانێ‌ هەمیێ‌ و دناڤا پێشمەرگەی دا و (سامی شنگالی) چوو ئیرانێ‌ و هەتا جەنازێ‌ خودێ‌ ژێ‌ رازی (ملا مستەفا بارزانی) هاتی و ماوەكی (سامی ) ما وێرێ‌، و دوڤدا جەنابێ‌ سەرۆك(مەسعود بارزانی) داخوازا (سامی) سەركردایەتی یا بەروەخت كر، كو هندەك پێشمەرگە بیتە ئیرانێ‌ و ئەم چووینە ئیرانێ‌ هەیڤا پێنچ بوو و سالا 1979ێ‌، ئەوێن مە گرتین هاتنە ئازداكرن بەرامبەر هندەك كەسێن حوكمەتا ئیراقێ‌ بێ‌ گونەه گرت بوون، و رێكخستنێن نهێنی هەر گۆتن ئەوان ئازاد بكەن، مە گۆتێ‌ بابو جارێ‌ راوستن گەلەك مرۆڤ هەنە ل بەر سێدارێ‌ نە و بلا ئەو بهێنە ئازادكرن ل دووماهیێ‌ هاتنە ئازادكرن.